Slåttar frå Telemark

Slåttetilfanget i Telemark er rekna for det best dokumenterte innanfor hardingfeletradisjonen. Dette skuldast fleire historiske tilhøve, mellom anna at Telemark tidleg vart rekna som feltområde for folkeminnesamlarar, men og av di mange av dei gjævaste spelemennene på landsbasis kom herfrå. Når det gjeld utvikling av slåttespel, har Telemark vore særskild grøderikt.

Hardingfeleverket har den største slåtteprosenten sin frå Telemark. Her er lista opp dei slåttane som ikkje høyrer til dei store slåttekrinsane. Slåttetilfanget etter Torkjell Haugerud og Johannes Dale står for seg, utom i slåttegruppene nedst.

Gangar

6/8

• 9: Haustmorgon, etter Gunnulf Borgen, Bø i Telemark [1].
• 10: Lomelien, etter Halvor Borgen den yngre, Bø i Telemark [2].
• 18: Fykerudgangar, etter Gunnulv Borgen, Bø i Telemark [3].
• 19: Knut Sønnstaul, etter Magne Manheim, Seljord [4].
• 20: Kaffeslåtten, etter Torkjell Haugerud, Bø i Telemark [5].
• 21: Gangar frå Voss, etter Gunnulf Borgen, Bø i Telemark [6].
• 27: Storegut, etter Eilev Smedal, Seljord [7].
• 29: Gausta-gubben, etter Olav H. Tveito, Vinje [8].
• 32: Gangar etter gamle Hans Fykerud, etter Torkjell Haugerud, Bø i Telemark [9].
• 61: Austaden, etter Høye Kvåle, Seljord [10].
• 67: Meglaren, etter Eilev Smedal, Seljord [11].
• 68: Luråsen, gangar frå Setesdal [12].

2/4

• 12: Kåfjell, etter Olav Flåto, Hovin [13].
• 59: Halling, etter Kristiane Lund, Bø i Telemark [14].
• 65: Halling etter Knut Dale, etter Halvor Staurheim, Bø i Telemark [15].
• 67: Tussen i Vettahaugen, etter Gjermund Haugen, Notodden [16].
• 77: Gangar, etter Gunnulf Borgen, Bø i Telemark [17].
• 79: Torsonen, etter Rikard Berge, Skien [18].
• 80: Kristen Lembakk/Vasshusen, etter Olav R. Berge, Rauland [19].
• 81: Sveinsongangaren, etter Knut Vindal, Seljord [20].
• 82: Bordstabelen, etter Aslaug Rikardsdotter Groven, Lårdal [21].
• 83: Murukleiven, etter Gunnleik Smedal, Seljord [22].
• 84: Halling, etter Gunnleik Smedal, Seljord [23].
• 85: Vårleik, etter Olav Lona, Sauherad [24].
• 86: Halling, etter Olav R. Berge, Rauland [25].
• 89: Halling, etter Jon Kolbjørnsrud, Heddal [26].
• 96: Trollhallingen, etter Knut Dale, Tinn [27].

Springar etter kjelde

Mikkel Huvestad

Mikkel Huvestad var frå Mo i Telemark.

• 223: Anne Fjone [28]. Nedskrift Groven 1960 etter tralling (G 1193). Anne Fjone var ei jente i Nissedal, som Olav Napper gjerne ville hatt, og han laga denne slåtten til henne. Han fekk henne ikkje lell.

Hans Smeland

Hans Smeland var frå Seljord. Arne Bjørndal var hjå han i 1911.

• 240: Springar [29]. (B 795). Smeland hadde slåtten etter far sin, Halvor Striken frå Holla ved Ulefoss. Halvor hadde slåtten frå far sin att, Tor Striken. Tradisjon etter Hans Fiskestigen.
• 241: Smågutan på Alamoen [30].(B 817). Smeland hadde slåtten etter Leiv Sandsdalen, Seljord. Alamoen ligg nær Kongsberg, Ein spelemann frå Numedal gjekk etter vegen der, og møtte to smågutar som tulla på ein slått. Spelemannen spurde om han kunne få slåtten av gutane, og det fekk han. Men då han reiste, sa han han var redd han ville gløyme slåtten. Då svara den eine av gutane at han ikkje trong vera redd for det. Han fekk ein streng av guten, og når han sette den på fela, kom slåtten av seg sjølv. Det var tussegutar, dette. Ola Sveinson laga eit dikt til slåtten.

Bjørn Lofthus

Bjørn Lofthus var frå Vinje.

• 253: Huso-slått [31].
• 255: Springar [32].
• 256: Springar [33].
• 257: Springar [34].

Bjørn Høgetveit

Bjørn Høgetveit var frå Vinje.

• 252: Springar [35].
• 251: Å køyre vatn og køyre ved [36].

Lars Hovden

Lars Hovden var frå Høydalsmo. Eivind Groven var hjå han i 1934.

• 246: Helga Djuviken [37]. (G 424). Hovden hadde slåtten etter Kjetil Håvardsson, som hadde han frå far sin, Håvard Gibøen. Nedstilt bass.
• 247: Bosbøen [38]. (G 425). Hovden hadde slåtten frå Kjetil Håvardsson, og han att frå Håvard Gibøen. Tor Bosbøen var ein stordansar frå Rauland, som lika å danse til denne slåtten.

Olav R. Berge

Olav R. Berge var frå Rauland, son av Rikard Aslaksson Berge.

• 245: Springar [39]. Nedskrift Groven 1920 (G 395). Slåtten er i slekt med Kjosespringaren.
• 259: Springar [40].
• 261: Springar etter Myllaren [41].

Øystein Hovdestad

Øystein Hovdestad var frå Vinje.

• 262: Lange-Jon [42].
• 263: Fanteladda [43].
• 264: Springar [44].
• 265: Vriompeisen [45].

Olav Flåto

Olav Flåto var frå Hovin.

• 272: Springar etter Dokkestaulen [46].
• 273: "Hu, Dokkestulen min" [47].
• 274: Springar etter Hellosen [48].

Gregar Nordbø den eldre

Gregar Nordbø var frå Bø i Telemark. Han skreiv ned mange av slåttane sine sjølv.

• 280: Springar [49].
• 282: Springar [50].
• 283: Springar [51].
• 284: Au, hoss det rullar i meg [52].
• 285: Springar [53].

Nordbøkatalogen

• 286: Geitungen, (Nordbøkatalogen), [54].
• 287: Vesle Hans, (Nordbøkatalogen), [55].
• 288: Springar, (Nordbøkatalogen), [56].
• 289: Torje Hallens minne, (Nordbøkatalogen), [57].

Tjøstov Lofthus

Tjøstov Lofthus var frå Lårdal.

