Taisija Tsjentsjyk

Frå Wikipedia – det frie oppslagsverket
Hopp til navigering Hopp til søk
Taisija Tsjentsjyk
Taisia Chenchik 1959.jpg
Fødd 30. januar 1936
Pryluky
Død

19. november 2013
Tsjeljabinsk

Yrke friidrettsutøvar
Taisija Tsjentsjyk på Commons

Taisija Filippovna Tsjentsjik[a] (30. januar 193619. november 2013) var ein høgdehoppar frå Pryluky i Ukraina som tevla for Sovjetunionen. Ho vart europameister i høgdehopp i 1966 og tok OL-bronse i same øvinga i 1964.

Aktiv[endre | endre wikiteksten]

Tsjentsjik vart sovjetmeister i høgdehopp i 1957, 1958 og 1959. Under europameisterskapen 1958 i Stockholm vann ho sølvmedaljen med 1,70 meter, sju centimeter bak den suverene Iolanda Balaș frå Romania. I 1959 sette Tsjentsjik ny personleg rekord med 1,78 meter. Ho vart nummer fem i høgdetevlinga under sommarleikane i Roma med 1,68 meter.

I 1962 enda ho på sjetteplassen i europameisterskapen 1962 i Beograd med 1,64 meter. Året etter vann høgdehopptevlinga i universiaden i Porto Alegre med 1,72 meter. Under dei olympiske leikane 1964 i Tokyo tangerte ho sin personlege rekord på 1,78 meter og vann OL-bronsen, der Iolanda Balaș for fjerde gong på rad vann ein suveren siger i dei store meisterskapane. Same sesongen vart ho sovjetisk meister i øvinga for fjerde og siste gong.

Høgdepunktet for høgdehopparen Tsjentsjik kom i europameisterskapen 1966 i Budapest, der Balaș ikkje stilte til start. Tsjentsjik vann med 1,75 meter, medan landslagskollega Ljudmila Komleva tok sølv med 1,73 m. I 1967 vart Tsjentsjik europeisk innandørmeister i Sofia ved å gå over 1,76 meter.

Merknadar[endre | endre wikiteksten]

  1. Russisk skrift Таисия Филипповна Ченчик

Kjelder[endre | endre wikiteksten]