Sofie av Noreg og Sverige

Frå Wikipedia – det frie oppslagsverket
Hopp til navigering Hopp til søk
Sofie av Noreg og Sverige
Anders Zorn - Drottning Sophia 1909.jpg
Dronning Sofie av Noreg og Sverige måla av Anders Zorn
FøddSophia Wilhelmine Marianne Henriette von Nassau
9. juli 1836
Wiesbaden-Biebrich
Død30. desember 1913 (77 år)
Stockholm
TittelDronning av Noreg og Sverige
Alle titlardronning
Fullt namnSophie (Sophia) av Nassau
Hus eller slektHuset Nassau-Weilburg og Huset Bernadotte
GravstadRiddarholmskyrkan
LandNoreg
MorPauline av Württemberg
FarVilhelm I av Nassau
EktefelleOscar II
BarnGustav V av Sverige, Oscar Bernadotte, Carl av Sverige, hertug av Västergötland, Prins Eugen

Sofie av Noreg og Sverige (9. juli 183630. desember 1913) var dronning av Noreg og Sverige. Ho var dotter av hertug Vilhelm I av Nassau og prinsesse Pauline av Württemberg i hertugdømmet Nassau. Sofia gifta seg med den framtidige kong Oscar II den 6. juni 1857 på slottet i Wiesbaden-Biebrich. I Sverige brukte ho namneforma Sophia, i Noreg Sophie.

Sofie var liberal og hadde ein modererande innverknad på mannen sin, blant anna ved krisesituasjonane i unionen mellom Sverige og Noreg. Ho var sterkt skeptisk til den tyske keisaren Vilhelm II, som ho rekna som militaristisk. Dronning Sofie var under sommarferiane i perioden 1892-1904 i Noreg, på garden Skinnarbøl ved Kongsvinger. Som noregsven bidrog ho til at det ikkje vart krig mellom Sverige og Noreg ved unionsoppløysinga i 1905.

I Oslo er Sofies gate og Sofies plass oppkalla etter henne, og det er òg Dronningfossen i Hoffselva vest i byen. Ho gav namnet sitt til institusjonen Sophies Minde, som opna i Skådalen i Oslo i 1902 etter at ho og kong Oscar i 1897 hadde gjeve eit innsamla fond til Arbeidsskole for Vanføre som var skipa i 1892 av systrene Agnes og Nanna Fleischer. Institusjonen vart i nyare tid ein del av Oslo universitetssykehus HF.

Bakgrunnsstoff[endre | endre wikiteksten]