• 346: Springar etter Berglanden [58]. Nedskrift Eivind Groven 1960 (G 1207). Opnar noko likt Belarguten. Det er tre spelemenn som alle heiter Olav Bergland, frå Seljord, Vinje og Heddal. Det er ikkje visst kven av dei som er kjelde til denne slåtten.
• 347: Skaka på sekken [59]. Nedskrift Eivind Groven 1960 (G 1208). Lofthus hadde slåtten etter Tarjei Tvigyva, Lårdal. Opnar noko likt Kvenneslåtten.

Hans Omland

Hans Omland var frå Kviteseid.

• 268: Springar [60].
• 271: Haugebuen [61].

Magne Manheim

Magne Manheim var frå Seljord.

• 305: Borkjen [62].
• 306: Gygrestolen [63].

Andre kjelder

• 237: Springar etter Knut Trondsson, etter Olav Straume, Fyresdal [64]. Nedskrift Groven 1960 (G 1197). Knut var godfar til Olav Straume.
• 239: Veumen, etter Knut Dale, Tinn [65]. Nedskrift Arne Bjørndal 1911 (Bjørndal gamle slåttar hefte 3 nr 6). Dale lærte slåtten av Petter Veum frå Fyresdal i 1850. Slåtten heiter etter han.
• 242: Springar etter gamle Hans Fykerud, etter Kjetil Løndal, Tuddal [66]. Nedskrift Truls Ørpen 1956 (Ø 401).
• 249: Stubben, etter ymse kjelder [67]. Nedskrift Groven 1938 (G 553). Slåtten er opphavleg etter Hans Smeland frå Seljord. Groven har skjøtt på frå Olav Groven, Åsmund Groven og Rikard Gøytil. Noko sams med Vårfuglen.
• 250: Springar, etter Gunleik Smedal, Seljord [68].
• 258: Siklebekken, etter Erling Himestaul, Rauland [69].
• 260: Myllarspringar, etter Gunnar Dale, Tinn [70].
• 266: Kolsrudslått, etter Jon Kolbjørnsrud, Heddal [71].
• 267: Eg hev tent på skogje, etter Aslak Torjusson, Rauland [72].
• 270: Man i Hegnaskotet, etter Kjetil Løndal, Tuddal [73].
• 300: Hølje Plassen, etter Olav Groven, Lårdal [74].
• 303: Bægjuvslått, etter Hølje Vårstulen, Gransherad [75].
• 304: Springar, etter Rikard Gøytil, Rauland [76].
• 316: Storesau Lauvik, etter Tarjei Tvigyva, Lårdal [77].
• 348: Springar, etter Aslak Torjusson, Rauland [78]. Nedskrift Eivind Groven 1960 etter minne (G 1211).
• 349: Springar etter Kjetil Haugen, etter Olav Groven, Lårdal [79]. Nedskrift Eivind Groven 1961 etter minne (G 1219). Olav Groven hadde slåtten etter Kjetil Haugen frå Vinje.

Slåttekrinsar knytt til Telemark

Springar etter gamle Hans Fykerud

Hardingfeleverket nr 363. Nedstilt bass. Slåtten er og kalla "springar etter Svein K. Løndal".

• a: Springar etter Svein Løndal, etter Kjetil Løndal, Tuddal. Nedskrift Eivind Groven 1962 etter opptak i NRK (G 1476). Svein er far til Kjetil.
• b: Haugerudspringar, etter Margit Juvland, Rauland. Nedskrift Eivind Groven 1961 etter minne. Margit Juvland tralla slåtten i 1909, og ho hadde lært han av Torkjell Haugerud.

Fjellbekken

Hardingfeleverket nr 367. Slåtten er forma ut av Eilev Smedal, som og kalla han springar etter Fykerud. Lars Fykerud skulle då ha laga slåtten.

• a: Fjellbekken, etter Steingrim Haukjem, Veggli. Nedskrift Truls Ørpen 1933 (Ø 135). Haukjem hadde slåtten etter Kjetil Flatin i Seljord, som hadde han etter Eilev Smedal.
• b: Springar etter Fykerud, etter Eilev Smedal. Nedskrift Eivind Groven 1936 (G 371). Smedal hadde slåtten etter broren Harald Smedal.

Veneflamma

Hardingfeleverket nr 368. Slåttenamnet skal koma frå ei jente i Flesberg som hadde tett lyst hår og var uvanleg flink til å danse. Båe formene som er tekne med her kjem frå Telemark.

• a: etter Olav R. Berge. Nedskrift Eivind Groven 1919 (G 720).
• b: etter Steingrim Haukjem. Nedskrift Truls Ørpen 1921 (Ø 88). Haukjem hadde slåtten frå Knut Dale, Tinn.

Tinndølspringar

Hardingfeleverket nr 369. Slåtten er frå Tinn, men er og kalla springar etter gamle Hans Fykerud. Nedstild bass. Knut Dale hadde lært slåtten av Hans Fykerud.

• a: Tinndølspringar, etter Halvor Klonteig, Tinn. Nedskrift Eivind Groven 1961 etter minne (G 1232). Groven lærte slåtten i 1921.
• b: springar etter gamle Hans Fykerud, etter Johannes Dale, Tinn. Nedskrift Eivind Groven 1961 etter opptak i NRK. Slåtten er etter Knut Dale.

Gibøspringar

Hardingfeleverket nr 370. Dei to variantane her er på ulike felestille, og forma etter Eivind Mo er rekna til Systerslåttane.

• a: Springar etter Håvard Gibøen, etter Johannes Dale, Tinn. Nedskrift Eivind Groven 1961 etter opptak i NRK (G 1298). Slåtten er etter bestefaren Knut Dale. Nedstilt bass.
• b: Gibøspringar, etter Eivind Mo, Seljord Nedskrift Truls Ørpen 1956 etter opptak i NRK (Ø 541). Mo hadde slåtten etter Tor Rudningen frå Lunde. Eivind Groven arrangerte slåtten til orkestersuiten Faldafeykir. Understilt.

Signe Ulladalen

Hardingfeleverket nr 373. Tradisjon etter Håvard Gibøen.

• a: etter Johannes Dale. Nedskrift Eivind Groven 1961 etter opptak i NRK (G 1280).
• b: etter Rikard Gøytil, Rauland, Nedskrift Eivind Groven 1960 etter privatopptak (G 1202).

Saltevju

Hardingfeleverket nr 374. Slåttenamnet skriv seg frå ein gard i Nesherad. Slåtten er og skriven ned i Krødsherad.

• a: etter Johannes Dale, Tinn. Nedskrift Eivind Groven 1961 etter opptak i NRK (G 1230).
• b: etter Johan Kleven, Krødsherad. Nedskrift Truls Ørpen 1917 (Ø 39). Kleven hadde slåtten etter far sin, Gamle-Kleven, som vel hadde han frå spelemenn i Telemark.

Sagafossen

Hardingfeleverket nr 375. Slåttenamnet er etter Halvor Sagafossen frå Heddal.

