Svanhild

Markgrevinne Swanhilde eller Swanhilt av Austerrike.

Svanhild er eit kvinnenamn av norrønt opphav, sett saman av svanr, 'svane', og hildr, 'kamp'. Det finst også i andre germanske språkområde som til dømes Schwanhild, Swanhilda og Swanhilde.

Svanhild har norsk namnedag den 13. februar.

Andre former av namnet er Svanhilda, Svanhilde og Sunilda. Den norrøne forma av namnet var Svanhildr. Den islandske forma er Svanhildur, med kortforma Svana. Schwanhild og Swanhild er nokre tyske former.

Bruk

Namnet har vore i bruk i Noreg på heile 1900-talet, med ein topp rundt 1930, då opptil 0,4 % av jentebarn kunne få namnet. Det var 2 702 norske kvinner som heitte Svanhild i 2009.

Kjende namneberarar

• Swanachild eller Swanahild av agilulfingarane, kona til frankarkongen Karl Martell som levde på 700-talet
• Swanhilde av Ungarnmark (d. 1120), austerriksk markgrevinne gift med markgreve Ernst av Austerrike
• Svanhild Øysteinsdotter (Svanhildi Eysteinsdóttir), kona til Harald Hårfagre som levde på 800-talet
• Svanhild Hartvigsen (fødd Hansen, 1929-2010), «Ørnejenta» som skal ha blitt teken i ørnerovet på Leka i 1932
• Svanhild Sponberg, norsk handballspelar

I kulturen

Svanhild var dottera til helten Sigurd og Gudrun i Völsungasagaen.

Swanhilda er hovudrollen i balletten Coppélia, opphavleg dansa av Giuseppina Bozzachi og koreografert av Arthur Saint-Léon.

Sjå òg

• Galeasen «Svanhild»

Kjelder

• Søk etter norsk namnestatistikk for Svanhild hjå Statistisk Sentralbyrå
• Internasjonal namnestatistikk for Swanhild på behindthename.com

---

• Delar av denne artikkelen bygger på «Svanhild» frå Wikipedia på bokmål, og «Svanhild» frå Wikipedia på engelsk den 14. februar 2009.