Te Kuiti

Frå Wikipedia – det frie oppslagsverket
Hopp til navigering Hopp til søk
Te Kuiti
by
Te kuiti nz.jpg
Te Kuiti sett frå sørvest, der State Highway 3 fører ut av byen.
Land Flag of New Zealand.svg New Zealand
Region Waikato
Distrikt Waitomo District Council
Folketal 4 419 (2006[1])

Te Kuiti
38°20′6″ S 175°9′54″ E
Wikimedia Commons: Te Kuiti

Te Kuiti er ein liten by sør i regionen WaikatoNordøyaNew Zealand. Han ligg i krysset mellom riksvegane State Highway 3 og 30, og ved jarnvegslinja North Island Main Trunk Railway, 70 km sør for Hamilton. Byen ligg i distriktet Waitomo og er sete for distriktsstyret, Waitomo District Council.

Ved folketeljinga i 2006 hadde byen eit innbyggjartal på 4 419, ein oppgang på 45 frå 2001[1]. Byen marknadsfører seg sjølv som «Verdas saueklipparhovudstad», og er tilskipar av den årlege newzealandske meisterskapen i saueklipping.[2]

Geografi[endre | endre wikiteksten]

Te Kuiti ligg om lag 80 km sør for Hamilton og 19 km søraust for Waitomo. Landområdet kring Te Kuiti, til vanleg kjent som King Country, har gjeve namnet til det lokale rugbylaget i Te Kuiti.

Historie[endre | endre wikiteksten]

Te Kuiti er maorinamnet på området. I si opphavlege form, «Te Kuititanga», tyder det bokstaveleg tala dalen, inneklemminga eller innsnevringa[3].

Turisme[endre | endre wikiteksten]

«Saueklipparhovudstaden» har verdas største saueklipparstatue, sju meter høg. Den nasjonale meisterskapen i saueklipping finn stad kvart år seint i mars eller tidleg i april[2].

Statue som markerer saueklippeverksemda i Te Kuiti.

Det rikt utskorne Te Tokanganui-A-Noho-møtehuset (marae) vart gjeve til den lokale maori-iwien Ngati Maniapoto av Te Kooti, ein kjend maorileiar, som vart gjeven ly her i 1864 under New Zealand-krigane.[2]

Den japanske hagen, Tatsuno, er også eit velkjent turistmål i byen. [4]

Geologi[endre | endre wikiteksten]

Avsetjingar frå kalkstein har danna grottesystemet Waitomo Caves, nordvest for byen. Grottene er eit av dei mest vitja turistmåla på New Zealand.

Referansar[endre | endre wikiteksten]

  1. 1,0 1,1 Frå folketeljinga 2006. Statistics New Zealand
  2. 2,0 2,1 2,2 L. Harper; T. Mudd; P. Whitfield; D. Hall (2006). Rough Guide to New Zealand. New York - London - Delhi: Rough Guides. s. 280. ISBN 1-84353-679-X. 
  3. [1] Te Ara Encyclopedia of New Zealand
  4. [2] vitja 12. mars 2009

Bakgrunnsstoff[endre | endre wikiteksten]

Koordinatar: 38°20.1′S 175°9.9′E