Sissle

Frå Wikipedia – det frie oppslagsverket
Hopp til navigering Hopp til søk
Koordinatar: 47°33′15″N 7°58′54″E
Sissle
elv
Oeschgen Sissle.JPG
Land Flag of Switzerland.svg Sveits
Kanton Aargau
Lengd 16 km
Kjelde Sørsida av fjellet Dreierberg i Schinznach-Dorf
 - høgd 650 moh.
Munning Hochrhein
 - stad Sisseln
 - koordinatar 47°33′15″N 7°58′54″E

Sissle
47°33′15″ N 7°58′54″ E

Sissle er ei 16 km lang elv i den sveitsiske kantonen Aargau i Sveits. Ho er ei sideelv til Rhinen og drenerer austlege delar av Fricktal. Den største byen ved elva er Frick.

Elva spring ut i kommunane Schinznach-Dorf og Thalheim i ei høgd på 650 meter over havet på sørsida av fjellet Dreierberg og nordsida av Zeiher Homberg i Jurafjella. Like etter kjelda renn elva gjennom eit bergpass mellom Dreierberg og Zeiher Homberg og fell raskt nedover. Ho renn gjennom Talmatt og langs grensa til Zeihen. Etter om lag 2,5 km renn Sissle forbi Effingen jernbanestasjon og den vestlege inngangen til Bözbergtunnelen, om lag 450 meter over havet. Elva måtte her kanaliserast då jernbanen vart bygd.

Frå her og vidare er landskapet relativt flatt og elva følgjer motorvegen A3. Ho renn stort sett fritt fram til Hornussen og er så kanalisert fram til Eiken, der ho svingar nordover og går inn i Rhindalen. Ho tek imot elva Bruggbach frå venstre, som kjem frå Wittnau. Dei siste 2,5 km av Sissle dannar ho store meander. Ho endar ved landsbyen Sisseln, der ho munnar ut i Hochrhein ved 290 moh.

Kjelder[endre | endre wikiteksten]