Take Me as I Am
| «Take Me as I Am» Song av Tornike Kipiani | ||
| Land | Georgia | |
| Språk | Engelsk | |
| Utgjeve | 30. januar 2020 | |
| Sjanger | Rock, elektro | |
| Lengd | 02:53 | |
| Selskap | Universal Music Denmark | |
| Låtskrivar(ar) | Tornike Kipiani, Aleko Berdzenishvili | |
|---|---|---|
«Take Me as I Am» (norsk omsetjing: ta meg som eg er) er ein song frå 2020 som vert framført av den georgiske songaren Tornike Kipiani. Songen skulle vore det georgiske bidraget til Eurovision Song Contest 2020 i Rotterdam i Nederland,[1] men tevlinga vart avlyst på grunn av koronavirusutbrotet i Europa vinteren 2020.[2]
Om songen[endre | endre wikiteksten]
Etter å ha vunne den georgiske versjonen av Idol, vart Kipiani vald til å representere Georgia i Eurovision Song Contest 2020. Songen var internt vald av Georgias offentlege kringkasting. Ein liten del av songen vart offentleggjord 2. mars 2020, medan songen i sin heilskap vart sloppen dagen etter.[3][4][5] Musikkvideoen til songen vart regissert av Temo Kvirkvelia.[6]
«Take Me as I Am» vart skriven av Kipiani sjølv, medan Aleko Berdzenishvili produserte den. Artisten sjølv skildra låten som ein «blanding av rock, dubstep og elektronika».[1][3]
Teksta handlar om presset eg-personen følar ved å samanlikna seg med andre nasjonalitetar. Han vert beden om å «snakka som ein engelskmann», «kle seg som ein italienar», «dansa som ein spanjol», «lukte som eit fransk homme» og «spele som ein tyskar». Trass presset, er eg-personen fast bestemd på å bli verande tru mot seg sjølv og at folk skal ta han som han er, i tråd med tittelen på songen. Songteksta er engelsk, men har òg frasen «eg elskar deg» på ulike europeiske språk.[6]
I januar 2020 vart Georgia trekt til å delta i den andre semifinalen av Eurovision Song Contest. Semifinalen skulle ha vore arrangert i Rotterdam Ahoy i Rotterdam i Nederland torsdag 14. mai.[7] På grunn av koronavirusutbrotet i Europa vinteren 2020 vedtok EBU å avlyse Eurovision Song Contest for å hindra spreiing av koronaviruset SARS-CoV-2 og den medfølgjande sjukdomen covid-19.[8] Songen fekk dimed aldri delteke i Eurovision Song Contest.
Referansar[endre | endre wikiteksten]
- ↑ 1,0 1,1 «Georgia: Tornike To Perform 'Take Me As I Am' At Eurovision» (på engelsk). 30. januar 2020. Henta 31. januar 2020.
- ↑ Svendsen, Maiken (18. mars 2020). «Eurovision Song Contest avlyst» (på norsk bokmål). Henta 19. mars 2020.
- ↑ 3,0 3,1 «Take Tornike as he is: new details emerge about Georgia’s Eurovision 2020 entry». www.escyounited.com. 30. januar 2020. Henta 11. februar 2020.
- ↑ «Georgia releases Tornike Kipiani’s song ‘Take Me As I Am’». eurovision.tv. 3. mars 2020. Henta 3. mars 2020.
- ↑ «Georgia: "Take Me As I Am" Music Video Released» (på engelsk). 3. mars 2020. Henta 3. mars 2020.
- ↑ 6,0 6,1 «Georgia: Tornike Kipiani releases Eurovision 2020 entry "Take Me As I Am"» (på engelsk). 3. mars 2020. Henta 3. mars 2020.
- ↑ «Second Semi-Final of Rotterdam 2020». eurovision.tv. Henta 21. februar 2020.
- ↑ Svendsen, Maiken (18. mars 2020). «Eurovision Song Contest avlyst» (på norsk bokmål). Henta 20. mars 2020.
- Denne artikkelen bygger på «Take Me As I Am» frå Wikipedia på bokmål, den 2. desember 2021.