Stig Roar Husby

Frå Wikipedia – det frie oppslagsverket
Hopp til navigering Hopp til søk
Stig Roar Husby
Fødd 12. september 1954
Trondheim
Yrke friidrettsutøvar

Stig Roar Husby (fødd 12. september 1954) er ein norsk tidlegare mellom- og langdistanseløpar frå Trondheim. Han vann seks norske meisterskapstitlar på friidretts-bana, fire på 10 000 meter og to på 5 000 meter. Husby var medlem i Strindheim Idrettslag til 1979, sidan 1980 representerte han IL i BUL i Oslo.

Aktiv[endre | endre wikiteksten]

Husby synte seg som ein lovande mellom- og langdistanseløpar med tider som 3.48,2 på 1500 meter og 14.04,4 på 5 000 m, medan han enno var i juniorklassa. Året etter forbetra han den personlege rekorden på 5 000 meter til 13.56,6 og vart noregsmeister i sitt debutløp på 10 000 m på tida 30.19,8.

Dei neste sesongane stagnerte utviklinga, heilt til året 1979 kom. Han forbetra då den personlege rekorden på 1500 m til 3,44,7, og under noregsmeisterskapen fekk han nye bestetider på både 5 000 og sidan 10 000 m. Tida 13.45,2 på 5 000 m gav han sølvmedaljen, medan milløpet gjekk unna på 28.35,4 til NM-gull nummer to på distansen. I 1980 tok han sitt tredje 10 000-meter-gull i NM på årsbeste i Noreg, 28.50,7.

Sesongane 1982 og -83 pynta Husby på dei personlege rekordane. Han fekk notert 13.42,7 på 5 000 m i 1982, og i 1983 vart han klokka inn på 3.44,5 på 1500 m og 28.32,8 på 10 000 m, hans livs snøggaste milløp. I 1983 vart han også norsk dobbeltmeister med siger på både 5 000 m og den doble distansen.

Husby deltok i maraton under Sommar-OL 1984 i Los Angeles, men braut løpet. Same sesongen sprang han sine beste løp på 1500 m og 5 000 m nokon gong. Tidene 3.44,4 og 13.27,5 vart ståande som hans endelege personbeste. Etter å ha vunne sin sjette NM-tittel på bane i 1985 trappa han ned, men kom forbigåande tilbake i 1988 og tok sølvet på 10 000 m under NM.

Medaljar i norske meisterskap[endre | endre wikiteksten]

  • 1975: Gullmedalje på 10 000 m – 30.19,8 og bronsemedalje på 5 000 m – 14.10,0
  • 1979: Gullmedalje på 10 000 m – 28.35,4 og sølvmedalje på 5 000 m – 13.45,2
  • 1980: Gullmedalje på 10 000 m – 28.50,7 og sølvmedalje på 5 000 m – 13.53,5
  • 1981: Sølvmedalje på 1500 m – 3.46,5, bakom Ingar Engelund (3.45,8)
  • 1983: Gullmedaljar på 5 000 m – 13.57,3, og 10 000 m – 28.39,9
  • 1985: Gullmedalje på 5 000 m – 13.54,1, framom Eirik Hansen (13.56,0)
  • 1988: Sølvmedalje på 10 000 m – 28.55,5, bakom Bjørn Nordheggen (28.54,8)

Kjelder[endre | endre wikiteksten]