Stein Thunberg
| Stein Thunberg | |
| Statsborgarskap | Noreg |
| Fødd | 12. mai 1954 (72 år) Notodden kommune |
| Idrett | fotball |
Stein Borgar Thunberg (fødd 12. mai 1954) er ein norsk tidlegare fotballspelar frå Notodden i Telemark. Han vart noregsmeister 1974 for IK Skeid og seriemeister 1978 og 1980 for IK Start. Thunberg, som var angrepsspelar, deltok i tida 1974-79 i 28 av Noregs landskampar.
Karriere
[endre | endre wikiteksten]Klubbspel
[endre | endre wikiteksten]Thunberg var aktiv i SK Snøgg i 1971, då laget rykte opp frå 4. divisjon, og i 3. divisjon i 1972. Åra 1973-75 spelte han for oslolaget Skeid, der han i oktober 1974 med to skåringar bidrog til at Skeid vann 3–1 over IL Viking i cupfinalen på Ullevål stadion. Etter Skeid rykte ned melde han overgang til IK Start. I tida 1976-82 var han med å vinne 1. divisjon i 1978 og 1980, dei to største triumfane til IK Start i norsk fotball. Etter spel for FK Donn og IK Våg i lågare divisjonar, kom Thunberg i 1989 forbigåande tilbake til eit skaderåka Start.
Landslagsspel
[endre | endre wikiteksten]Frå debuten 6. juni 1974 til avskjeden på det norske landslaget 29. august 1979 i Wien, deltok Thunberg 28 landskampar og skåra 4 mål. I 8 av kampane var han innbytar. Flest kampar fekk i 1975, då han spelte 8 landskampar.