Stig Johansen

Frå Wikipedia – det frie oppslagsverket
Stig Johansen
Statsborgarskap Noreg
Fødd 13. juni 1972 (51 år)
Kabelvåg
Idrett fotball

Stig Johansen (fødd 13. juni 1972) er ein tidlegare fotballspelar frå Kabelvåg i Nordland. Han var i to periodar angrepsspelar på Bodø/Glimt og svensk seriemeister 1999 for Helsingborg IF.

Karriere[endre | endre wikiteksten]

Klubbspel[endre | endre wikiteksten]

Johansen spelte frå 1989 til 1992 på Kabelvåg IL sitt lag på nivå 4. 1993-sesongen var han aktiv for Fotballklubben Mjølner på nivå 2. Johansen treivst ikkje i Narvik, melde ved sesongslutt difor overgang til nyskipa FK Lofoten. I 1994 skåra han 38 seriemål for laget frå Vågan på nivå 4. Til 1995-sesongen skreiv han kontrakt med Bodø/Glimt. Med 19 nettkjenningar vart han toppskårar for eit mannskap som enda på tredjeplass i eliteserien 1995. Også i 1996 og 1997 var han toppskårar for Bodø-laget.

I august 1997 vart Johansen overført til engelske Southampton FC. Korkje der, eller i Bristol City FC, makta han å spele seg til plass i fyrsteellevaren. Sommaren 1998 gjekk turen til til svenske Helsingborg, der norske Åge Hareide var lagsjef. Hareide, med Johansen på laget, leia Helsingborg til triumf i Allsvenskan 1999.

Frå 2001 til og med 2009 spelte Johansen på Bodø/Glimt sitt lag i vekselvis eliteserien og på nivå 2 i seriesystemet. I 2003 var han kaptein for eit Bodø/Glimt-mannskap som kom på andreplass i eliteserien og spelte NM-finale mot Rosenborg BK. På Ullevaal stadion i Oslo sende Johansen Glimt i føringa, før Rosenborg utlikna og vann med 3–1 etter ekstraomgangar.

Landslagsspel[endre | endre wikiteksten]

Johansen deltok i 3 landskampar, alle under ei turnering i Australia i januar 1997. Noreg tapte mot Sør-Korea og Australia, mot New Zealand vart det siger 3–0. Johansen kom ikkje på skåringslista.

Merittar[endre | endre wikiteksten]

  • Vinnar av Allsvenskan: 1999 med Helsingborg IF
  • Tapande NM-finalist: 2003 med Bodø/Glimt
  • Sølv i eliteserien: 2003 med Bodø/Glimt
  • Bronse i eliteserien: 1995 med Bodø/Glimt

Kjelder[endre | endre wikiteksten]