Spirit in the Sky

Frå Wikipedia – det frie oppslagsverket
«Spirit in the Sky»
Song av KEiiNO
Semi2Dress2019-035-20190516-EuroVisionary.jpg
Land Noreg
Språk Engelsk, nordsamisk
Utgjeve 25. januar 2019[1]
Sjanger Elektropop, dance, joik
Lengd 03:05
Selskap Hugoworld AS
Låtskrivar(ar) Tom Hugo, Fred Buljo, Alexandra Rotan, Henrik Tala, Alex Olsson og Rüdiger Schramm

«Spirit in the Sky» ('ånd i himmelen') er ein norsk-samisk popsong som vart utgjeven 25. januar 2019. Songen vert framført av gruppa KEiiNO, som består av Tom Hugo, Fred Buljo og Alexandra Rotan. «Spirit in the Sky» vann Melodi Grand Prix 2019 og vart dimed det norske bidraget i Eurovision Song Contest i Tel Aviv i mai 2019.[2] I Tel Aviv kom «Spirit in the Sky» på ein sjetteplass, som var den beste plasseringa til Noreg sidan fjerdeplassen til Margaret Berger med «I Feed You My Love» i 2013. «Spirit in the Sky» vann telefonavrøystinga og var dimed det mest populære bidraget blant sjåarane. Men juryane hadde songen nede på ein 18. plass, og «Spirit in the Sky» enda til slutt på en sjetteplass samanlagt. «Spirit in the Sky» var den 23. mest populære singelen i Noreg i 2019, og han vart nominert til ein spellemannpris i kategorien «årets låt».[3][4]

Om songen[endre | endre wikiteksten]

Bakgrunn[endre | endre wikiteksten]

«Spirit in the Sky» vart til då songaren og låtskrivaren Tom Hugo Hermansen og ektemannen Alex Olsson ønskte å skrive ein låt som tok for seg historiske kampar for likeverd – anten det dreier seg om etnisitet, kjønn eller seksuell legning.[5] I den samanhengen tok dei kontakt med den samiske rapparen og låtskrivaren Fred Buljo som vart med på å skrive låten. Dei tok også kontakt med songaren Alexandra Rotan, og saman skreiv dei «Spirit in the Sky» med hjelp frå den finske musikkprodusenten Henrik Tala og tyske Rüdiger Schramm.[5]

Låtskrivarane sende songen inn til Melodi Grand Prix 2019, og songen var plukka ut som ein av ti låtar til å delta i den norske finalen. Tom Hugo Hermansen, Fred Buljo og Alexandra Rotan framførte han saman, som bandet KEiiNO.

Mottaking[endre | endre wikiteksten]

«Spirit in the Sky» er ein poplåt med element av elektronika, dance og joik, og han fekk blanda mottaking av musikkmeldarar etter utgjevinga 25. januar 2019. Aftenposten kalla han «som skapt for Eurovision»,[6] medan Dagbladet gav songen terningkast 2 og omtala han som ein «syntetisk bastard med et uforståelig kvasisamisk innslag».[7] Musikkmeldaren i VG gav songen terningkast 4 og kalla teksta for noko «naturbarnsvevende tøv om å danse med feer, lytte etter ting som bæres med vinden og sjelens reise over himmelen», og la til at songens «fornøyelige og skamløse kulturelle appropriasjon er artig. Dette kan bli moro live».[8] Meldaren i NRK gav låten terningkast 5 og kalla låten ein «elektronisk leken perle» og en «skikkelig episk sak som kan være akkurat så sprøtt at det sendes rett til Tel Aviv».[9] «Spirit in the Sky» gjekk også til topps på oddslistene etter offentleggjeringa av songane 25. januar.[10][11]

Melodi Grand Prix 2019[endre | endre wikiteksten]

KEiiNO framfører «Spirit in the Sky» under ei av prøvene i Tel Aviv i 2019.

I Melodi Grand Prix laurdag 2. mars 2019 var «Spirit in the Sky» eit av ti bidrag. Songen var det tiande og siste bidraget på scena og kvalifiserte seg til gullfinalen saman med tre andre låtar. Til slutt innfridde «Spirit in the Sky» favorittstempelet og vann Melodi Grand Prix med over 231 000 røyster – nesten 70 000 røyster framfor andreplassen Adrian Jørgensen med «The Bubble».[12]

Eurovision Song Contest 2019[endre | endre wikiteksten]

Med sigeren i Melodi Grand Prix vart «Spirit in the Sky» det norske bidraget til Eurovision Song Contest 2019 i Tel Aviv i Israel.[13] I januar 2019 vart Noreg trekt ut til å delta i den andre semifinalen av Eurovision Song Contest. Semifinalen vart arrangert i Expo Tel Aviv i Israel torsdag 16. mai, og Noreg hadde startnummer 15.[14] I avrøystinga vart «Spirit in the Sky» blant dei ti beste i semifinalen, og kvalifiserte seg dimed til finalen laurdag 18. mai.[15] I finalen hadde songen også startnummer 15.[16]

