Sigurd Meidell

Sigurd Meidell
Statsborgarskap	Noreg
Fødd	20. februar 1878 Bergen, Bergen kommune
Død	26. juli 1968 (90 år) Oslo
Yrke	journalist, redaktør, genealog, skribent, redaktør
Språk	norsk

Sigurd Segelcke Meidell (20. februar 1878–26. juli 1968) var ein norsk journalist og forfattar, fødd i Bergen.

Meidell var utdanna innan jus, men arbeidde som journalist. I 1913 skipa han Avisernes Kristianiakontor i hovudstaden, og dreiv dette i lang tid. Då han kom i sekstiåra, byrja han å gje ut romanar under psvedonymet Arne Vaagen. Frå 1941 til -56 kom åtte forteljingar med motiv frå Vestlandet og vidare. Han vart rekna som ein flink forteljar, medan dei psykologiske skildringane stod noko tilbake. Meidell var mykje interessert i ættegransking og i kulturhistorie, og var aktiv for Hardanger historielag og Sunnhordlands folkemuseum.

Han er gravlagd i Oslo.

Kjelder

• Norsk Allkunnebok. VIII. bandet. 1958
• disnorge.no