Svartryggspett

Frå Wikipedia – det frie oppslagsverket
Hopp til navigering Hopp til søk
Svartryggspett
Svartryggspetthann
Svartryggspetthann
Svartryggspetthoe
Svartryggspetthoe
Utbreiing og status
Status i verda: LC LivskraftigUtbreiinga av Svartryggspett
Utbreiinga av Svartryggspett
Systematikk
Rike: Dyr Animalia
Rekkje: Ryggstrengdyr Chordata
Underrekkje: Virveldyr Vertebrata
Klasse: Fuglar Aves
Orden: Spettefuglar Piciformes
Familie: Spettefamilien Picidae
Slekt: Picoides
Art: Svartryggspett P. arcticus
Vitskapleg namn
Picoides arcticus

Svartryggspett (Picoides arcticus) er ein mellomstor hakkespett som lever i skogar i Nord-Amerika.

Skildring[endre | endre wikiteksten]

Fuglen blir kring 23 cm lang. Fjørdrakten på vaksne dyr er svart på hovudet, ryggen, vengene og enden. Dei er kvite frå strupa til magen, medan sidene er svarte med kvite striper. Stjerten er svart med kvite ytterfjører. Svartryggspett har ein viss kjønnsdimorfisme i fjørdrakten, der vaksne hannar har ei gul hette.

Til skilnad frå alle andre hakkespettar, bortsett frå granspett og tretåspett, har svartryggspett tre tær på kvar fot.

Leveområde og levevis[endre | endre wikiteksten]

Svartryggspettar hekkar i taigaskog i Canada, Alaska, Nordvest-USA og nordlege Wisconsin,[1] Minnesota,[2] og Den øvre Michigan-halvøya.[3] Arten er ein spesialist på brende skogsområde, der han et biller som lever på nyleg brende tre.[4] Dei viktigaste billeslaga for spetten er biller frå familiane Cerambycidae og Buprestidae, slekta Ips og Dendroctonus ponderosae. Dei finn det meste av føda ved hjelp av hakking i tre, men kan også plukka henne av greiner.

Fuglane lagar reir i april og mai. Kvart år hakkar dei ut eit nytt reir ii eit dødt tre. Gamle reir kan brukast til reir av andre fuglar. Svartryggspetthoa legg tre eller fire egg. Foreldra byttar på å ruga på egga, men hannen rugar alltid om natta. Begge foreldra mater ungane, som blir flygedyktige i løpet av rundt 24 dagar.

Lætet til fuglen er eit enkelt, skarpt «pik». Det har lågare tone enn lætet til granspett.

Kjelder[endre | endre wikiteksten]

  1. ebird. «eBird Range Map--Black-backed Woodpecker». ebird.org (på engelsk). Henta 10. juli 2017. 
  2. «Minnesota Breeding Bird Map List: Minnesota DNR». www.dnr.state.mn.us (på engelsk). Henta 10. juli 2017. 
  3. «TaxonomicListing». www.mibirdatlas.org (på engelsk). Henta 10. juli 2017. 
  4. Woodpecker knows
  • Dixon, Rita D., and Victoria A. Saab. (2000). Black-backed woodpecker (Picoides arcticus), The Birds of North America Online (A. Poole, Ed.). Ithaca: Cornell Lab of Ornithology; frå Birds of North America Online
  • National Geographic's Field Guide to the Birds of North America, 3. utg., om tonen til lætet

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Svartryggspett
Wikispecies
Wikispecies har taksonomisk informasjon om Picoides arcticus