Sylvia Burka

Frå Wikipedia – det frie oppslagsverket
Hopp til navigering Hopp til søk
Sylvia Burka
Sylvia Burka 1977.jpg
Fødd 4. mai 1954
Winnipeg
Yrke sykkelryttar, skøyteløpar
Sylvia Burka på Commons

Sylvia Burka (fødd 4. mai 1954) er ein kanadisk tidlegare skeiseløpar og syklist frå Winnipeg i Manitoba som vart verdsmeister på skeiser i firkamp i 1976 og i sprint i 1977.

Skeiser[endre | endre wikiteksten]

Burka debuterte i skeise-VM så tidleg som i 1970, knappe 16 år gammal. I 1973 gjekk ho til topps i verdsmeisterskapen for juniorar. OL-sesongen 1976 skreid ho inn til fjerdeplass på 1000 m under vinterleikane i Innsbruck. Vel ei veke seinare overraska ho med å vinne Skeise-VM 1976Gjøvik stadion, før ho så tok bronsen i Sprint-VM i Vest-Berlin. Året etter vann Burka ein suveren siger då Sprint-VM 1977 fann stad i Assen i Nederland. I 1979 sikra seg ho seg bronseplassen ved skeise-VM i Haag. Då OL-sesongen 1980 var over, la ho opp.

Sykling[endre | endre wikiteksten]

Burka vann 12 nasjonale meistertitlar i ulike sykkeløvingar, mellom anna vart ho kanadisk meister landevegssykling i 1977, 1978 og 1980.

Kjelder[endre | endre wikiteksten]