• a: etter Steingrim Haukjem, Veggli. Nedskrift Truls Ørpen 1921 (Ø 120). Haukjem har slåtten frå Telemark.
• b: etter Torkjell Haugerud, Bø i Telemark. Nedskrift Eivind Groven 1936 etter grammofonplate (G 448).

Rjukanfossen

Hardingfeleverket nr 376. Slåtten er dikta av Knut Dale attmed Rjukanfossen. Det er fortald at han bygde ut ein eldre slått medan han sat og mol korn (etter Truls Ørpen). Etter Bjørndal skal Dale ha lært slåtten av Myllarguten på Åmyri ved Rauland i 1860.

• a: etter Johannes Dale, Tinn. Nedskrift Eivind Groven 1961 etter opptak i NRK (G 1269).
• b: etter Olav Groven, Lårdal. Nedskrift Eivind Groven 1935 etter minne.

Madsson

Hardingfeleverket nr 377. Slåttenamnet er etter spelemannen Torstein Madsson frå Tinn.

• a: etter Johannes Dale, Tinn. Nedskrift Eivind Groven 1961 etter opptak i NRK (G 1241).
• b: etter Steingrim Haukjem, Veggli. Nedskrift Truls Ørpen 1921 (Ø 85). Haukjem hadde slåtten etter Steinar Gladheim i Veggli. Gladheim har truleg slåtten frå ein spelemann i Tinn.

Prestegåra

Hardingfeleverket nr 378. Slåtten er og kalla Luse-Søren. Truleg bøheringstradisjon. Prestegåra er eit oppnamn på ei jente som tente på prestegarden og som gjerne tralla eller dansa til denne slåtten (Kjetil Løndal). Luse-Søren er eit namn som vart sett på slåtten under ein båttur mellom Notodden og Skien. Svein K. Løndal spela slåtten, og ein lusete kar baud opp ei gravid jente til dans. "Eg kan vel ikkje danse eg som er slik!" sa ho. "Eg har dansa med prestens tjuge brurar, då kan eg vel danse med deg med!" svara Søren. Eit tredje namn på slåtten er Busterugga.

• a: etter Jon Lunden, Bø i Telemark. Nedskrift Eivind Groven 1954 etter opptak i NRK (G 1125).
• b: Luse-Søren, etter Hølje Landsverk, Tuddal. Nedskrift Eivind Groven 1921 (G 707). Slåtten byrjar noko likt Makalausen.

Anund Roheim, hardingfele, gjorde ein innspeling av «Luse-Søren» i Oslo i august 1949. Han blei utgjeven på 78-plata HMV A.L. 3027.

Olav Grovens Minne

Hardingfeleverket nr 379. Slåtten er laga av Olav Groven. Dette er truleg den einaste slåtten han har laga, sjølv om han prega mange slåttar. Båe former er skrivne opp av Eivind Groven. Forma etter Rikard Gøytil er noko knappare enn hin.

• a: etter Rikard Gøytil, Rauland. Nedskriven 1960 etter privatopptak (G 1150)
• b: etter Eivind Groven, Lårdal. Nedskriven 1959 etter opptak i NRK (G 1156). Innspelinga gjort av Eivind Groven i 1949.

Napperspringar

Hardingfeleverket nr 380. Slåtten er etter spelemannen Olav Napper frå Fyresdal. Mykje tyder på at denne har vore spreidd over heile Telemark i si tid.

• a: etter Olav Groven, Lårdal. Nedskrift Eivind Groven 1924 (G 733). Olav hadde slåtten etter Håkon Høgetveit i Vinje.
• b: Springar etter Napperen, etter Steingrim Haukjem, Veggli. Nedskrift Truls Ørpen 1925 (Ø 159). Haukjem hadde slåtten etter Hølje Landsverk frå Tuddal.

Myllarens siste slått

Hardingfeleverket nr 381. Slåtten skal vera laga av Torgeir Torgeirson, son av Myllarguten. Slåtten tek opp i seg tak frå mellom anna Kvenneslåtten, Bøheringen og andre slåttar.

• a: etter Kjetil Flatin, Seljord. Nedskrift Eivind Groven 1936 (G 965).
• b: etter Steingrim Haukjem, Veggli, Numedal. Nedskrift Truls Ørpen 1926 (Ø 104). Haukjem hadde slåtten frå Torgeir Torgeirson.

Løytnantdrengen

Hardingfeleverket nr 382. Namnet er knytt til Pål Løytnantsdreng frå Numedal. Han og brørne hans vart kalla Løytnantsdrengin etter faren, Knut Øyanhaugen som hadde tent hjå ein løytnant i Tønsberg. Båe nedskrifter er gjort av Eivind Groven.

• a: etter Øystein Hovdestad, Vinje. Nedskrift 1918 (G 716).
• b: etter Olav R. Berge, Rauland. Nedskrift 1920 (G 715).

Håvardsstubben

Hardingfeleverket nr 384. Etter Håvard Gibøen på Møsstrond. Båe nedskriftene er gjort av Eivind Groven. Stevet går: Eg veit so vel san, kven eg vi` ha, san.

• a: etter Johannes Dale, Tinn. Nedskriven 1961 etter opptak i NRK.
• b: etter Kjetil Løndal, Tuddal. Nedskriven 1961.

Bægjuven

Hardingfeleverket nr 385. Slåtten har namn etter Olav Bægjuv frå Seljord. Båe nedskrifter gjort av Eivind Groven. Nedstilt bass. Han er og kalla Fossheimen, etter ein spelemann frå Flatdal i Seljord. Opphavleg seljordsslått.

• a: Fossheimen, etter Torkjell Haugerud, Seljord. Nedskrift 1939 etter opptak i NRK (G 43).
• b: Bægjuven, etter Gjermund Haugen, Notodden. (G 1155).

Fiskestig-springar

Hardingfeleverket nr 386. Slåttenamnet er etter spelemannen Anders Fiskestigen frå Holla, eller bror hans, Hans. Fykerudtradisjon.

• a: etter Olav R. Berge, Rauland. Nedskrift Eivind Groven 1918 (G 398).
• b: springar, etter Gunnulf Borgen, Bø i Telemark. Nedskrift Arne Bjørndal 1936 (B 1067). Borgen hadde slåtten frå far sin, Halvor Borgen, som hadde han frå Lars Fykerud.

Fjellbekken

Hardingfeleverket nr 387. Slåtten er etter Håvard Gibøen, og kjelda her er Halvor Klonteig. Eivind Groven skreiv ned slåtten etter han i to vender, i 1922 (var. b, G 633) og oppatt i 1961 etter opptak i NRK (var b, G 1239). Dei to formene skil seg noko i utføring, og seier noko om korleis Klonteig vende slåtten i løpet av livet.

Springar etter Kjetil Haugen

Hardingfeleverket nr 412. Slåtten er funnen vest i Telemark. Båe former er skrivne ned av Eivind Groven.

• a: etter Olav Groven. Skriven ned etter minne i 1961 (G 1213). Første taket i slåtten minner noko om Oterholtfossen.
• b: etter Bjørn Høgetveit. Skriven ned 1921 (G 589).

