Tenåringsidol

Frå Wikipedia – det frie oppslagsverket
Hopp til navigering Hopp til søk

Eit tenåringsidol er ein person som er eit idol for tenåringar, ofte ein ung person, men ikkje nødvendigvis lenger sjølv ein tenåring.[1] Ofte er eit tenåringsidol ein skodespelar eller ein popartist, men òg enkelte idrettsutøvarar kan vere tenåringsidol. Idolet kan vere populær hos berre tenåringar eller i alle aldersgrupper.

Tenåringsidol vert ofte omtalt i tenåringsmagasin som Topp.

Den store populariteten til Elvis Presley og James Dean i 1950-åra førte til at smarte reklamepersonar gjekk inn for å skape tenåringsidol, som Frankie Avalon. Elvis Presley starta karrieren sin med å spele hard rhythm and blues og jazza country før managerane hans endra stilen hans og han vart meir popaktig.

Tommy Steele, The Beatles og The Rolling Stones var tenåringsidol, særleg i starten av karrierane sine, men dei voks raskt ut av denne statusen, The Rolling Stones gjennom eit meir opprørsk image, og The Beatles gjennom meir utvikla musikk («vaksenmusikk»).

I 1980-åra vart musikkindustrien enno meir fokusert på å skape tenåringsidol. Med MTV i 1980-åra og boyband i 1990- og 2000-åra har fenomenet halde fram. The Backstreet Boys, N'Sync og Westlife er forholdsvis nye døme på dette .

Kjelder[endre | endre wikiteksten]

  1. Allmusic om tenåringsidol: [1][2]