Skogeitermaur
| Skogeitermaur | |
.jpg) Skogeitermaur Foto: Arnstein Staverløkk/Norsk institutt for naturforsking
| |
| Status | |
Status i Noreg:  Livskraftig[1]
| |
| Systematikk | |
| Rike: | Dyr Animalia |
| Rekkje: | Leddyr Arthropoda |
| Underrekkje: | Seksfotingar Hexapoda |
| Klasse: | Insekt Insecta |
| Orden: | Årevenger Hymenoptera |
| Familie: | Maur Formicidae |
| Slekt: | Eitermaur Myrmica |
| Art: | Skogeitermaur M. ruginodis |
| Vitskapleg namn | |
| Myrmica ruginodis | |
Skogeitermaur (Myrmica ruginodis) er ein eitermaur som finst i mange ulike naturtypar og den einaste som finst i lukka skog. Han er òg den vanlegaste eitermauren i Noreg.[2]
I tillegg til i lukka skog finst skogeitermaur på meir open mark i ulike kantsoner og på myr, men er ikkje so vanleg på sterkt kulturpåverka mark. Han dannar ofte koloniar i særs morken ved av stubbar, stokker og røter, men òg i mose og porøs jord.
Skogeitermaur kan leva i samfunn med ei einskild stor dronning eller med fleire mindre dronningar. Samfunna med fleire dronningar er mindre aggressive og finst gjerne i meir stabile leveområde. Samfunn med éi dronning er større og finst gjerne i meir mellombels leveområde.
Skogeitermaur liknar ein del på hageeitermaur, og på småeitermaur og sumpeitermaur.
Kjelder
[endre | endre wikiteksten]
Denne artikkelen nyttar som kjelde og kan innehalda tekst og formuleringar frå artikkelen Skogeitermaur - Myrmica ruginodis skriven av Frode Ødegaard, Arnstein Staverløkk, Jan Ove Gjershaug. Artikkelen vart utgjeven av Norsk institutt for naturforsking under lisensen CC BY 4.0. Henta 12. juni 2017.
- Referansar
- ↑ Ødegaard F, Lønnve OJ, Staverløkk A og Sydenham MAK (24. november 2021). «Vepser: Vurdering av skogeitermaur Myrmica ruginodis for Norge. Norsk rødliste for arter 2021.». Artsdatabanken. Henta 14. mars 2022.
- ↑ «Artsdatabankens artsopplysningar». Artsdatabanken. 14. mars 2022. Henta 14. mars 2022.