Etter at fagjuryane hadde røysta, låg «Spirit in the Sky» på 18. plass, men songen vann telefonavrøystinga med 291 poeng og enda samanlagt på ein sjetteplass med 331 poeng.[17] Dette var den beste plasseringa til Noreg i Eurovision Song Contest på seks år, sidan Margaret Berger og «I Feed You My Love».[18][19]

Skuldingar om plagiat[endre | endre wikiteksten]

Etter finalen i Melodi Grand Prix påpeika brukarar i sosiale medium at vinnarlåten «Spirit in the Sky» var lik det finske bidraget «Monsters» med Saara Aalto frå Eurovision Song Contest 2018. Fleire av dei internasjonale juryane i den norske finalen meinte det same og gav låten trekk då dei skulle bedømme låtane.[20] Musikkmeldaren i VG, Tor Martin Bøe, meinte låtane hadde «klare likhetstrekk». Musikalsk leiar for Melodi Grand Prix, Stig Karlsen, var einig i at songane hadde visse likskapar, men la til at «Spirit in the Sky» er «et hav unna å være plagiat».[20] Låtskrivaren Tom Hugo Hermansen avviste også plagiatskuldingane og la til: «melodien i både Monsters-låten og vår er innom fire toner som utgjør en mollakkord. Rytmen og lengden på tonene er ikke lik, og disse fire tonene er å finne i mange andre låter».[21]

Listeplasseringar[endre | endre wikiteksten]

8. mars 2019 debuterte «Spirit in the Sky» på ein tredjeplass på norske VG-lista. Dette var den høgaste listeplasseringa til ein norsk Melodi Grand Prix-vinnar på sju år, sidan Tooji og «Stay» i 2012.[22] I veke 21, etter den internasjonale finalen rykka låten opp til fyrsteplass på VG-lista.[23] Dette var fyrste gongen på åtte år at ein norsk Melodi Grand Prix-vinnar toppa lista, og fyrste gongen på sju år at eit bidrag til Eurovision Song Contest toppa lista. I dagane etter finalen nådde «Spirit in the Sky» også ein tiandeplass på den internasjonale iTunes-lista.[24]

Liste (2019) Høgaste
plassering
Flag of Austria.svg Austerrike (Ö3 Austria Top 40)[25] 61
Flag of Belgium (civil).svg Belgia Belgia, Flandern (Ultratip)[26] 19
Flag of Estonia.svg Estland (Eesti Tipp-40)[27] 11
Flag of Europe.svg Europa Euro Digital Songs (Billboard)[28] 5
Flag of France.svg Frankrike (SNEP – Nedlasting)[29] 22
Flag of Ireland.svg Irland (Irish Singles Chart)[30] 84
Flag of Iceland.svg Island (Tónlistinn)[31] 11
Flag of Greece.svg Hellas (IFPI Digital Singles)[32] 53
Flag of the Netherlands.svg Nederland (Single Top 100)[33] 59
Flag of Norway.svg Noreg (VG-lista)[34] 1
Flag of Scotland.svg Skottland (Official Charts Company)[35] 7
Flag of the United Kingdom.svg Storbritannia (UK Singles Chart)[36] 61
Flag of the United Kingdom.svg Storbritannia (UK Download)[37] 7
Flag of Switzerland.svg Sveits (Schweizer Hitparade)[38] 7
Flag of Sweden.svg Sverige (Sverigetopplistan)[39] 33

Kjelder[endre | endre wikiteksten]

