Tadeusz Ślusarski

Tadeusz Ślusarski
Statsborgarskap	Polen
Fødd	19. mai 1950 Żary
Død	17. august 1998 (48 år) Gmina Przybiernów
Idrett	friidrett
Tok del i	Sommar-OL 1980, Sommar-OL 1976
Utmerkingar	ridder av ordenen Polonia Restituta, Fortjenstkorset i gull, offiser av Ordenen Polonia Restituta, Odznaka „Zasłużony Mistrz Sportu”

Tadeusz Ślusarski (19. mai 1950–17. august 1998) var ein polsk friidrettsutøvar frå Żary som deltok i stavhopp. Han vart olympisk meister i øvinga i 1976, og fekk OL-sølv fire år seinare.

Aktiv

I 1972 forbetra Ślusarski den polske rekorden i stavhopp til 5,31 m. Under sommar-OL 1972 var han ein av dei fire finalistane som ikkje klarde opningshøgda, og dermed kom på delt 11. plass.

Ślusarski var største favoritten til å ta EM-gull i Roma 1974, ettersom han i juni månad hadde sett polsk rekord med 5,42 meter, det nest beste stavhoppet i verda gjennom heile sesongen. Men i finalen mislukkast han i å ta seg over 5,30 m, og kom på ein delt sjuandeplass.

Ślusarski vart olympisk gullmedaljør i stavhopp under OL 1976 i Montreal. Han hoppa 5,50 meter, same høgda som sølvmedaljøren Antti Kalliomäki frå Finland og bronsemedaljevinnaren David Roberts frå USA presterte. Fire år seinare, under OL 1980 i Moskva hoppa han 5,65 m i stavfinalen og kom på delt andreplass bak landsmannen og gullvinnaren Władysław Kozakiewicz, som sette ny verdsrekord med eit hopp på 5,78 m.

I sitt siste store meisterskap, den fyrste verdsmeisterskapen i friidrett i Helsingfors i 1983, vart Ślusarski nummer fire etter å ha gått over 5,55 meter.

Medaljar og plasseringar i internasjonale meisterskap

• OL 1972 i München: Nr 11
• EM 1974 i Roma: Nr 7 – 5,20 m
• OL 1976 i Montreal: Gullmedalje – 5,50 m, framom Antti Kalliomäki (5,50 m)
• OL 1980 i Moskva: Sølvmedalje – 5,65 m, delt med Konstantin Volkov
• VM 1983 i Helsingfors: Nr 4 – 5,55m

Ślusarski omkom i ei bilulukke saman med gullmedaljøren i kulestøyt frå OL 1972, landsmannen Władysław Komar.

Kjelder

• Denne artikkelen bygger på «Tadeusz Ślusarski» frå Wikipedia på tysk, den 3. september 2014.