Siv Heim Sæbøe

Frå Wikipedia – det frie oppslagsverket
Hopp til navigering Hopp til søk
Siv Heim Sæbøe
Fødd 25. mars 1973 (47 år)
Noreg
Yrke handballspelar

Siv Heim Sæbøe (fødd 25. mars 1973) er ein norsk tidlegare handballspelar som vart europameister i 1998. Linjespelaren vann også Cupvinnarcupen 1998 og 1999 med Bækkelagets Sportsklub i Oslo.

Klubbspel[endre | endre wikiteksten]

Sæbøe spelte på Bækkelaget frå 1988 til 2002. Med Oslo-laget vann ho fleire norske titlar, både seriemeisterskap og cupmeisterskap. Høgdepunkta med Bækkelaget kom då laget sigra over Kraš Zagreb i Cupvinnarcupen i 1998, ein meistertittel laget forsvarte i 1999 då spanske Amadeo Tortajada var finalemotstandar. Desse siste sesongane på 1990-talet hadde ho særs dyktige lagvenninner i Susann Goksør, Kjersti Grini og Anja Andersen. Frå sommaren 2002 spelte Sæbøe i tre år på franske Cercle Dijon. Ho deltok i EHF-finale med Cercle Dijon, der det vart tomålstap mot Bayer Leverkusen. 2005/6-sesongen var ho aktiv i Lunner IL og der etter ei tid Stabæk-spelar.

Landslagsspel[endre | endre wikiteksten]

Innom eit år, 2. juli 1998 og 1. juli 1999, spelte Sæbøe 14 landskampar og skåra 19 mål for Noreg. Ho var med i Handball-EM 1998, men fekk heller lite speletid, etter som Else Marthe Sørlie og Elisabeth Hilmo hadde større tillit på linjespelar-plassen. Finalen såg Sæbøe frå tribunen.

Merittar[endre | endre wikiteksten]

  • Handball-EM 1998: Gullmedalje etter 24-16 mot Danmark
  • Vinnar av cupvinnarcupen: 1998 og 1999 med Bækkelaget SK
  • Tapande finalist i EHF-cupen: 2005 med Cercle Dijon

Kjelder[endre | endre wikiteksten]