Tagaq
| Tagaq | |||
 | |||
| Fødd | 5. mai 1975 (48 år) | ||
|---|---|---|---|
| Fødestad | Cambridge Bay | ||
| Fødenamn | Tanya Tagaq Gillis | ||
| Alias | Tagaq | ||
| Opphav | Canada | ||
| Aktiv | 2002– | ||
| Sjanger | a cappella, folkemusikk | ||
| Instrument | vokal | ||
| Plateselskap | Jericho Beach Music | ||
| Verka som | songar, strupesanger, biletkunstnar, musikar | ||
| Prisar | Juno Award for Indigenous Artist or Group of the Year, æresdoktor ved université Laval, Indigenous Voices Awards, medlem av Order of Canada, Polaris Music Prize | ||
Tanya Tagaq Gillis, kjend som Tagaq, er ein strupesongar og forfattar av inuittisk opphav. Ho kjem frå Cambridge Bay (Iqaluktuutiaq) i Nunavut i Canada.[1]
Ho gav ut debutromanen sin Split Tooth i 2018.[2]
Bakgrunn[endre | endre wikiteksten]
Då ho var 15, etter skulegang i Cambridge Bay, drog Tagaq til Yellowknife i Nordvestterritoria for å gå på Sir John Franklin High School. Det var her ho fyrst byrja å utøva strupesong. Som dei fleste andre studentane frå sentrale Arktis budde Taqaq i Akaitcho Hall, internatet til skulen. Ho studerte seinare biletkunst ved Nova Scotia College of Art and Design, og medan ho var der utvikla ho si eiga soloform av inuittisk strupesong, som vanlegvis blir framført av to kvinner.[3] Avgjerda om å synga solo var pragmatisk – ho hadde ikkje ein songpartnar.[4]
Karriere[endre | endre wikiteksten]
Tagaq var ein populær utøvar ved kanadiske folkemusikkfestivalar, som Folk on the Rocks i 2005.[5] Ho blei vidt kjend både i Canada og internasjonalt for samarbeida sine med Björk, som omfatta konsertturnear og albumet Medúlla frå 2004. Ho har også opptredd med Kronos Quartet og Shooglenifty, og har vore på Aboriginal Peoples Television Network. Sjølv om ho er kjend som songar, er Tagaq også kjend som ein dyktig biletkunstnar. Eit verk av henne blei brukt på telefonkatalogen til Northwestel frå 2003.[6]
I 2005 gav Taqa ut sin fyrste CD, Sinaa (inuktitut for 'kant'). Denne blei nominert til fem prisar ved Canadian Aboriginal Music Awards. Under utdelinga 25. oktober 2005 vann CD-en prisar for Best Producer/Engineer og Best Album Design, medan Tagaq sjølv vann prisen for beste kvinnelege artist. Sinaa blei også nominert til Juno Awards 2006 som Best Aboriginal Recording.[7]
Prisar og utmerkingar[endre | endre wikiteksten]
I 2014 vann ho Polaris Music Prize for albumet sitt Animism, og Canadian Folk Music sin Pushing the Boundaries Award. I 2015 vann ho Juno-prisen Aboriginal Recording of the Year for Animism. I desember 2016 blei ho utnemnd til Member of the Order of Canada.[8]
I 2019 vann ho Indigenous Voices Award for prosa gjeven ut på engelsk for Split Tooth.[9]
Diskografi[endre | endre wikiteksten]
- Sinaa (2005)
- Auk/Blood (2008)
- Anuraaqtuq (2011)
- Animism (2014)
- Retribution (2016)
- Toothsayer (EP, 2019)
- Tongues (2022)
Kjelder[endre | endre wikiteksten]
- ↑ "Tanya Tagaq Gillis" Centre for Contemporary Canadian Art-Centre de l'art contemporain canadien, henta 10. desember 2012
- ↑ van Koeverden, Jane (3. mai 2018). «Polaris Prize-winning musician Tanya Tagaq is publishing her first book». CBC Books. Henta 26. juni 2019.
- ↑ Khanna, Vish."Tanya Tagaq Takes it Back", Exclaim!, september 2008.
- ↑ «Tanya Tagaq Takes Flight | Herizons Magazine». www.herizons.ca (på engelsk). Henta 21. oktober 2017.
- ↑ «Performers from 2005». Arkivert frå originalen 2. mai 2009. Henta 26. juni 2019.
- ↑ «Directory Cover Art». Arkivert frå originalen 26. juni 2019. Henta 26. juni 2019.
- ↑ Aboriginal Recording of the Year Nominee
- ↑ Starr, Katharine (30. desember 2016). «Order of Canada's newest appointees include Paralympian, Supreme Court judge and astrophysicist». CBC News. Henta June 26, 2019.
- ↑ «Tanya Tagaq and seven other writers take home prizes at Indigenous Voices Awards». CTVNews (på engelsk). 6. juni 2019. Henta 7. desember 2020.
- Denne artikkelen bygger på «Tagaq» frå Wikipedia på svensk, og «Tagaq» frå Wikipedia på dansk den 26. september 2022.
- Denne artikkelen bygger på «Tanya Tagaq» frå Wikipedia på engelsk, den 26. september 2022.