Lars Skotet

Hardingfeleverket nr 413 og 354.

• 354: Er kje gutane, etter Aslaug Rikardsdotter Groven, Lårdal [80]. Nedskrift Eivind Groven 1962 etter minne. Slåttenamn etter byrjinga på stevet.

mr 413:

• a: etter Torkjell Haugerud. Nedskrift Eivind Groven 1961 etter opptak i NRK (G 1356). Lars Skotet var ein spelemann frå Kviteseid.
• b: Huttetu, etter Kjetil Løndal. Groven 1476. Slåtten var opphavleg oppkalla etter eit folkeleg uttrykk for det kvinnelege kjønnsorganet, men fekk namnet Huttetu ein gong slåtten skulle annonserast på ein kappleik. Annonsøren las namnet og utbraut: "Huttetu!" Så vart slåtten heitande det.

Anton

Hardingfeleverket nr 414. Namnet er etter stevet Anton sat på hønekleiv og kvad, best som det va, so kanta`n ta... Anton var ein gamal kar som budde i ei lita stove på Hønekleiv i Tuddal.

• a: Fanteguten, etter Rikard Gøytil, Rauland. Groven 1458. Gøytil hadde det meste av slåtten etter far sin, Eivind Gøytil, bror av Olav Gøytil. Er nærskyldt Geitungen (nr 286).
• b: Anton, etter Kjetil Løndal, Tuddal. Nedskrift 1963 (G 1479). Løndal har laga denne forma. Han stod på ein stor stein i vatnet og dikta vidare over stevet.

Napperen

Hardingfeleverket nr 416. Slåttenamnet er etter spelemannen Olav Napper frå Fyresdal. Det skal vera Lars Fykerud som dikta denne slåtten. Opninga er lik på Veggligjenta frå Numedal. Talleiv Røysland hadde eit stev til denne slåtten.

• a: etter Olav Risdal, Hornnes, Setesdal. Nedskrift Arne Bjørndal 1917 (B 459). Risdal har truleg slåtten frå ein telemarking.
• b: etter Eilev Smedal, Seljord. Nedskrift Truls Ørpen 1913 etter innspeling på grammofon (Ø 62).
• c: etter Olav Groven, Lårdal. Nedskrift Eivind Groven 1923 (G 717).

Myllargutens draum

Hardingfeleverket nr 417. Slåtten skal vera dikta av Myllarguten, men ber svip av vestlandsspel. Myllaren skal ha laga denne slåtten ein gong han var på garden Apold i Ullensvang. Etter Olav Kolltveit skal han ha drøymt slåtten på Eitrheim i Odda. Slåtten er lett å lære, og har ikkje meir enn to vek (ein tvibeitslått). Han hadde nådd til Hallingdal alt kring 1850. Talleiv Røysland hadde ei vise knytt til slåtten, Såvi Åkeren.

• a: Myllarguten sin draum, etter Ola Mosafinn, Voss. Nedskrift Arne Bjørndal 1908 (Bjørndal nye slåttar nr 24).
• b: Myllargutens draum, etter Torkjell Haugerud, Bø i Telemark. Nedskrift Eivind Groven 1961 etter opptak i NRK (G 1372).
• c: Fru Stenersen, etter Sevat Sataøen, Ål. Nedskrift Eivind Groven 1961 etter opptak i NRK (G 1404). Fru Stenersen var prestefrue i Ål, gift med presten i Ål og Hol kring 1850. Ho var svær til å danse, og lika godt denne slåtten. "Presten drakk og kjerringa dansa", heitte det i Ål på den tid.

Helge Treisk

Hardingfeleverket nr 422. Lurås- eller gibøtradisjon. Helge Treisk var ei jente frå plassen Treisk i Tinn. Ingen veit kva som er grunnen til at ho vart mint gjennom slåtten. Denne slåtten skal opphavleg vera etter Pål Løytnantsdreng, men har fest seg aust i Telemark, og vart sidan teken oppatt i Numedal.

• a: etter Johannes Dale, Tinn. Nedskrift Eivind Groven 961 etter opptak i NRK (G 1240). Spela i Luråstradisjon.
• b: etter Steingrim Haukjem, Veggli. Nedskrift Truls Ørpen 1921 (Ø 91). Haukjem hadde slåtten frå Knut Dale i Tinn.
• c: Kvål`en, etter Torkjell Haugerud, Bø i Telemark. Nedskrift Eivind Groven 1939 etter opptak i NRK. Haugerud hadde slåtten frå Høye Kvåle i Seljord, som nytta han så mykje at forma fekk namn etter han. Nokre tak i slåtten minner om Veneflamma.

Traskjen

Hardingfeleverket nr 425. Ein slått som er knytt Olav Napper frå Fyresdal. Han vart kalla Traskjen av di han var stuttvaksen og gjekk noko uvanleg. Slåtten er og kalla Kvamspringaren, Snørteslåtten etter Mannen i Likkista. Siste namnet minner om at slåtten har vore nytta under likvake. Takta i slåtten er noko særeigen. Somme spelemenn, mellom dei Einar Løndal, spela han slik at det stundom var vandt å gisse om ein her hadde å gjera med ein gangar eller ein springar. Talleiv Røysland hadde eit stev til slåtten.

• a: Eskvammen, etter Torkjell Haugerud, Bø i Telemark. Nedskrift Eivind Groven 1961 etter opptak i NRK (G 1353). Eskvammen er ein plass i Fyresdal. Slåtten var og nytta av Gunnulf Borgen.
• b: Traskjen, etter Steingrim Haukjem, Veggli, Numedal. Nedskrift Truls Ørpen 1926 (Ø 112). Haukjem hadde slåtten frå spelemenn i Telemark, truleg Olav Groven.
• c: Traskjen, etter ulike kjelder, mest etter Olav Groven, Lårdal. Nedskrift Eivind Groven 1935 etter minne (G 545). Det er truleg Eivind Groven sjølv som har støpt saman denne forma på grunnlag av forma til broren og andre kjelder.

Høytjuven

Hardingfeleverket nr 426. Slåtten er knytt til Tinn. Slåtten skriv seg venteleg frå Knut Sønnstaul.

• a: Høytjuven, etter Øystein Håkanes, Tinn. Nedskrift Arne Bjørndal 1946 (B 1114). Håkanes hadde slåtten frå far sin, Olav Håkanes, som hadde han frå ein spelemann dei kalla Sønnstaul i Tinn.
• b: Stingtangen, etter Rikard Gøytil, Rauland. Nedskrift Eivind Groven 1960 (G 1210). Ein stingtange er ein reiskap dei nyttar til å dra høy utor høystået. Rikard Gøytil var søskenbarn av Eivind Groven. Denne forma er venteleg gibøtradisjon.
• c: Høytjuven, etter Johannes Dale, Tinn. Nedskrift Eivind Groven 1961 etter opptak i NRK. Dale hadde slåtten etter Olav Håkanes frå Tinn.

