Stelviopasset

x

Stelviopasset
Austsida av Stelviopasset sett frå Payerhytta (3029 m) Austsida av Stelviopasset sett frå Payerhytta (3029 m)
	Nordaust	Sørvest
Passhøgd	2 757 m s.l.m.
Provincia	Vinschgau (Sør-Tyrol)	Veltlin (Sondrio)
Vasskilje	Trafoi-bekken → Etsch	Braulio → Adda
Stader	Prad am Stilfserjoch	Bormio
Samband	Strada Statale 38
Bygd	1820–1826
Vinterstengt	november–juni
Fjellområde	Ortlergruppa
Profil
Stigning (snitt)	7,2 % (1 972 m / 27,5 km)	7 % (1 536 m / 22 km)
Stigning (maks)	15 %	12 %
Kart
Stelviopasset (Alpen) Stelviopasset x
Koordinatar	46° 31′ 42″ N, 10° 27′ 12″ A

Stelviopasset (tysk Stilfser Joch eller Stilfserjoch, italiensk Passo dello Stelvio) er med 2 757 m s.l.m. den høgste fjellovergangen i Italia og den nest høgste asfalterte vegovergangen i Alpane – etter Col de l'Iseran. Stelvio knyter saman Bormio i Veltlin, Lombardia med Prad i Vinschgau, Sør-Tirol.

Området rundt passet har sidan 1935 vore ein del av Stelvio nasjonalpark.

Sykkelsport

På grunn av sine mange hårnålskurver er vegen til Stelviopasset eit populært mål for syklistar. Dei kan ta passet som ein del av ein rundtur frå Prad eller Glurns. Den vanlegaste ruta går over Stelvio til kort over passhøgda, deretter over Umbrailpasset og Santa Maria Val Müstair i Sveits og tilbake til Glurns eller Prad.

Stelviopasset er mykje brukt i Giro d'Italia, og på passhøgda står eit minnesmerke over den italienske syklisten Fausto Coppi som vann rittet fem gonger.

Første laurdag i september eller siste laurdag i august er det sykkeldag på Stelviopasset, og då er vegen frå Trafoi til Bormio stengd for motorkøyrety frå om morgonen til sein ettermiddag. Same dagen er vegen frå Santa Maria i Münstertal over Umbrailpasset stengd for motortrafikk.

I midten av juli arrangerer sykkelklubben i Vinschgau eit ritt med start i Prad og målgang på passhøgda.

Skisport

På Stelviopasset er det eit sommarskisenter som er open frå rundt pinsetid til november då vegen blir vinterstengd.

Galleri

• 
  Sommarskisenteret på Stelvio
• 
  Ortler frå Stelvio
• 
  Hårnålsving nr 2, 3 og 4 av til saman 48 på austsida av Stelvio
• 
  Utsyn mot passhøgda med Franzenshöhe, frå «Trespråktind»
• 
  Minnesmerket over Fausto Coppi på Stelvio

Bakgrunnsstoff

Wikimedia Commons har multimedia som gjeld: Stelviopasset

• Bilder frå Stelviopasset under den første verdskrigen
• Bilder frå Stelviopasset under den første verdskrigen 2
• Bilder frå Stelviopasset under den første verdskrigen
• Nasjonalparken
• Høgdeprofil frå Prad Arkivert 2021-01-16 ved Wayback Machine.
• Høgdeprofil frå Bormio Arkivert 2016-03-04 ved Wayback Machine.
• GPS-tracks og høgdeprofil
• Sommarskistaden Arkivert 2013-06-06 ved Wayback Machine.
• Das Stilfser Joch für Radfahrer auf Quaeldich.de, sykkelstoff