Simen Krüger

Simen Krüger
Statsborgarskap	Noreg
Fødd	13. mars 1993 (31 år) Hønefoss
Idrett	langrenn
Tok del i	Langrenn under Vinter-OL 2018 – 30 kilometer skiathlon menn, Langrenn under Vinter-OL 2018 – 4 × 10 kilometer stafett menn, Langrenn under Vinter-OL 2018 – 15 kilometer fristil menn, Ski-VM 2021, Ski-VM 2023

Simen Hegstad Krüger (fødd 13. mars 1993) er ein norsk langrennløpar frå Oslo som vann to olympiske gullmedaljar og ein sølvmedalje under Vinter-OL 2018 i Pyeongchang. Han er medlem i Ski- og fotballklubben Lyn i Oslo.

Karriere

Krüger tok sølvmedalje på 15 km fri teknikk under U23-VM på ski 2015 i Almaty, 9,5 sekund bak tyske Florian Notz og 17,2 sekund føre franskmannen Adrien Backscheider.

I Noregsmeisterskapen på ski 2016 vann Lyn 3 & 10 km stafett med eit lag beståande av Krüger, Jonas Frorud, Hans Christer Holund, ein prestasjon dei gjentok året etter. Under U23-VM på ski 2016 i Râșnov tok han gull på 15 km fri teknikk, føre franskmennene Clement Parisse og Alexandre Pouye. På tampen av 2016-sesongen tok han NM-bronsen på 10 km då Ski-NM 2016 vart avslutta på Beitostølen, slått av Martin Sundby og Emil Iversen.

Krüger fekk sin fyrste pallplass i verdscupen då han i Toblach vart tredjemann i ein etappe under Tour de Ski 2017. Knapt 12 månader seinare, tok han same staden sin fyrste siger i eit verdscuprenn laurdag 16. desember 2017. På eit gnistrande føre vann han 15 km fristil på tida 29.58,8 og slo franske Maurice Manificat med vel 10 sekund. Fire veker seinare vart han på Vang i Hedmark norsk meister i 15 km fristil, med over eit halvt minutts forsprang til andremann. Sundag 11. februar 2018 vann han den olympiske gullmedaljen på 30 km i Pyeongchang, med landsmennene Martin Sundby og Hans Christer Holund på sølv- og bronseplass. Deretter gjekk han inn til sølv på 15 km fristil, før han med ein flott tredjeetappe i 4 x 10 km la grunnlaget for at Johannes Klæbo kunne ta Noreg inn til OL-gull, dei andre på laget var Didrik Tønseth og Martin Sundby.

I 2024 fekk han Holmenkollmedaljen.

Medaljar og besteplasseringar i noregsmeisterskap

• Ski-NM 2015:
• Ski-NM 2016: Nr 5 på 30 km i Tromsø
• Ski-NM 2017: Nr 8 på 15 km og 30 km på Gran
• Ski-NM 2018: Gullmedalje på 15 km
• Ski-NM 2019: Nr 4 på 15 km og på 30 km
• Ski-NM 2020: Nr 11 på 15 km i Drammen
• Ski-NM 2021: Sølvmedalje på 15 km i Trondheim
• Ski-NM 2022: Gull på 10 km i Gran og sølv på 15 km i Harstad
• Ski-NM 2023:

Kjelder

• «Jarl Magnus Riiber» (på engelsk). Olympedia.org. Henta 25. april 2024. 
• Denne artikkelen bygger på «Simen Krüger» frå Wikipedia på bokmål, den 16. desember 2017.

Bakgrunnsstoff

• (en) Simen Krüger – Profil og resultatoversikt hos FIS