Lars Målar

Hardingfeleverket nr 427. Lars Målar var ein spelemann og rosemålar frå Lårdal, som og var kalla Lars Lofthus. Formene som er skrivne ned her kjem frå Torkjell Haugerud, som godt kan ha lært slåtten i Lårdal. Talleiv Røysland hadde stev til denne slåtten.

• a: etter Gunnulf Borgen, Bø i Telemark. Nedskrift Arne Bjørndal 1911 (B 137). Borgen hadde slåtten etter Torkjell Haugerud.
• b: etter Halvor Borgen, Bø i Telemark. Nedskrift Eivind Groven 1961 etter minne (G 1224).
• c: etter Torkjell Haugerud, Seljord. Nedskrift Eivind Groven 1961 etter opptak i NRK (G 1354).

Høybøfjøshjellen

Hardingfeleverket nr 429. Slåtten er mest truleg bøheringstradisjon, men ein variant er skriven opp i Aust-Agder (Åmli). Høybø er ein gard i Heddal. I gamle dagar låg jentene ofte på fjøshjellen, og slåttenamnet heng truleg saman med eit stev som på eit vis nemner fjøshjellen på Høybø. Etter Kristiane Lund skal denne slåtten vera laga av Lars Fykerud, Sauherad. Slåtten vart og skriven ned etter Gunnulf Borgen.

• a: etter Olav Groven, Lårdal. Nedskrift Eivind Groven 1961 etter minne (G 1234).
• b: etter Aslak Bløtekjær, Åmli, Aust-Agder. Nedskrift Eivind Groven (G 848).
• c: etter Kristiane Lund, Bø i Telemark. Nedskrift Eivind Groven 1962 (G 1456) etter opptak i NRK.

Håkanes-Førli

Hardingfeleverket nr 430. Slåtten er knytt til Tinn, og er berre skriven ned der.

• a: Håkanes-Førli, etter Johannes Dale. Nedskrift Eivind Groven 1961 etter opptak i NRK (G 1326). Slåtten var nytta av Anund Roheim. Dei to spelemennene Olav Håkanes og Hølge Førli åtte kvar si form av same slått, og slog dei ihop.
• b: Springar etter Tor Rønningen I, etter Johannes Dale. Nedskrift Eivind Groven 1961 etter opptak i NRK (G 1250).
• c: Springar frå Tinn, etter Halvor Klonteig. Nedskrift Truls Ørpen 1957 (Ø 522). Klonteig hadde slåtten anten etter Knut Dale eller Tov Bøle, båe frå Tinn.

Smågutspringaren

Hardingfeleverket nr 431. Slåtten er knytt til Tinn, men har og vore nytta av Myllarguten. Slåtten er og kalla Kjosespringaren, noko som peikar mot spelemannen Jon Kjos frå Seljord. Nokre tak i slåtten minner om springaren Belarguten.

• a: Smågutspringaren, etter Johannes Dale. Nedskrift Eivind Groven 1961 (G 1242, etter opptak i NRK).
• b: Smågutspringar frå Tinn, etter Einar Løndal. Nedskrift Truls Ørpen 1951 etter opptak i NRK (Ø 372). Løndal hadde slåtten frå far sin, Svein K. Løndal.
• c: Myllarspringar, etter Steingrim Haukjem, Veggli. Nedskrift Truls Ørpen 1921 (Ø 114). Haukjem hadde lært slåtten av ein spelemann frå Tinn.

Gullbringen

Hardingfeleverket mr 433. Alle variantar av slåtten er skrivne ned i Tinn. Eivind Groven let seg inspirere av forma etter Halvor Klonteig til å dikte springaren Regndagen. Nedstilt bass.

• a: Gullbringen, Etter Halvor Einung og Halvor Klonteig. Groven 1961 etter minne (G 1228).
• b: Knut Dales siste slått, etter Johannes Dale. Groven 1961 etter opptak i NRK (G 1315).
• c: Springar etter Tov Bøle, etter Johannes Dale. Groven 1961 etter opptak i NRK (G 1229).

Ikkje sutra e og ikkje gret e

Hardingfeleverket nr 437. To variantar frå Telemark og ein frå Hallingdal. Slåtten heiter gjerne Guro Lomodden i Seljord. Stevet går: Ikkje sutra e og ikkje gret e, og ikkje vil eg vera her til vete. (Hallingdal).

• a: etter Sevat Sataøen, Ål. Nedskrift Eivind Groven 1961 (G 1446, NRK magnetband). Sataøen hadde slåtten etter Ola Dekko frå Torpo.
• b: Guro Lomodden, etter Torkjell Haugerud, Seljord. Nedskrift Groven 1961 (G 1355, NRK magnetband). Haugerud hadde slåtten frå Leiv Sandsdalen i Seljord. Guro Lomodden er og namnet på to andre springarar. Guro lyt ha vore ein gjev dansar.
• c: Springar etter Tor Rønningen II, etter Johannes Dale, Tinn. Nedskrift Groven 1961 (G 1251, NRK magnetband).

Den gode låtten

Bøheringstradisjon. Namnet "Den gode låtten" er sett på forma frå Tinn. Hardingfeleverket nr 440.

• a: Springar, etter Gregar Nordbø (Nordbøkatalogen). Forma sveipar noko inn på Bøheringen.
• b: Springar, etter Torkjell Haugerud. Nedskrift Eivind Groven 1939 (G 856). Slåtten kjem inn på Kjosespringaren.
• c: Den gode låtten, etter Johannes Dale. Groven 1961 (G 1265). Målføret i Tinn nyttar Lått istaden for slått.

Syrgjefuen/Fjøllrosa

Hardingfeleverket nr 441. Slåtten har fleire namn, Rosa, Føllrosa, Huldregjenta eller lerka. Ein syrgjefu er ein type meis som let klagande. Lars Hovden meinte slåtten var dikta av Lars Fykerud. Fykeerud har truleg nytta ein visestubb og ein eldre slått frå Numedal.

• a: Fjøllrosa, etter Gunleik Smedal, Seljord. Nedskrift Eivind Groven 1961 etter minne.(G 1222) Slåttenamnet er etter Fjellroseblomen.
• b: Syrgjefuen, ettre Lars Hovden, Lårdal. Nedskrift Truls Ørpen 1926 (Ø 80). Hovden hadde slåtten etter Lars Fykerud]].
• c: Pålsonslått, etter Anders Haugen, Rollag. Nedskrift Arne Bjørndal 1937 (B 99). Haugen hadde slåtten etter Hellik Juveli frå Flesberg. Slåttenamnet knyter seg til Pål Løytnantsdreng.

Fykerudspringar/springar frå Bø

Hardingfeleverket nr 446. Denne slåtten finst mest i tradisjon frå Bø i Telemark, men vart og spela av Olav Groven. Slåtten er opphavleg etter Lars Fykerud.

