Tatabánya

Tatabánya
Flagget til Tatabánya Byvåpenet til Tatabánya
Plassering
Styresmakter
Land Region Megye	Ungarn Sentral-Transdanubia Komárom-Esztergom
Oppretta	1947 frå fire landsbyar
Geografi
Flatevidd  - By	91,42 km²
Innbyggjarar  - By (2012)    - folketettleik	70 003   765,73/km²
Koordinatar	47°34′30″N 18°24′30″E
Høgd over havet	230 m
Tidssone - Ved sommartid	CET (UTC+1) CEST (UTC+2)
Diverse annan informasjon
Postnummer	2800
Telefon-retningsnummer	34
Heimeside: www.tatabanya.hu

Tatabánya er ein by nordvest i Ungarn, og fylkeshovudstad i fylket Komárom-Esztergom, som ligg aust i landet. Han har om lag 70 000 innbyggjarar.

Historie

Arkeologiske funn har vist at det har vore folk i området sidan steinalderen. Tre landsbyar låg her før Tatabánya: Alsógalla, Felsőgalla og Bánhida. Bánhida er den tidlegaste av desse og vart først nemnd i 1288.

På 1500-talet erobra osmanarane området. På denne tida vart innbyggjarane protestantar. Seinare flytta dei føydale herrane, Huset Esterházy, inn romersk-katolske tyskarar og slovakarar til byen.

I ei folketeljing i 1787 hadde Alsógalla 580 innbyggjarar og Felsőgalla 842. Kol vart oppdaga i området på denne tida og folketalet auka og ein ny busetnad vart danna, som utvikla seg til landsbyen Tatabánya.

Under industrialiseringa etter den andre verdskrigen utvikla fleire ungarske småbyar seg til store industribyar. Dei fire landsbyane vart slått saman 1. oktober 1947 under namnet Tatabánya og han fekk bystatus. I 1950 vart han fylkeshovudstad i Komárom-Esztergom og i 1980-åra hadde han alt meir enn 80 000 innbyggjarar.

Etter den sosialistiske regjeringa sitt fall og dei politiske endringane i 1989 vart tungindustrien og gruvedrifta mindre viktig og den økonomiske strukturen i byen endra seg markant.

Kjelder

• Denne artikkelen bygger på «Tatabánya» frå Wikipedia på engelsk, den 27. september 2007.

Bakgrunnsstoff

Commons har multimedium som gjeld: Tatabánya