Teemu Keisteri
| Teemu Keisteri | |
.jpg) | |
| Statsborgarskap | Finland |
| Fødd | 22. august 1985 (39 år) Esbo |
| Yrke | biletkunstnar, DJ, videokunstner, gallerist, dansar |
| Språk | finsk, engelsk |
| Nettstad | https://www.teemukeisteri.net/ |
| Teemu Keisteri på Commons | |
Teemu Keisteri (fødd 22. august 1985 i Esbo) er ein finsk biletkunstnar og DJ som er kjend for karakteren sin Windows95man.[1][2] Som biletkunstnar fekk han heider i Finland for å skape karakteren Ukkeli i 2008.[1] Som DJ hentar hans kunstnariske stil og utsjånad inspirasjon frå slutten av 1990-talet, då operativsystemet Windows 95 blei produsert. Han representerte Finland i Eurovision Song Contest 2024 med songen «No Rules!», saman med Henri Piispanen.
Biografi
[endre | endre wikiteksten]Keisteri har studert fotografi ved Institute of Design i Lahtis. Han har fortald at han i studietida lærte at han er meir biletkunstnar enn fotograf.[3] Han er også kjend som videokunstnar, dansar og DJ. Keisteri har sitt eige kunstgalleri kalla Kalleria i Berghäll i Helsingfors.[2]
I 2024 deltok Keisteri, som karakteren Windows95Man, saman med Henri Piispanen på vokal, i Uuden Musiikin Kilpailu, med songen «No Rules!».[4][5] Trass i at dei enda på sisteplass i juryavrøystinga, kom dei på fyrsteplass samanlagd med 313 poeng. Duoen blei dimed valde til å representere Finland i Eurovision Song Contest 2024 i Malmö.[6] Finland deltok i den fyrste semifinalen tysdag 7. mai.[7] Der enda dei på sjuandeplass og kvalifiserte seg til finalen laurdag 11. mai.[8][9] I finalen enda Windows95man og Piispanen på 19. plass med 38 poeng.[10][11]
Kjelder
[endre | endre wikiteksten]- ↑ 1,0 1,1 «Artist: Teemu Keisteri». Henta 17. januar 2024.
- ↑ 2,0 2,1 Ylitalo, Marko. «Tämä mies piirsi puistossa työttömänä ukkelin, tuli siitä maankuuluksi ja valloittaa nyt Japania Windows 95 -miehenä». Henta 17. januar 2024.
- ↑ Varpula, Salla. «Partioukkeli». Partio-lehti.
- ↑ Adams, William Lee. «Windows95man releases "No Rules" — his UMK 2024 song in Finland». Henta 17. januar 2024.
- ↑ «Onko Windows95manin artistinimi laiton? Näin kommentoi Yle». Henta 12. januar 2024.
- ↑ Stojanović, Nikola. «Windows95man Will Represent Finland At Eurovision 2024!». ESCBubble.
- ↑ «Eurovision 2024: Semi-Final Draw results». Eurovision Song Contest (på engelsk). European Broadcasting Union. 30. januar 2024. Henta 17. februar 2024.
- ↑ Ylipiessa, Maiju (8. mai 2024). «Suomen Windows95man etenee euroviisufinaaliin – tanssijat pelastivat pulasta kriittisellä hetkellä» [Finland's Windows95man advances to the Eurovision final - the dancers saved the day at a critical moment]. Aamulehti (på finsk). Henta 28. mai 2024.
- ↑ Vautrey, Jonathan (12. mai 2024). «Eurovision 2024 semi-finals: Detailed results show Croatia and Israel won each show». Wiwibloggs (på engelsk). Arkivert frå originalen 14. mai 2024. Henta 12. mai 2024.
- ↑ Määttänen, Jusso (12. mai 2024). «Sveitsi voitti Euroviisut, Suomi jäi sijalle 19 – Suomi antoi eniten yleisöpisteitä Israelille» [Switzerland won the Eurovision Song Contest, Finland came in 19th place - Finland gave the most audience points to Israel]. Aamulehti (på finsk). Henta 27. mai 2024.
- ↑ «Grand Final of Malmö 2024 - Finland Grand Final Results Allocation». Eurovision Song Contest. European Broadcasting Union. Henta 27. mai 2024.
- YouTube: Windows95man offisiell
- Keisteri, Teemu: History of Ukkeli, Khaos Publishing 2016. ISBN 9789526847818 . (på finsk)
- Beto Guzmán Abundes: Teemu Keisteri's Art World, Nordic Style Magazine 30.5.2016. Arkivert.
- Denne artikkelen bygger på «Teemu Keisteri» frå Wikipedia på bokmål, den 22. desember 2024.