Tatjana Averina

Frå Wikipedia – det frie oppslagsverket
Hopp til navigering Hopp til søk
Tatjana Averina

Tatyana Averina 1979.jpg

Statsborgarskap Sovjetunionen, Russland
Fødd 25. juni 1950
Nizjnij Novgorod
Død

22. august 2001
Moskva

Idrett lengdeløp på skeiser
Yrke skøyteløpar

Tatjana Borisovna Averina (25. juni 195022. august 2001) var ein russisk skeiseløpar frå Gorkij som representerte Sovjetunionen. Ho vart olympisk mester på 1000 meter og 3 000 meter under Vinter-OL 1976 i Innsbruck og verdsmeister i firkamp 1978 i Helsinki. Gift med skeiseløparen Aleksandr Barabasj.

Averina deltok internasjonalt frå 1970 og vart nummer tre i Skeise-EM 1971. Både i 1974, 1975 og 1976 kom ho på andreplass i den årlege verdsmeisterskapen i firkamp, slått av høvesvis Atje Keulen-Deelstra frå Nederland, Karin Kessow frå Aust-Tyskland og Sylvia Burka frå Canada. På tampen av 1974-sesongen sette Averina verdsrekord både 1500 m og 1000 m på Medeo-bana i Kasakhstan, rekordar ho forbetra fleire gongar på same bana nær eitt år seinare. Ho forbetra då også 500-meterrekorden, sist til 41,06 sekundar.

Averina på eit russisk frimerke frå 2013

Under dei olympiske vinterleikane 1976 i Innsbruck opna Averina med å vinne bronsemedaljen på 1500 m, for deretter å sikre seg bronse nummer to på 500-meteren. Sidan vann ho gullmedaljen på 1000 m, før ho avslutta medaljehausten gjennom å vinne 3000 meter med minimal margin, fire og fem hundredels sekund framom sølv- og bronsemedaljørane, bronsen gjekk elles til Lisbeth Korsmo. I firkamp-VM 1978 i Helsinki vart Averina verdsmeister framom landskvinna Galina Stepanskaja. Averina deltok i Vinter-OL 1980, utan å utmerke seg.

Kjelder[endre | endre wikiteksten]