The Number of the Beast av Iron Maiden

Frå Wikipedia – det frie oppslagsverket
The Number of the Beast
Studioalbum av Iron Maiden
Språk engelsk
Utgjeve 22. mars 1982[1][2]
Innspelt Battery Studios
Januar-februar 1982[3][4]
Sjanger Heavy metal
Lengd 39:11[5]
Selskap EMI (EMC 3400)
Harvest (North America)
Produsent Martin Birch
Iron Maiden-kronologi 
Killers
(1981) 		The Number of the Beast Piece of Mind
(1983)
Singlar frå The Number of the Beast
  1. «Run to the Hills»
    Utgjeve: 12. februar 1982
  2. «The Number of the Beast»
    Utgjeve: 26. april 1982

The Number of the Beast er det tredje studioalbumet til det engelske heavy metal-bandet Iron Maiden, gjeve ut i mars 1982. Det var det første albumet til gruppa med vokalisten Bruce Dickinson og det siste med trommeslagaren Clive Burr.

The Number of the Beast fekk god kritikk og selde godt og var eit landemerke for bandet. Det gjekk til topps på den britiske albumlista, og selde til platinaplate i USA. Albumet inneheld singlane «Run to the Hills» og «The Number of the Beast», og den førstnemnde vart den første singelen til Iron Maiden som nådde topp 10 på den britiske singellista. Albumet var òg kontroversielt, særleg i USA, på grunn av dei religiøse referansane i plateomslaget og teksten på tittelsporet.

Etter utgjevinga av The Number of the Beast og den påfølgjande turneen, The Beast on the Road, har «The Beast» blitt eit alternativ namn for Iron Maiden og seinare nytta i titlar på somme samleplater og konsertutgjevingar, som Best of the Beast og Visions of the Beast.

Låtskriving og innspeling[endre | endre wikiteksten]

The Number of the Beast er det einaste albumet til Iron Maiden der Clive Burr er godskriven som låtskrivar, og var det første albumet der gitaristen Adrian Smith stod oppført som låtskrivar.[6] I tillegg byrja Steve Harris å tilpasse låtskrivinga si til den nye vokalisten Bruce Dickinson. Produsenten på albumet, Martin Birch, sa «Eg trudde ikkje [den tidlegare vokalisten Paul Di'Anno] klarte å syngje somme av dei ganske så kompliserte retningane eg visste Steve ønskte å utforske... Då Bruce kom inn opna det opp før enorme mogelegheiter for det nye albumet.»[7]

I følgje fleire intervju var Dickinson sterkt involvert i å skrive fleire av songane på albumet, særleg «Children of the Damned», «The Prisoner» og «Run to the Hills».[8] På grunn av pågåande kontraktproblem med den førre gruppa si, Samson, kunne ikkje Dickinson på lovleg vis ta del i låtskrivinga på albumet,[6] og kunne berre kome med det han kalla «moralske bidrag», som tydde at han kunne påverke songane, men ikkje kome med så store innspel at han vart godskriven som låtskrivar.[9] Innspelinga og miksinga av albumet var over på fem veker,[3] etter at bandet hadde brukt lang tid på å konstruere nye songar.[10] Dette kom av at dette var første gongen bandet måtte skape eit album heilt frå starten av, og hadde veldig lite klart før før-produksjonen av albumet.[6]

Musikkpressa fortalte historier om uforklarte fenomen som oppstod under innspelinga i Battery Studios, som at lysa slo seg på og av av seg sjølv, og at innspelingsutstyret på mystisk vis brått slutta å virke.[2] Dette toppa seg då Birch var involvert i ei bilulukke med ein minibuss som transporterte ei gruppe nonner, og fekk ei rekning på reparasjonane på 666 pund.[11][12]

Songar[endre | endre wikiteksten]

«Run to the Hills» vart gjeven ut på singel den 12. februar 1982, to veker før den britiske turneen til Maiden, og fungerte som ei førehandsvisning av albumet, som ikkje kom ut før to dagar etter den britiske delen av turneen var over.[3] Singelen kom med ein musikkvideo som nytta konsertopptak og klipp frå Buster Keaton-filmar,[3] og gjorde det merkverdig bra. Han vart den første singelen deira om nådde topp 10 på den britiske singellista.[13] Gruppa skunda seg for å bli ferdig med albumet i tide, og spele inn og mikse singelen for ei tidleg utgjeving. Dei valde raskt «Total Eclipse» som B-side.[10]

Sidan dei hadde skrive for mange songar, måtte dei velje mellom «Total Eclipse» og «Gangland» for singelen «Run to the Hills», med tanken om at den andre songen skulle vere med på albumet.[10] Fleire av bandmedlemmane har sidan angra på avgjersla og Steve Harris sa «Me valde rett og slett feil song som B-side. Eg trur at om 'Total Eclipse' hadde vore på albumet i staden for 'Gangland' så hadde det gjort det enno betre.»[10] I tillegg har Harris sagt at opningssporet «Invaders», ikkje var bra nok, og sa han «kunne ha vore erstatta av noko betre, men me hadde ikkje noko anna å erstatte han med på den tida. Me hadde akkurat nok tid til å gjere det me gjorde, og det var det.»[10]