  1. «Spirit in the Sky – Single». iTunes. Henta 26. januar 2019. 
  2. Jor, Brage Lie (2. mars 2019). «Keiino vant Melodi Grand Prix». NRK (norsk bokmål). Henta 3. mars 2019. 
  3. Løken, Trude. «Årslister Topplista 2019». www.ifpi.no (norsk bokmål). Henta 25. januar 2020. 
  4. «Sørlendinger nominert til Spellemannspris: – Det er helt vilt». www.fvn.no (norsk bokmål). Henta 7. februar 2020. 
  5. 5,0 5,1 Hyttebakk, Jon Marius (25. januar 2019). «Her er artistene i MGP 2019». NRK (norsk bokmål). Henta 26. januar 2019. 
  6. kulturjournalist, Robert Hoftun Gjestad. ««Å prøve for hardt, er ikke en suksessformel»». Aftenposten (norsk bokmål). Henta 26. januar 2019. 
  7. Anders Grønneberg (25. januar 2019). «På tide å få dette talentet fram i rampelyset igjen». Dagbladet.no (norsk). Henta 26. januar 2019. 
  8. «VG anmelder alle Melodi Grand Prix 2019-låtene». www.vg.no (norsk). 25. januar 2019. Henta 26. januar 2019. 
  9. Jegthaug, Marit Johansen (25. januar 2019). «Anmeldelse av de norske MGP-låtene 2019». NRK (norsk bokmål). Henta 26. januar 2019. 
  10. «Odds Norway Melodi Grand Prix 2019». Eurovisionworld. Henta 26. januar 2019. 
  11. NRK (25. januar 2019). «Keiino er oddssetternes favoritt». NRK (norsk bokmål). Henta 26. januar 2019. 
  12. Hyttebakk, Jon Marius (4. mars 2019). «Overlegen MGP-seier til KEiiNO». NRK (norsk bokmål). Henta 4. mars 2019. 
  13. Louise LaFleur (2. mars 2019). «KEiiNO is Norway's choice for Tel Aviv!». eurovision.tv. EBU. Henta 4. mars 2019. 
  14. «Second Semi-Final of Tel Aviv 2019». eurovision.tv. EBU. Henta 5. mai 2019. 
  15. Benny Royston (16. mai 2019). «Second Semi-Final: Last 10 acts qualify for Eurovision 2019 Grand Final». eurovision.tv. EBU. Henta 17. mai 2019. 
  16. Benny Royston (16. mai 2019). «Eurovision 2019: This is the running order of the Grand Final!». eurovision.tv. EBU. Henta 17. mai 2019. 
  17. «Grand Final results 2019 – Norway». EBU. mai 2019. Henta 2. august 2019. 
  18. eurovision.tv (19. mai 2019). «Grand Final of Tel Aviv 2019». EBU. Henta 19. mai 2019. 
  19. Verstad, Anders Boine (19. mai 2019), «Keiino: – Det er hans fortjeneste», NRK (på norsk bokmål), henta 30. desember 2019 
  20. 20,0 20,1 Ording, Oda (3. mars 2019). «Beskylder MGP-vinneren for plagiat». NRK (norsk bokmål). Henta 4. mars 2019. 
  21. Arve Henriksen (3. mars 2019). «MGP-vinner beskyldes for plagiat». Aftenposten. Henta 4. mars 2019. 
  22. Sætre, Eivind Charlie M. «Norge: Vi har en hit! - escNorge». escnorge.net (norsk bokmål). Henta 20. mars 2019. [daud lenkje]
  23. «Topp 20 Single 2019-21». VG-lista 2019 (norsk bokmål). Henta 24. mai 2019. 
  24. «Duncan Laurence shoots up the Global Spotify Charts with over 2 million streams in one day». ESCXTRA.com (engelsk). 20. mai 2019. Henta 24. mai 2019. 
  25. «KEIINO – Spirit in the Sky». austriancharts.at (tysk). Henta 31. mai 2019. 
  26. ««Spirit in the Sky» – Ultratip». dutchcharts.nl. Henta 24. mai 2019. 
  27. Siim Nestor (28. mai 2019). «EESTI TIPP-40 MUUSIKAS: Rammstein ja Tyler lömastasid Billie Eilishi». Eesti Express (estisk). Henta 31. mai 2019. 
  28. «Chart Search – KEiiNO – Spirit in the Sky – Euro Digital Song Sales». Billboard. Henta 2. juni 2019. [daud lenkje]
  29. «Top Singles (téléchargement) Semaine du 24 Mai». SNEP. Arkivert frå originalen 2015-09-05. Henta 27. mai 2019. 
  30. IRMA http://www.irma.ie/#chartTab1. Henta 24. mai 2019. 
  31. «TÓNLISTINN – LÖG | Plötutíðindi» (engelsk). plotutidindi.is. 28. mai 2019. Arkivert frå originalen 2019-06-03. Henta 2. juni 2019. 
  32. «Official IFPI Charts – Digital Singles Chart (International) – Week: 21/2019». IFPI Greece. Arkivert frå originalen den 6. juni 2019. Henta 6. mai 2019. 
  33. ««Spirit in the Sky» – Dutch Charts». dutchcharts.nl. Henta 24. mai 2019. 
  34. «'Spirit in the Sky' på VG-lista». VG Nett. 8. mars 2019. Henta 8. mars 2019. 
  35. «Official Scottish Singles Sales Chart Top 100 | Official Charts Company». www.officialcharts.com (engelsk). Henta 24. mai 2019. 
  36. «KEiiNO | full Official Chart History | Official Charts Company». www.officialcharts.com. Henta 24. mai 2019. 
  37. «Official Singles Downloads Chart Top 100 | Official Charts Company». www.officialcharts.com (engelsk). Henta 26. mai 2019. 
  38. «KEiiNO - Spirit In The Sky - hitparade.ch». hitparade.ch. Henta 26. mai 2019. 
  39. «Sverigetopplistan». Sverigetopplistan/swedishcharts.com (svensk). Henta 31. mai 2019. 

Bakgrunnsstoff[endre | endre wikiteksten]