Tereksnipe

Frå Wikipedia – det frie oppslagsverket
Hopp til navigering Hopp til søk
Tereksnipe

Status i verda: LC Livskraftig

Tereksnipe i Hong Kong Foto: CharlesLam
Tereksnipe i Hong Kong
Foto: CharlesLam
Systematikk
Rike: Animalia
Rekkje: Chordata
Klasse: Aves
Orden: Charadriiformes
Familie: Scolopacidae
Slekt: Xenus
Art: X. cinereus
Namn på andre språk
  • Engelsk: Terek Sandpiper
  • Vitskapleg namn
    Xenus cinereus
    Güldenstädt, 1775

    Tereksnipe (Xenus cinereus) er ein liten trekkjande vadefugl i snipefamilien, Scolopacidae, og den einaste medlemmen av slekta Xenus. Arten har hekkeutbreiing avgrensa til i palearktis og har fått namn etter elva Terek som renn ut vest i Kaspihavet, fordi arten først vart skildra rundt i dette området.[1] Slektsnamnet Xenus er frå gammalgresk 'xenos', «framandt», og cinereus er latin for «oskegrå» frå 'cinis' eller 'cineris', «oske».[2]

    Skildring[endre | endre wikiteksten]

    To tereksniper beitar saman med sibirvandresniper ved ei strand i Japan
    Foto: Wikimedia-brukar Alpsdake

    Mest karakteristisk for arten sin utsjånad er det lange oppbøygde nebbet, noko som gjev assosiasjon til avosettar. Tereksnipa er litt større enn ei strandsnipe, ca. 22-25 cm i kroppslengd. Som det vitskaplege namnet tilseier, har denne vadefuglen ein grå rygg, andlet og bryst i alle fjørdrakter; ei kvit augebrynstripe kan verka meir eller mindre tydeleg. Buken er kvitaktig og føtene gule, nebbet har ein gulaktig base, men er elles svart.

    Denne fuglen hekkar nær vatn på boreal taiga i Russland omtrent frå grensa mot Finland og Baltikum gjennom Sibir til aust for Kolymaelva nesten til byen Anadyr ved Beringhavet.[3] Det er òg eit mindre isolert hekkeområde lengst nordaust i Bottenvika.[4] Tereksnipene trekker sørover om vinteren til tropiske kystar i Aust-Afrika, Sør-Asia og Australia, vanlegvis føretrekte område med mudderbankar, sandstrender eller ved brakkvatn. Ho er ein sjeldan streiffugl i Vest-Europa. Ho blir òg registrert som streiffugl både i Nord-Amerika og i neotropisk område.[3]

    Tereksnipene beitar på ein særeigen og svært aktiv måte, jagar insekt og andre mobile byttedyr. Hekking skjer einskildvis eller i lause koloniar. Ho legg tre eller fire egg i eit sparsamt fôra reir på bakken.

    Med vid utbreiing og mange observasjonar, er tereksnipa ikkje rekna som ein truga art av IUCN, og storleiken på populasjonen er trudd å vere stabil.[5]

    Kjelder[endre | endre wikiteksten]

    Referansar
    1. Carnaby, Trevor (2009). Beat About the Bush Birds. Jacana Media. s. 77. ISBN 978-1-77009-241-9. Henta 5 June 2012. 
    2. Jobling, James A (2010). The Helm Dictionary of Scientific Bird Names. London: Christopher Helm. s. 107, 411. ISBN 978-1-4081-2501-4. 
    3. 3,0 3,1 Van Gils, J., Wiersma, P. & Kirwan, G.M. (2016). Terek Sandpiper (Xenus cinereus) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2016). Handbook of the Birds of the World Alive. Lynx Edicions, Barcelona. Henta den 12. august 2016
    4. Om tereksnäppans (Xenus cinereus) förekomst och skyddsmöjligheter i Lapplands län Lapplands miljöcentrals rapporter 6/2008, på finsk, samandrag på svensk
    5. BirdLife International (2016) Species factsheet: Xenus cinereus. Henta frå http://www.birdlife.org den 12. august 2016

    Bakgrunnsstoff[endre | endre wikiteksten]

    Commons-logo.svg Wikimedia Commons har multimedia som gjeld: Tereksnipe