Svein Nestegard

Frå Wikipedia – det frie oppslagsverket
Svein Nestegard
Fødd 21. mai 1879
Død

27. desember 1962 (83 år)

Svein Olsson Nestegard (21. mai 187927. desember 1962) var ein norsk kjøpmann, gardbrukar og nynorskmann frå Hol i Hallingdal.

Nestegard var i yngre år butikkmann i Torpo. Frå 1909 til -18 var han styrar av Hol spareforening (handelslag), seinare styrte han Hagafoss Handel frå 1927 til 1954, ei handelsverksemd han var deleigar i. Jamsides dreiv han farsgarden.

Nestegard gjekk i sit tid ein vinter på Voss folkehøgskule. Han var sidan formann i både ungdomslag og fråhaldslag i heimbygda. Dessutan var han både skipar og formann i Hol mållag og i Buskerud mållag , og i fleire år styremedlem i Noregs Mållag. Nestegard var venstremann, i mange valperiodar aktivt med i kommunestyret og formannskapet i Hol, og jamvel formann i jordstyret og fjellstyret i Hol herad.

Kjelder[endre | endre wikiteksten]