• a: etter Torkjell Haugerud [81]. Nedskrift Eivind Groven 1961 etter opptak (G 1384, NRK magn. 53259).
• b: etter Olav Groven, Lårdal [82]. Nedskrift Eivind Groven 1922 (G 630).
• c: Etter Gunnulf Borgen, Bø i Telemark [83]. Nedskrift Arne Bjørndal 1947 (B 1098). Borgen lærte slåtten av far sin, Halvor Borgen, som hadde han frå Lars Fykerud, Sauherad.

Luråsspringar

Slåtten har nr 447 i hardingfeleverket. Han er opphavleg ein Tinnslått etter Knut Lurås, nytta av Håvard Gibøen.

• a: etter Johannes Dale [84]. Nedskrift Eivind Groven 1961 (G 1274, NRK magn. 1980). Dale hadde slåtten etter godfaren Knut Dale.
• b: etter Hølje Vårstulen, Gransherad [85]. Nedskrift Eivind Groven 1960 (G 1126, NRK magn. 2019).
• c: etter Eivind Mo, Rauland [86]. Nedskrift Eivind Groven 1960 (G 1168, NRK magn. 1919).

Bøspringar

Slåtten har nr 453 i hardingfeleverket. Slåtten er skriven opp etter Torkjell Haugerud og Olav Groven. Ein variant er frå Voss, etter Lars Skjervheim.

• a: etter Torkjell Haugerud [87]. Nedskrift Eivind Groven 1961 (G 1349, NRK magn. 596). Etter Johannes Slåttedølen frå Bø.
• b: etter Lars Skjervheim frå Vossestrand [88]. Nedskrift Sven Nyhus 1974. Skjervheim lærte slåtten av Nils Borge frå Voss.
• c: springar etter Tjuven, etter Olav Groven, Lårdal [89]. Nedskrift Eivind Groven 1922 (G 579). Slåttenamnet er etter Olav Tjuven, Sauherad. Tjuven er ein husmannsplass under garden Rui. Slåtten er og skriven ned etter Olav Evju.

Gauken

Denne slåtten har fått namnet sitt etter opningstaka som minner om lyden av ein gauk. Slåtten har vore nytta i Seljord. Olav Sataslåtten førte slåtten inn i hallingtradisjon, etter Olav Groven. Slåtten har nr 455 i hardingfeleverket.

• a: etter Olav Groven [90]. Nedskrift Eivind Groven 1923 (G 705). Olav lærte slåtten av Knut Vindal frå Seljord.
• b: etter Hans Omland, Kviteseid [91]. Nedskrift Eivind Groven 1922 (G 705). Slåtten er og kalla Vårfuglen.
• c: etter Torkjell Haugerud [92]. Nedskrift Eivind Groven 1961 (G 1369, NRK magn. 599).

Signe

Slåtten har nr 456 i hardingfeleverket. Slåttenamnet er etter ei jente som Tormod Knutsson Borgejordet dikta ei vise om: Signe, stakkars deg som soso eismal gjeng (Valborg og Signe, ca 1820). Tonen finst hjå Rikard Berge og Ludvig Mathias Lindeman. Slåtten har vore nytta over heile Telemark. Slåtten er truleg den same som Gamle Signe, kjend i Numedal. Telemarksforma er bygd ut av Lars Fykerud. Halvor Høyset fortalde at Signe Mogen budde på Møsstrond, og at Håvard Gibøen kalla opp slåtten etter henne.

• a: Etter Gunnar Dahle, Tinn [93]. Nedskrift Eivind Groven 1959 (G 11600, NRK magn. 3036).
• b: Etter Olav Løndal, Tuddal [94]. Nedskrift Eivind Groven 1964 (G 1465, NRK magn. 1969). Løndal hadde slåtten etter far sin, Svein K. Løndal, og han att frå Lars Fykerud.
• c: etter Kristiane Lund, Bø i Telemark [95]. Nedskrift Eivind Groven 1964 (G 1458, NRK magn. 1671). Kristiane Lund hadde slåtten etter Gregar Kåsin frå Bø. Slenger inn på Håkanesgrisen.

Fossekallen

Dette er ein springar etter Halvor Sagafossen, og namnet er sett på slåtten av Halvor Ullern frå Tinn. Det finst motiv i slåtten som skal minne om lyden av ein fossekall. Hardingfeleverket nr 457. Slåtten har vore nytta av Torkjell Haugerud, Halvor Klonteig og Hans Smeland.

• a: etter Johannes Dale [96]. Nedskrift Eivind Groven 1961 (G 1263, NRK magn. 53249).
• b: etter Steingrim Haukjem, Numedal [97]. Nedskrift Sven Nyhus 1974. Haukjem hadde slåtten etter Knut Dale frå Tinn.
• c: etter Olav Groven, Lårdal [98]. Nedskrift Eivind Groven 1921 (G 725).

Gjestebodsgubben

Ein springar etter Myllarguten (Hardingfeleverket nr 458). Slåtten skal ha fått namnet sitt etter ei soge om Myllaren, som spela i eit gjestebod på Kostveit i Vinje, og hadde nett lært denne slåtten. Han spela den oppatt og oppatt heile kvelden, og folk bad han spela ein annan. "Nei-gu, om dom skjønar spel her", svara Myllarguten. Slåtten er og kalla Myllaren på Kostveit. Torkjell Haugerud har og nytta denne slåtten. Talleiv Røysland song ei slåttestev-vise til tonen.

• a: etter Johannes Dale, Tinn [99]. Nedskrift Eivind Groven 1961 (G 1266, NRK magn. 53249).
• b: etter Kjetil Løndal, Tuddal [100]. Nedskrift Eivind Groven 1959 (G 1151, NRK magn. 1894). Løndal spela i form etter faren Svein K. Løndal.
• c: Sumarnatti, etter Steingrim Haukjem, Numedal [101]. Nedskrift Truls Ørpen 1956 (Ø 146). Haukjem lærte slåtten av Halvor Kaasin frå Nore, som hadde slåtten frå Gisle Marumsrud, Tinn.

Håkanesgrisen

Hardingfeleverket nr 459. Slåtten har vore nytta i Tinn og Hovin. Slåttenamnet er etter grisen til spelemannen Olav Håkanes. Olav var aleine heime og skulle mate grisen. Medan han sat med bøtta kom slåtten til han, og han laut spela på han til han heilt hadde gløymt bort grisen. Slåtten er og kalla Gamle Gulbrand, og nyttar same stevet som i ein annan springar med same namnet. Springaren er og kalla berre Håkanesen.

• a: Gamle Gulbrand, etter Knut Dale, Tinn [102]. Nedskrift Sven Nyhus etter voksrullopptak frå 1912.
• b: etter Steingrim Haukjem, Veggli [103]. Nedskrift Sven Nyhus 1974. Haukjem hadde slåtten frå Halvor Høyset, Hovin.
• c: etter Kjetil Løndal, Tuddal [104]. Nedskrift Sven Nyhus 1976.

