Saurlid

Frå Wikipedia – det frie oppslagsverket
Hopp til navigering Hopp til søk

Saurlid var den plassen på Nidarnes, i følge Snorre, der liket til Olav Haraldsson vart lagt første natta av Torgils Halmason og hans menn etter slaget på Stiklestad i 1030. Torgils hadde rodd det opp Nidelva ovanfor dei husa som utgjorde det som skulle utvikle seg til byen Nidaros, lagt til ved Saurlid og lagt liket i eit skremma (lite hus) før det neste dag vart gravlagd lenger opp (sør).

Ordet er sett saman av saur (skit, lort) og led (grind, opning i gjerde).[1]

Ordet er nemnt berre ein gong. Snorre seier at på hans si tid var det erstatta av Olavslid.[2] Snorre si kjelde kan vere ei tapt translasjonskildring, Translatio sancti Olavi, om hendingane etter slaget.

Kjelder[endre | endre wikiteksten]

  1. Hægstad og Torp, Gamalnorsk ordbok, Samlaget 1909
  2. Nils Hellan, Sagakritiske og typonymiske bemerkninger til Trondheims eldste historie. Trondhjemske samlinger 1976