Schibsted

Schibsted
Selskapsform	allmennaksjeselskap
Org.nr.	933 739 384
Skipa	1839
Dotterselskap	Schibsted Norge, LBC France, FINN.no, Huitfeldt Forlag, Lister
Bransje	medieindustrien
Hovudkontor	Oslo
Styreleiar	Ole Jacob Sunde
Adm. direktør	Kristin Skogen Lund
Tilsette	5 000, 4 931, 5 006

Schibsted (OSE: SCH) er det største mediekonsernet i Noreg, og ein av dei leiande medieaktørane i Skandinavia. Konsernet har etablerte produkt og rettar innanfor media som avis, fjernsyn, film, forlag, multimedia og mobile tenester.

Historie

Selskapet vart grunnlagt av Christian Schibsted i 1839 då han starta ei lita verksemd som boktrykkjar i Oslo. Schibsted overtok eigarskapet til Verdens Gang i 1966, då avisa var i finansielle problem. I 1988 vart det til då familieeigde selskapet omlagt til aksjeselskapsforma og det vart oppretta ulike dotterselskap. I dag eig Schibsted mellom anna Verdens Gang, Aftenposten og Avis1, og er deleigar av svenske Aftonbladet (49,9%), TV 2 (33,3%), Svenska Dagbladet, Metronome Film & Television AB (60%) og Sandrew Metronome (50%).

Konsernet vart børsnotert i 1992, og konsernsjef har sidan det vore Kjell Aamot.

Hovudkontoret ligg i Oslo og det meste av verksemda er knytt til Noreg og Sverige.

Eigarskap

Schibsted ASA er eigd av:

• Blommenholm Industrier AS ved Tinius Nagell-Erichsen (26,1 %)
• State Street Bank (10,7 %)
• Folketrygdfondet (8,2 %)
• Capital Research (6,6 %)
• Marathon Asset Management (6,1 %)
• Mellon Bank (6,0 %)
• Andre eigarar (36,2 %)

Schibsted ASA eig dette innan norsk presse og fjernsyn:

• Adresseavisen ASA (33,3 %)
• Aftenposten AS (100 %)
• Asker og Bærums Budstikke ASA (10,1 %)
• Bergens Tidende AS (24,4 %)
• Fædrelandsvennen AS (25 %)
• Harstad Tidende-gruppen AS (49,3 %)
• Schibsted Print Media AS (100 %)
• Stavanger Aftenblad ASA (31,5 %)
• TV2-gruppen AS (33,3 %)
• Verdens Gang AS (100 %)

Andre selskap Schibsted eig:

• Schibsted Søk AS (Sesam.no) (100 %)
• Næringsliv24 AS (100%, gjennom Aftenposten (60%) og VG(40%))
• Basefarm AS (73,5 %)

Bakgrunnsstoff

• Offisiell nettstad
• Aksjeinformasjon om Schibsted frå Børs24
• Schibsted ASA i Medieregisteret Arkivert 2006-07-15 ved Wayback Machine. (informasjon om eigartilhøva innanfor norsk dagspresse, radio og fjernsyn)
• «Gir fra seg makten» på N24.no (endring i eigarstrukturen)