Statsadvokat

Statsadvokat er nemninga på embetsmenn i påtalemakta med utdanning som juristar, og som har som arbeidsoppgåve å vere aktor i større eller på anna vis meir viktige straffesaker, det vil seie å føre slike straffesaker for domstolane på vegner av påtalemakta. I Noreg og Danmark er påtalemakta integrert i politiet, og statsadvokatane er leiarar av politiets etterforskning av alvorlege brotsverk, og overordna politiet i påtalespørsmål.

Tittelen statsadvokat eller tilsvarande nemning på andre språk er nytta i fleire land om dei tilsvarende stillingane. Ordet statsadvokat vert difor vanlegvis nytta som ei omsetjing til norsk av stillingsnemningar som til dømes district attorney i USA, og Staatsanwalt på tysk.

Statsadvokatembeta i Noreg og dei underliggjande politidistrikta

• Agder statsadvokatembete: Agder politidistrikt
• Hedmark og Oppland statsadvokatembete: Hedmark politidistrikt, Vestoppland politidistrikt, Gudbrandsdal politidistrikt
• Hordaland statsadvokatembete: Hordaland politidistrikt
• Møre og Romsdal, Sogn og Fjordane statsadvokatembete: Sogn og Fjordane politidistrikt, Sunnmøre politidistrikt, Nordmøre og Romsdal politidistrikt
• Nordland statsadvokatembete: Salten politidistrikt, Helgeland politidistrikt, Midtre Hålogaland politidistrikt
• Oslo statsadvokatembete: Oslo politidistrikt, Follo politidistrikt, Østfold politidistrikt, Romerike politidistrikt, Asker og Bærum politidistrikt, Søndre Buskerud politidistrikt, Nordre Buskerud politidistrikt
• Rogaland statsadvokatembete: Rogaland politidistrikt, Haugaland og Sunnhordland politidistrikt
• Troms og Finnmark statsadvokatembete: Troms politidistrikt, Vestfinnmark politidistrikt, Østfinnmark politidistrikt, Sysselmannen på Svalbard
• Trøndelag statsadvokatembete: Sør-Trøndelag politidistrikt, Nord-Trøndelag politidistrikt
• Vestfold og Telemark statsadvokatembete: Vestfold politidistrikt, Telemark politidistrikt