Sigge Ericsson

Frå Wikipedia – det frie oppslagsverket
Gå til: navigering, søk
Sigge Ericsson
Sigge Ericsson 1956 001.jpg
Fødd 17. juli 1930
Alanäs
Sigge Ericsson på Commons

Johan Sigvard Ericsson (fødd 17. juli 1930), kjend som Sigge Ericsson, er ein svensk tidlegare skeiseløpar frå Alanäs i Jämtland. Han vart både europameister og verdsmeister på skeiser i 1955, og han vann gullmedaljen på 10 000 meter under Vinter-OL 1956.

Sigge Ericsson i 1956

Ericsson fekk sitt gjennombrot då han vart tredjemann ved skeise-EM 1954 i Davos. Vinteren 1955 vann han fyrst europameisterskapen i Falun og sidan verdsmeisterskapen i Moskva, begge gongane hadde han sterkast konkurranse frå sovjetiske Oleg Gontsjarenko. For desse prestasjonene vart Ericsson tildelt Svenska Dagbladets gullmedalje.

I OL-sesongen 1956 tok Ericsson tredjeplassen ved EM i Helsinki. Under vinterleikane 1956 i Cortina d'Ampezzo vann han sølvmedaljen på 5 000 m. To dagar seinare kneip han gullmedaljen på 10 000 m med tida 16,35,9, eitt sekund framom norske Knut Johannesen, og med Oleg Gontsjarenko på bronseplassen.

Han la opp i 1957.

Kjelder[endre | endre wikiteksten]

  • (en) Sigge Ericsson – Profil og resultatoversikt i olympiske konkurransar på sports-reference.com.