Knivane

Hardingfeleverket nr 462. Til slåtten høyrer stevet Er kje knivane godt slipa, er kje gjeitane god å flå, er kje jentune god te danse, er det lite å hava då. Slåtten har vore mykje nytta av Smedalsspelemennene i Seljord.

• a: Springar frå Heddal, etter Gjermund Haugen, Notodden [105]. Nedskrift Eivind Groven 1962 (G 1477). Haugen hadde slåtten etter far sin.
• b:Springar, etter Hans Smeland, Seljord [106]. Nedskrift Arne Bjørndal 1911 (B 154). Smeland hadde slåtten etter Gunleik Smedal frå Seljord.
• c:Smedalsspringar, etter Torkjell Haugerud, Bø i Telemark [107]. Nedskrift Eivind Groven 1961 (G 1358, NRK magn. 595). Haugerud hadde slåtten etter Harald Smedal frå Seljord.
• d: Knivane, etter Olav Groven, Lårdal [108]. Eivind Groven skreiv opp slåtten etter minne i 1960, G 1214).

Høyversdagen

Hardingfeleverket nr 464. Slåtten skal vera forma ut av Håvard Gibøen og Knut Lurås ein dag det var høyver, og dei sat inne og spela på slåtten heile dagen. Eivind Mo fortalde det var Myllarguten Håvard spela i lag med. I alle høve var det meir verdt å lære slåtten enn å berge høyet. Då det leid på dagen sa kona: "No regnar det, Håvard!" "Lat det regne," svara Håvard. Etter dette fekk slåtten namnet Høyversdagen.

• a: Bokkoen, etter Olav R. Berge, Rauland [109]. Nedskrift Eivind Groven 1918 (G 399). Slåttenamnet er etter Øystein Bokko frå Tinn. jfr Nordbø 98.
• b: Høyversdagen, etter Kjetil Løndal, Tuddal [110]. Nedskrift Sven Nyhus 1976. Løndal lærte slåtten av far sin, Svein K. Løndal, og han att frå Knut Dale i Tinn. Tradisjon etter Gibøen.
• c:Høyversdagen, etter Gunnar Dale, Tinn [111]. Nedskrift Sven Nyhus 1975.
• d: Høyversdagen, etter Anders Kjerland, Granvin [112]. Nedskrift Sven Nyhus 1974. Kjerland hadde slåtten frå Halldor Meland, og han truleg frå ein telemarking.

Tovil Runningen

Hardingfeleverket nr 465. Slåtten er truleg Fykerudtradisjon.

• a: Draum, etter Johannes Dale, Tinn [113]. Nedskrift Eivind Groven 1961 (G 1330, NRK magn. 2072). Johannes drøymde at godfaren Knut Dale spela ein fykerudslått. Då Johannes vakna, hugsa han slåtten og spela han.
• b: Tovil Runningen, etter Svein K. Løndal, Tuddal, og Torbjørn Bøe, Sauland [114]. Nedskrift Eivind Groven 1922 (G 640).
• c: etter Olav Løndal, Tuddal [115]. Nedskrift Eivind Groven 1964 (G 1464, NRK magn. 1969).
• d, etter Halvor Kaasin, Nore [116]. Truls Ørpen 424. Kaasin lærte slåtten av Svein Løndal.

Belarguten

Hardingfeleverket nr 467. Slåtten er og kalla Laugdagskvelden eller Guten og jenta i høyløa. Dette er visstnok ein fykerudslått. Både namnet og framføringa av slåtten peikar mot skildring av seksuelt samvær.

• a: Guten og jenta i høyløa, etter Torleiv Frøyså, Iveland [117]. Nedskrift Truls Ørpen 1935 (Ø 115). Frøyså hadde slåtten frå Gunnulf Borgen i Bø.
• b: Belarguten, etter Einar Løndal, Tuddal [118]. Nedskrift Eivind Groven 1953 (G 801, NRK magn. 986). Ein belar er ein som følgjer og ber fram erendet åt friaren.
• c: Laugdagskvelden, etter Olav Groven, Lårdal [119]. Nedskrift Eivind Groven 1960 (G 1212) etter minne. Olav Groven kalla og slåtten "Guten og jenta i høyløa". Eivind Groven spela inn slåtten for NRK i 1949.
• d: belarguten, etter Johannes Dale, Tinn [120]. Nedskrift Eivind Groven 1961 (G 1243, NRK magn. 2808).

Håkanesen

Hardingfeleverket nr 468. Slåtten skal vera gamal i Tinn. Gunleik Smedal kalla slåtten Veggligjenta.

• a: Dusteruden, etter Johannes Dale, Tinn [121]. Nedskrift Eivind Groven 1961 (G 1324, NRK magn. 2073). Dale hadde slåtten frå Olav Håkanes i Tinn. Håkanes hadde slåtten frå Hellik Dusterud, som slåtten heiter etter.
• b: Håkanesen, etter Steingrim Haukjem, Veggli [122]. Truls Ørpen 147. Slåttenamnet er etter Ola Håkanes i Tinn. Haukjem lærte slåtten av Halvor Kaasin frå Nore, og han att frå Gisle Marumsrud i Tinn.
• c: Springar, etter Øystein Håkanes, Tinn [123]. Nedskrift Arne Bjørndal 1937 (B 1117). Etter faren Olav Håkanes.
• d: Bokkospringar, etter Torkjell Haugerud, Bø i Telemark [124]. Nedskrift Eivind Groven 1939 (G 46, NRK magn. 593). Namnet er etter Øystein Bokko frå Tinn.

Bøkår-rennan

Hardingfeleverket nr 469. Slåtten er spela på nedstilt bass, og er den einaste slåtten Knut Dale hadde stev til: Bøkår-rennar, sto i klemma, spølå geitongen, kan du den? Bøkår-rennar tyder ein saubukk som renn og stangar. Dette har truleg vore utnamn på ein eller annan. I denne slåtten høyrer ein korleis bøkåren renn imot.

• a: etter Johannes Dale, Tinn [125]. Nedskrift Eivind Groven 1961 (G 1267, NRK magn. 53249).
• b:springar etter Tov Bøle, etter Halvor Klonteig, Tinn [126]. Nedskrift Truls Ørpen 1957(Ø 521). Klonteig lærte slåtten av Tov Bøle i Tinn.
• c: etter Eivind Groven [127]. Nedskrift 1960 (G 1175, NRK magn. 1947). Forma er truleg etter Håvard Gibøen.
• d: Bekkjer-rennar, etter Olav Flåto, Hovin [128]. Nedskrift Eivind Groven 1960 (G 1174, NRK magn. 1768). Bekkjer-rennar er austtelemål for Bøkår-rennan.

