Sigurd Holemark

Frå Wikipedia – det frie oppslagsverket
Hopp til navigering Hopp til søk
Sigurd Holemark
Fødd8. september 1934
Norderhov
Død12. august 2004
Statsborgar avNoreg
PartiHøgre
Yrkepolitikar, forretningsdrivande

Sigurd Holemark (8. september 193412. august 2004) var ein funksjonær og politikar frå Norderhov i Buskerud. Han representerte Østfold og partiet HøgreStortinget frå 1981 til 1993.

Etter å ha gått handelsgymnas byrja Holemark som praktikant, fyrst ved Borregaard Fabrikker i Sarpsborg og deretter ved firmaet si avdeling i Frankfurt am Main i dåverande Vest-Tyskland. I tida 1957-59 studerte han internasjonal marknadsføring ved eit college i Manchester i Storbritannia. Deretter arbeidde han to år i salsavdelinga til eit lokalt basert selskap i Manchester. Frå 1961 til 1981 hadde han ulike stillingar i administrasjonen i Borregaard i Sarpsborg, dit han også gjekk tilbake då han forlet Stortinget i 1993. Han slutta ved Borregaard i 1997.

Holemark var medlem av bystyret i Sarpsborg i tida 1968-79. Til Stortinget 1977-81 var han fyrste vararepresentant, og møtte nokre få månader i den eigenskapen. Frå 1981 hadde han fast plass for Høgre og Østfold på Tinget i tre valperiodar. I den fyrste perioden, 1981-85, var han medlem av Forsvarskomiteen, deretter 1985-89 av Finanskomiteen og av Landbrukskomiteen, og til sist, 1989-93, av Energi- og industrikomitéen. I tillegg var han med i Valkomiteen 1985-93 og 1989-93 med i Fullmaktskomitéen.

Dei åtte sesjonane frå hausten 1985 til 1993 var han sekretær i Stortinget.

Kjelder[endre | endre wikiteksten]