Summasjonsforsterkar

Summasjonsforsterkar er ein forsterkar som summerer spenningane på inngangane. Det kan vera to eller fleire inngangar. Summasjonsforsterkar er som oftast bygd kring ein operasjonsforsterkar og blir nytta som byggeklossar i ei rekkje ulike krinsar.

Summasjonsforsterkar med to inngangar

Summasjonsforsterkar med to inngangar.

Den inverterande inngangen ligg på virtual jord, så $I_{1}=u_{1}/R_{1}$ og $I_{2}=u_{2}/R_{2}$. På grunn av at inngangsimpedansen til operasjonsforsterkaren er svært stor vil summen av $i_{1}$ og $i_{1}$, $i_{T}$, gå gjennom tilbakakoplingsmotstanden $R_{f}$. Utgangsspenninga blir da

$u_{o}=R_{f}i_{f}=-R_{f}i_{T}=-R_{f}(i_{1}+i_{2})$ $=-R_{f}\left({\frac {u_{1}}{R_{1}}}+{\frac {u_{2}}{R_{2}}}\right).$

Minusteiknet syner at forsterkaren er inverterande. Dei to inngangsspenningane kan vektast ulikt ved å velja ulike verdiar på motstandane.

Summasjonsforsterkar med N inngangar

Summasjonsforsterkar med N inngangar.

Ein summasjonsforsterkar kan ha eit vilkårleg tal med inngangar. Analysen fylgjer same mønster som når det er berre to inngangar. Utgangsspenninga kan uttrykkast

$u_{o}=-R_{f}\left({\frac {u_{1}}{R_{1}}}+{\frac {u_{2}}{R_{2}}}+\ldots +{\frac {u_{N}}{R_{N}}}\right).$

Dei N inngangsspenningane kan vektast ulikt ved å velja ulike verdiar på dei N motstandane på inngangane, noko som kan utnyttast til dømes i samband med krinsar som nyttar totalssystemet.

Subtraktor

Om ein ynskjer å subtrahera spenninga(ne) på ein eller fleire av inngangane frå dei andre kan ein invertera spenninga(ne) før dei går til summasjonsforsterkaren, ved hjelp av inverterande forsterkarar.