Flatlandsspringaren

Hardingfeleverket nr 471. Slåtten er etter spelemannen Halvor Flatland frå Bø. Dei største formene er etter Torkjell Haugerud, som er kjelde til to former av slåtten. Variant a vart skriven ned etter han i 1921, og b i 1961. Skilnaden mellom formene er tjuge år, slik at Haugerud hadde bygd om slåtten då han vart skriven ned andre venda.

• a: etter Haugerud 1921. Nedskrift Eivind Groven (G 472).
• b: Etter Haugerud mot slutten av 1930-åra. (G 1376, NRK magn. 53258). Ein stor bolk av denne varianten høyrer til Kjos-springaren. Dette er ikkje med i 1921-oppskrifta.
• c: Springar etter Aslak Lundtveit, etter Kristiane Lund, Bø i Telemark. Nedskrift Eivind Groven 1964 (G 1437, NRK magn. 1543). Aslak Lundtveit var frå Lunde i Telemark.
• d: Svadden, etter Johannes Dale, Tinn. Nedskrift Eivind Groven 1961 (G 1244, NRK magn. 2808). Svadde er namnet på ein gard i Tinn. Slåtten er kalla opp etter ein spelemann eller dansar herifrå.

Vårfuglen

Hardingfeleverket nr 476. Slåtten er knytt til gamle Hans Fykerud frå Sauherad, og dei fleste formene er funne aust i Telemark. Namnet Vårfuglen er knytt til forma etter Torjus Bringsværd frå Vinje. Alle formene av slåtten er spela på nedstilt bass. Til gruppa høyrer en slått som er dikta av Brynjulv Hefte frå Voss, truleg inspirert av Vårfuglen. Denne slåtten går på oppstilt bass.

• a: Springar etter gamle Hans Fykerud, etter Johannes Dale, Tinn. Nedskrift Eivind Groven 1961, (G 1299, NRK magn. 953. Hans Fykerud var far til Lars Fykerud frå Sauherad.
• b: Springar, etter Olav Kosi, Hovin. Nedskrift Truls Ørpen 1930 (Ø 179).
• c: Vårfuglen, etter Torjus Bringsvær, Vinje. Nedskrift Eivind Grovfen 1960 (G 1227). Groven skreiv opp slåtten etter minne.
• d: springar, etter Johannes Dale, Tinn. Groven 1961 (G 1291, NRK magn. 1049).
• e: Springar, etter Brynjulv Hefte, Voss. Nedskrift Arne Bjørndal 1924 (B 699). Hefte har sjølv forma ut denne slåtten.

Sandsdalen

Hardingfeleverket nr 479. Slåtten heiter og Langedragen, og skriv seg frå Øystein Langedrag og sonen hans, Leiv Sandsdalen. Ola Mosafinn lærte slåtten av Leiv Sandsdalen, og to av formene er funne på Voss etter dette.

• a: Langedragen, etter Gunnulf Borgen, Bø i Telemark. Nedskrift Truls Ørpen 1933 (Ø 237). Etter Sandsdalen.
• b: etter Johannes Dale, Tinn. Groven 1961 (G 1337, NRK magn. 1979).
• c: etter Kristiane Lund, Bø. Groven 1959 (G 1121, NRK magn. 1543). Forma finst og hjå Nordbø.
• d: etter Ola Mosafinn, Voss. Bjørndal nye slåttar 2. Mosafinn lærte slåtten av Leiv Sandsdalen.
• e: etter Sigbjørn Bernhoft Osa, Voss. Nyhus 1974. Osa hadde slåtten frå far sin, Lars Osa, som atter hadde han frå Ola Mosafinn.

Tru på Torgon

Hardingfeleverket nr 481. Slåtten er knytt til tradisjonslina etter Ole Kolsrud frå Heddal, og er skriven ned aust i Telemark. Ola Mosafinn hadde slåtten etter Leiv Sandsdalen. Torgon er eit kvinnenamn (Torgunn). Stevet går: Tru på Torgon, du skal få liggja med meg kvar einaste morgon.

• a: Springar, etter Ola Mosafinn. Bjørndal 1908 (B 566).
• b: Springar frå Bø, etter Gregar O. Nordbø, Bø. Ørpen 1942 (Ø 267). Ørpen skreiv ut slåtten for Hardingfele etter Nordbø 96, som berre har melodien. Andre taket er det same som Oterholtfossen etter Kristiane Lund.
• c: Springar, etter Øystein Hovdestad, Vinje. Groven 1919 (G 736).
• d: Tru på Torgon, etter Jon Kolbjørnsrud, Heddal. Groven 1922 (G 436).
• e: Kollsrudspringar, etter Jon Kolbjørnsrud, Heddal. Groven 1944 (G 830). Arne Bjørndal skreiv og opp slåtten etter Ola Viken. Slåttenamnet er etter Ole Kolsrud.

Oterholtfossen

Slått i fykerudtradisjon, Hardingfeleverket nr 482. Slåtten har vore vanleg i Bø i Telemark.

• a: Fykerudspringar, etter Mattis M. Kleppen, Sauland. Groven 1921 (G 692). Kleppen lærte slåtten av Lars Fykerud.
• b: Oterholtfossen, etter Kristiane Lund, Bø. Groven 1964 (G 1459, NRK magn. 1671). Oterholtfossen ligg i Bø.
• c: Sevle`n, etter Torkjell Haugerud, Bø. Groven 1961 (G 1350, NRK magn. 596). Nordbøkatalogen har og denne forma. Namnet er knytt til dansaren Ola Olsson Sevle frå Nore i Numedal.
• d: Bjådalen, etter Tjøstov Lofthus, Lårdal. Groven 1960 (G 1209). Slåtten har namn etter Olav Bjådal, Lårdal.
• e: Brynjulv Roe, etter Johannes Dale, Tinn. Groven 1961 (G 1331, NRK magn. 2072). Dale hadde slåtten frå bestefaren Knut Dale, som hadde han frå Lars Fykerud.

Fykerudens minne

Hardingfeleverket nr 485. Springar i fykerudtradisjon, mykje nytta aust i Telemark. Ein variant er funnen i Krødsherad. Slåtten er og kalla Livius Smiths minne.

• a: Prøva, etter Johan Kleven, Krødsherad. Ørpen 1916 (Ø 15). Etter Gamle-Kleven.
• b: Fykerudens minne, etter Mattis M. Kleppen, Sauland. Groven 1921 (G 704). Forma var mykje nytta av Lars Fykerud.
• c: Tinnesand, etter Johannes Dale, Tinn. Groven 1961 (G 1303, NRK magn. 954). Slåtten er etter Ole Bernås frå Tinn. Tinnesand er eit gamalt namn på Notodden.
• d: Springar etter Fykerud, etter Olav Løndal, Tuddal. Groven 1959 (G 1115, NRK magn. 2019).
• e: Fetaskomann, etter Steingrim Haukjem, Veggli. Nyhus 1975. Slåttenamnet er etter ein dansar som nytta fetasko (skor laga av storfeskinn). Haukjem hadde slåtten frå ein tinndøl.