The Cranberries
| The Cranberries | |||
 | |||
| Aktiv |
| ||
|---|---|---|---|
| Sjanger | alternativ rock, keltisk rock, dream pop, jangle pop, post-punk, rock, grunge-rock, indierock, new wave, folkrock, poprock, indiepop | ||
| Plateselskap | Island Records, Universal Music Group, Downtown Records, Cooking Vinyl, Interscope Records | ||
| Tidlegare medlemmer |
| ||
| Prisar | MTV Europe Music Award for Best Song, Juno Award for International Album of the Year | ||
The Cranberries er eit irsk rockeband som blei skipa i Limerick i 1989 av forsongaren Niall Quinn (seinare erstatta av Dolores O'Riordan), gitaristen Noel Hogan, bassisten Mike Hogan og trommeslagaren Fergal Lawler. Sjølv om dei særleg blir forbunde med alternativ rock, har gruppa òg inkorporert element frå indiepop, post-punk, irsk folkemusikk og pop rock i musikken.[2]
The Cranberries blei internasjonalt kjend i 1990-åra med debutalbumet Everybody Else I Doing It, So Why Can't We?, som blei ein stor kommersiell suksess. Gruppa har selt over 40 millionar album på verdsbasis. Ho har hatt fire album i topp 20 på Billboard 200-lista (Everybody Else I Doing It, So Why Can't We?; No Need to Argue, To the Faithful Departed og Bury the Hatchet)[3] og åtte topp 20-singlar på Modern Rock Tracks-lista («Linger», «Dreams», «Zombie», «Ode to My Family», «Ridiculous Thoughts», «Salvation», «Free to Decide» og «Promises»).[3]
I byrjinga av 2009 blei Cranberries gjenforeint etter ein seks års pause. Gruppa byrja å turnera i Nord-Amerika, og følgde opp med show i Sør-Amerika og Europa.[4][5] Bandet spelte inn det sjette albumet sitt Roses i mai 2011, og gav det ut i februar 2012. Something Else, eit album med tidlegare songar saman med Irish Chamber Orchestra, kom ut i april 2017.[6]
15. januar 2018 døydde songaren Dolores O'Riordan uventa i London, der ho var seg for å spela inn ny musikk. Etter døden hennar stadfesta Noel Hogan at dei gjenverande medlemmane valde å oppløysa gruppa i respekt for henne. Gruppa blei oppløyst etter utgjevinga av det kritikarroste albumet In the End (2019).
Diskografi
[endre | endre wikiteksten]- Everybody Else Is Doing It, So Why Can't We? (1993)
- No Need to Argue (1994)
- To the Faithful Departed (1996)
- Bury the Hatchet (1999)
- Wake Up and Smell the Coffee (2001)
- Roses (2012)
- Something Else (2017)
- In the End (2019)
Kjelder
[endre | endre wikiteksten]- ↑ «"She was on a roll": The Cranberries open up about the last days of singer Dolores O'Riordan». The Official Charts Company. Arkivert frå originalen 21. september 2018. Henta 21. september 2018.
- ↑ «The Cranberries – Band». Arkivert frå originalen 14. april 2011. Henta 29. april 2011.
- 1 2 «American Chart». Billboard.com. Arkivert frå originalen 1. august 2008. Henta 24. juni 2008.
- ↑ «The Cranberries Reunite After Six Years». SPIN.com. Henta 12. november 2009.
- ↑ «CRANBERRIES HIT SOUTH AMERICA!/FIRST OFFICIALLY ANNOUNCED TOUR DATE FOR EUROPE!». Dolores O'Riordan. Arkivert frå originalen 31. august 2009. Henta 24. desember 2009.
- ↑ «The Cranberries Announce New Acoustic Album Something Else, Share “Linger”: Listen». Pitchfork. Henta 23. mars 2017.
- Denne artikkelen bygger på «The Cranberries» frå Wikipedia på dansk, den 17. oktober 2025.