Taklevatnet

Taklevatnet
innsjø
Land	Noreg
Fylke	Vestland
Kommune	Gulen
Utløp	Midttakleelva
Nedslagsfelt	3,07 km²
Høgd over havet	291.5 moh.
Areal	0,58 km²
Koordinatar	61°00′22″N 05°23′23″E
Taklevatnet 61.00611115°N 5.38972187°E / 61.00611115; 5.38972187

Taklevatnet er ein innsjø i Gulen kommune i Vestland. Den ligg på 291,5 moh. Vatnet har eit areal på 0,58 km² og drenerer eit nedbørfelt på 3,07 km². Taklevatnet er regulert og er hovudmagasin for Takle kraftverk. Høgaste regulerte vasstand er 294,2 meter over havet, og lågaste regulerte vasstand er 288,4 moh. Magasinvolumet er 3,5 millionar m³.

Vatnet er blant dei største innsjøane i Gulen kommune. Det er omgjeve av bjørkeskog og lynghei. Dei grunnaste partia ligg i sørenden, og her fanst dei beste fiskeplassane i tida før vatnet vart regulert i 1942. Før utbygginga hadde vatnet òg ei strandsone med grus og sand, men denne er vorte vaska bort etter at vatnet har vore regulert i så lang tid.

Fiske

Før Takle kraftverk vart bygd i 1942 hadde Taklevatnet eit godt aurefiske, men etter reguleringa har fisket gått gradvis tilbake. Det siste året det vart rapportert fiskefangst var i 1985, og i 1990 vart vatnet rekna for fisketomt. Ei viktig årsak er at reguleringa har hindra fisken i å kome seg fram til gytebekkane. I tillegg til effekten av reguleringa meiner ein òg at sur nedbør har bidrege til at aurebestanden er borte.

I seinare år har det vore sett ut fisk i vatnet, men enno i 2004 var tettleiken av aure relativt låg.