Suluøyane
| Suluøyane | |||
| øygruppe | |||
 Frå Basilan | |||
| Land |  Filippinane | ||
|---|---|---|---|
 Suluøyane 6°N 121°E / 6°N 121°E | |||
| Wikimedia Commons: Sulu Archipelago | |||
Suluøyane er ei øygruppe som høyrer til Filippinane, med Basilan og Sulu som dei to største øyane. Øyane ligg like sør for Suluhavet og nord for Celebeshavet.[1] Dei er ein del av den større øygruppa Mindanao, og omfattar provinsane Basilan, Sulu og Tawi-Tawi. Øygruppa blir derfor av og til omtalt som Basulta, avleidd frå fyrstestaving til kvart provinsnamn. Det totale arealet til øygruppa er på 3 861 kvadratkilometer.
Øyane er danna av ein undervassrygg som er blitt løfta opp gjennom vipping av ei jordskorpeplate.[2][3] Basilan, Jolo, Tawitawi og andre øyar i gruppa er utdøydde vulkanar frå sørdelen av ryggen. Øyrekkja dannar ei viktig migrasjonsrute for fuglar.
Fram til 1917 utgjorde Suluøyane eit sjølvstendig sultanat, Sultanatet Sulu, som på 1700-talet også kontrollerte den større øya Palawan i nord, nordaustlege delar av Borneo og Zamboangahalvøya på Mindanao.
Dei største kommunane i området ligg på øya Jolo. Urfolksgrupper på øyane er tausugfolk og ulike grupper samalfolk (eller samafolk). Tausug er eit utbreidd språk i øygruppa, både som fyrste- og andrespråk. Yakan er eit utbreidd språk på Basilan. Det blir også tala fleire dialektar av sinama i heile øygruppa, frå Tawi-Tawi-øyane til Mapun-øyane, kysten av Mindanao og vidare.
Geografi
[endre | endre wikiteksten]
Øygruppa kan delast inn i fleire mindre grupper, for det meste rundt hovudøyane Basilan, Jolo og Tawi-Tawi. Det finst også andre grupper.
Basilangruppa[endre | endre wikiteksten]Jologruppa[endre | endre wikiteksten]Keenapusangruppa[endre | endre wikiteksten]Laparangruppa[endre | endre wikiteksten]
Pangutarangruppa[endre | endre wikiteksten]
|
Sibutugruppa[endre | endre wikiteksten]Tapulgruppa[endre | endre wikiteksten]Tawi-Tawi-gruppa[endre | endre wikiteksten]Andre[endre | endre wikiteksten] |
Kjelder
[endre | endre wikiteksten]- ↑ C.Michael Hogan. 2011. "Celebes Sea". I P. Saundry & C. J. Cleveland (red.). Encyclopedia of Earth. National Council for Science and the Environment. Washington, D.C.
- ↑ Scott, William Henry (1984). «1. Archeology». Prehispanic Source Materials for the Study of Philippine History. Quezon City: New Day. ISBN 971-10-0227-2.
- ↑ Wernstedt, Frederick L.; Spencer, Joseph Earle (1967). The Philippine Island world: a physical, cultural, and regional geography. University of California Press. s. 37. ISBN 978-0-520-03513-3.
- Denne artikkelen bygger på «Suluøyene» frå Wikipedia på bokmål, den 28. juli 2022.
- Denne artikkelen bygger på «Sulu Archipelago» frå Wikipedia på engelsk, den 28. juli 2022.