Stripehovudstifthale
| Stripehovudstifthale | |
 Stripehovudstifthale | |
| Utbreiing og status | |
Status i verda:  Livskraftig Utbreiinga av Stripehovudstifthale | |
| Systematikk | |
| Underrekkje: | Virveldyr Vertebrata |
| Klasse: | Fuglar Aves |
| Underklasse: | Neognathae |
| Overorden: | Neoaves |
| Orden: | Sporvefuglar Passeriformes |
| Familie: | Omnfuglar Furnariidae |
| Slekt: | Cranioleuca |
| Art: | Stripehovudstifthale C. hellmayri |
| Vitskapleg namn | |
| Cranioleuca hellmayri | |
Stripehovudstifthale (Cranioleuca hellmayri) er ein fugl i omnfuglfamilien som er endemisk for Colombia med utbreiing avgrensa til eit lite område lengst nord i landet, Sierra Nevada de Santa Marta. Utanom dette området er det kjent eitt funn i Perijá, nordvestre Venezuela.
Skildring[endre | endre wikiteksten]
Stripehovudstifthalen er ein liten omnfugl med kroppslengd på rundt 14 centimeter og masse på ca. 15 gram. Han arvar typiske trekk i morfologi for slekta Cranioleuca; har relativt kortare hale enn somme andre stiftehaleslekter, og halen endar i ein dobbel tupp. Oversida er brun, der venger og hale er meir raudbrune enn ryggen. Undersida er lys gråbrun, strupen nær kvit.
Det karakteristiske for arten er hovudet som har kastanjeraud krone med gråsvarte striper. Han har ei smal, lang og nær kvit augebrynstripe.
Han lever helst i skog og gjenreist skog mellom 1520 og 3000 moh. Her beitar dei på leddyr frå midten av trekroner og opp mot toppen. Dei beitar gjerne parvis i fleirartsflokkar.
Reiret er fletta av gras og hengt opp i ei grein. Hekketida er i september til november.
Storleiken på populasjonen er rekna som stabil, men han er ikkje estimert. Arten er skildra som vanleg i utbreiingsområdet, og IUCN har kategorisert han som livskraftig, LC.[1]
Kjelder[endre | endre wikiteksten]
- Remsen, J.V., Jr (2003). Streak-capped Spinetail (Cranioleuca hellmayri) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2014). Handbook of the Birds of the World Alive. Lynx Edicions, Barcelona. Henta den 10. august 2015
- BirdLife International (2015) Species factsheet: Cranioleuca hellmayri. Henta frå http://www.birdlife.org den 10. august 2015
- Referansar
- ↑ BirdLife International (2015)