Stundo er mi kjering god
Stundo er mi kjering god er ein springar som har vore nytta i Sogn, Valdres og Hallingdal. Tittelen på slåtten er knytt til eit stev: Stundo er mi kjering god, stundo er ho so og so so. Teksten er sams i Hallingdal og Valdres., medan vestlandsformene er utan namn. Dette stevet er og nytta på vestlandsforma av Nordfjordingen. I Hallingdal er slåtten og kjend som Søtepose, mellom anna i form etter Kristian Øvrevollseie.
Variantgruppa[endre | endre wikiteksten]
Slåtten har katalognr 490 i Hardingfeleverket, og gruppa tel seks variantar, ein frå Sogn, tre frå Valdres og to frå Hallingdal.
- a: Springar, etter Sjur Berge, Balestrand[1]. Nedskrift Arne Bjørndal 1916 (B 651). Bjørndal gjorde fleire nedskrifter av denne slåtten på Vestlandet.
- b: Stundo æ mi kjering go, etter Ola Fystro, Nord-Aurdal[2]. Nedskrift Arne Bjørndal 1934 (B 933). Fystro hadde slåtten frå Ulrik Jensestogun, og han att frå Bendik i Nøen.
- c: Stundo æ mi kjering go, etter Ola Okshovd, Øystre Slidre[3]. Nedskrift Arne Bjørndal 1912 (B 445)
- d: Stundo æ mi kjering go, etter Torleiv Bolstad, Øystre Slidre[4]. Nedskrift Sven Nyhus 1974. Bolstad lærte slåtten av Ola Okshovd, som bygde han ut noko.
- e: Stundo æ mi kjering go, etter Jørgen Husemoen, Nes i Hallingdal[5]. Nedskrift Sven Nyhus 1975.
- f: Søtepose, etter Nils Gjeldokk, Ål[6]. Nedskrift Sven Nyhus 1975. Gjeldokk lærte slåtten av Sevat Sataøen, Ål. Odd Bakkerud og Kristian Øvrevollseie nytta og denne forma.
Fotnotar[endre | endre wikiteksten]
- ↑ [1][daud lenkje]
- ↑ [2][daud lenkje]
- ↑ [3][daud lenkje]
- ↑ [4][daud lenkje]
- ↑ [5][daud lenkje]
- ↑ [6][daud lenkje]