Sgurr Alasdair

Sgurr Alasdair
fjell
Land	Skottland
Fjellkjede	Black Cuillin
Høgd	993 moh.
Primærfaktor	992 m
Lettast tilkomst	Småklatring
Førstestiging	Alexander Nicolson, 1873
Koordinatar	57°12′23.74″N 6°13′19.99″W
Sgurr Alasdair 57.206589°N 6.224143°W / 57.206589; -6.224143
Wikimedia Commons: Sgurr Alasdair

Sgurr Alasdair er det høgste fjellet i fjellkjeda Black Cuillin og det høgste fjellet på Isle of Skye i Skottland. På same måten som resten av fjellkjeda, er det bygt opp av gabbro, ein bergart som eignar seg svært godt til fjellklatring.

Som med andre fjell i Cuillin-fjellkjeda, må ein tole høgder og å bruke hendene for å kome seg til toppen. Den minst krevjande ruta følgjer the Great Stone Shoot («det store steinspranget») – ei steinrøys som går oppover frå dalbotnen Coire Lagan og møter hovudryggen under toppen. Ein må så småklatre litt den siste biten, før ein kjem til den skarpaste toppen i Cuillin.

Andre ruter krev gode ferdigheiter innanfor småklatring eller klatring med tau. Toppen av Sgurr Alasdair kan verte nådd ved å ta ein kort omveg frå hovudryggen for klatrarar som vil utnytte heile potensialet sitt på Cuillin-fjellkjeda, eller dei som følgjer steinrøysa opp frå Coire Lagan.

The Great Stone Shoot, eller «det store steinspranget», er ein av vegane som fører opp til Sgurr Alasdair.

Kjelder

• Denne artikkelen bygger på «Sgurr Alasdair» frå Wikipedia på engelsk, den 17. november 2007.