Siri Sverdrup Lunden
| Siri Sverdrup Lunden | |||
| Fødd | 23. mars 1920 Kongsberg kommune | ||
|---|---|---|---|
| Død | 24. august 2003 Trondheim | ||
| Nasjonalitet | Noreg | ||
| Yrke | lærar | ||
| Institusjonar | Universitetet i Oslo | ||
| Alma mater | Universitetet i Oslo | ||
| Ektefelle | Terkel Rosenqvist | ||
| Medlem | Det Norske Videnskaps-Akademi | ||
Siri Sverdrup Lunden (23. mars 1920–24. august 2003) var ein norsk slavist og professor i slaviske språk ved universitetet i Oslo 1971–1987.
Liv
[endre | endre wikiteksten]Siri Sverdrup Lunden var dotter av kvinnesakskvinna og fredsaktivisten Mimi Sverdrup Lunden. Ho voks opp i Oslo. I løpet av andre verdskrigen fatta ho interesse for Sovjetunionen og russisk, og byrja å studera slavistikk etter krigen. Ho avslutta universitetsstudia ved universitetet i Oslo i 1958 med ei avhandling om Peter den store sin uttale av russisk. I 1960 blei ho lektor ved institutt for slaviske språk. Ho tok doktorgrad i 1969 med avhandlinga «The Trondheim Russian-German MS Vocabulary: A Contribution to Seventeenth-Century Russian Lexicography», ei undersøking av eit russisk manuskript som var funne i Noreg i 1927. I 1971 blei ho utnemnd til professor i slaviske språk som etterfølgjar til Christian Schweigaard Stang. Ho var i denne stillinga til ho gjekk av i 1987. Ho var gift med professor Terkel Nissen Rosenqvist.
Studium og forfattarskap
[endre | endre wikiteksten]Sverdrup Lunden bidrog til å modernisera studiet av russisk ved universitetet i Oslo, som tidlegare hadde vore fokusert på historisk språkvitskap. Forgjengaren i professoratet, C.S. Stang, hadde vore oppteken av samanliknande baltisk og slavisk språkforsking, medan Sverdrup Lunden la vekt på moderne russisk. Ho interesserte seg likevel også for gammalrussisk, og gav ut i 1987 ei norsk omsetjing av Igorkvadet. Ho gav også ut ei bok om russenorsk, og var president i den norsk-bulgarske foreininga.
Verk
[endre | endre wikiteksten]- The Trondheim Russian-German MS vocabulary : a contribution to 17th-century Russian lexicography. Oslo: Universitetsforlaget, 1972.
- Russenorsk revisited. Oslo: Universitetet i Oslo, 1978.
Kjelder
[endre | endre wikiteksten]- Denne artikkelen bygger på «Siri Sverdrup Lunden» frå Wikipedia på bokmål, den 16. mai 2025.