Svein Alsaker

Svein Alsaker
	Svein Alsaker
	; Svein Alsaker Foto: Nina Aldin Thune
Fødd	11. mars 1940 (84 år); Bergen
Statsborgar av	Noreg
Parti	Kristeleg Folkeparti
Yrke	politikar, dommar, friidrettsutøvar
Utdanna ved	Universitetet i Oslo; Bergen Handelsgymnasium
Alle verv	vararepresentant til Stortinget (1977–1981); vararepresentant til Stortinget (1981–1985); stortingsrepresentant (1985–1989); stortingsrepresentant (1989–1993); stortingsrepresentant (fast møtande vararepresentant, 1983–1985); fylkesmann i Hordaland (1998–2010); fylkesmann i Finnmark (1993–1998) ;

Svein Alsaker (fødd 11. mars 1940 i Bergen) er ein norsk offentleg tenestemann, jurist og politikar for KrF. Han vart vald inn på Stortinget frå Hordaland i 1985, og der sat han til 1993. Før det hadde han vore vararepresentant i periodane 1977–1981 og 1981–1985 og møtt fast som representant frå 1983 til 1985 for Asbjørn Haugstvedt. På Stortinget sat han mellom anna i Energi- og industrikomiteen, Finanskomiteen og Justiskomiteen, i tillegg til at han i perioden 1989–1993 var parlamentarisk nestleiar for KrF.

Av utdanning har han Bergen Handelsgymnasium frå 1959, i tillegg til at han er utdanna jurist (cand. jur.) frå Universitetet i Oslo (1964). Før han vart politikar arbeidde han mellom anna som dommarfullmektig i Hammerfest (1965–1966), politifullmektig i Vest-Finnmark (1966–1968) og Bergen (1968–1975) og statsadvokat og leiar for påtalemakta i Bergen og Hordaland (1975–1981). Han har også undervist i straffeprosess ved Universitetet i Bergen. Alsaker var fylkesmann i Finnmark frå 1993 til 1998 og fylkesmann i Hordaland frå 1998 til 2010.

Han har også sete i fleire styre, mellom anna i NSB, Statskog og Statens Landbruksbank. Som ung var Svein Alsaker med på det norske landslaget i friidrett.

Kjelder[endre | endre wikiteksten]

Knut Olav Åmås [red.]: «Alsaker, Svein» i Hvem er hvem? (Aschehoug, 2008)
Biografi på Stortinget.no