Tittelsporet vart av mange religiøse grupper i USA rekna som bevis på at Iron Maiden var eit satanistisk band, men songen var i røynda inspirert av eit mareritt bassisten Steve Harris hadde hatt etter å ha sett filmen Damien: Omen II seint på kveld.[6] I tillegg sa Harris at teksten òg var inspirert av Robert Burns-diktet «Tam o' Shanter».[12] Songen opnar med ein talt introduksjon frå Johannes' openberring, lese av skodespelaren Barry Clayton.[14] I følgje Dickinson hadde bandet først spurt skodespelaren Vincent Price om å spele inn passasjen, men spurte Clayton etter at Price kravde 25 000 pund for jobben.[15] Sjølv om teksten i plateomslaget hevdar at passasjen er frå Johannes' openberring 13:18,[5][16] kjem den første linja frå 12:12.[17]

Avslutningssongen «Hallowed Be Thy Name» har blitt spelt på alle turnane deira utanom ein sidan albumet kom ut (det einaste unntaket var Maiden England-turneen i 2012-2014).[12] AllMusic skildra songen som «kanskje den mest hylla av dei lange episke songan til bandet. Det er ei soge om ein fange som er i ferd med å hengjast, med nokre av dei mest filosofiske tekstane til Harris nokon gong.»[18] Fleire bandmedlemmar har sidan sagt at det er ein av favorittsongane deira, og Dickinson skildra han som «fantastisk» og at å spele songen live var som om «å fortelje ein film til publikum.»[12] Eit konsertopptak av songen kom ut i 1993, og gav bandet nok ei topp 10-plassering i Storbritannia.[13]

«Children of the Damned» er basert på filmane Village of the Damned og Children of the Damned,[12] som igjen var basert på romanen The Midwich Cuckoos av John Wyndham.[19] I det siste radioprogrammet sitt for BBC Radio 6, under ein del av showet som hylla den avdøde Ronnie James Dio, nemner Dickinson at Children of the Damned var inspirert av Black Sabbath sin «Children of the Sea».[20]

«The Prisoner» var inspirert av ein britisk TV-serie med same namn, og inneheld dialog frå tittelsekvensen. Bandmanageren Rod Smallwood måtte ringe til Patrick McGoohan og bed om løyve til å bruke lydklipp for songen og var ekstremt nølande.[1] McGoohan skal ha sagt «Kva sa du namnet var igjen? Eit rockeband, seier du? Gjer det.»[1] Iron Maiden laga seinare ein annan song basert på serien, «Back in the Village» frå Powerslave i 1984.[21]

«22 Acacia Avenue» er den andre songen i soga om «Charlotte the Harlot», som opphavleg var skriven av Adrian Smith fleire år seinare, medan han spelte i det gamle bandet sitt, Urchin. I følgje Smith skal Steve Harris ha hugsa å ha høyrt songen på ein Urchin-konsert i ein lokal park, og modifisert songen for The Number of the Beast.[22]

Mottaking og kontrovers[endre | endre wikiteksten]

Meldingar
Karakter
KjeldeKarakter
AllMusic4.5/5 stars[18]
BBC Musicpositiv[23]
Collector's Guide to Heavy Metal8/10[24]
Rolling Stone2.5/5 stars[25]
Sounds5/5 stars[4]
Sputnikmusic4.5/5[26]
Bruce Dickinson og Steve Harris på scenen i 1982. The Beast on the Road-turneen vart forsøkt spolert av fleire demonstrasjonar av religiøse aktivistar i USA.

Albumet fekk sterk motstand av konservative miljø, særleg i USA, der Iron Maiden vart skulda for å vere satanistar. Platene til bandet vart brende på bål, men nokre grupper øydela platene med hammar, i frykt for avgassane frå den brennande vinylen.[12][27] The Beast on the Road-turneen vart utsett for mange boikottar og demonstrasjonar. Konsertlokala vart ofte omringa av aktivistar som delte ut brosjyrar og i somme tilfelle vart ein åtte meter høg kross boren i protest.[12][28] Harris har sagt «Det var galskap. Dei misforstod det fullstendig. Dei hadde tydelegvis ikkje lese tekstane. Dei ønskte berre å tru alt det tøvet om at me var satanistar.»[29]

Etter utgjevinga har albumet som regel fått god kritikk. AllMusic har skildra det som «blant topp fem av dei viktigaste heavy metal-albuma som er gjevne ut. Ein hjørnestein i sjangeren.»[18] Sputnikmusic kalla det «ein klassikar i metal-verda»,[26] medan BBC Music hylla dei komplekse arrangementa på plata, og sa «Medan sjølv nokre av dei ærverdige HM-institusjonane (tenk Black Sabbath) vil slite med å lage materiale som var noko meir enn ei samling av moll-riff, klarte Iron Maiden denne bragda med stil.»[23] magasinet Q plasserte albumet på 100. plassen på lista si over dei 100 beste britiske albuma gjennom tidene i 2000 og kåra det i 2001 til eit av dei 50 tyngste albuma gjennom tidene.[30] I 2006 vart det sett på 40. plassen på lista deira over dei 40 beste albuma frå 1980-åra.[31] IGN og Metal Rules plasserte det på høvesvis tredje- og andreplassen på lista si over dei beste heavy metal-albuma,[32][33] og Guitar World rangerte det på 17. plassen på lista si over dei 100 beste gitaralbuma gjennom tidene.[34] Classic Rock plasserte det på 15. plassen på lista si over dei 100 beste britiske rockealbuma og skildra det som «det viktigaste metal-albumet det tiåret»,[28] og det vart kåra til det beste britiske albumet dei siste 60 åra av HMV i 2012.[35][36] The Number of the Beast er eit av to album som er oppført i Robert Dimery-boka 1001 Albums You Must Hear Before You Die (Iron Maiden frå 1980 er det andre).[37]

I 2001 laga BBC ein dokumentarfilm om The Number of the Beast som ein del av serien Classic Albums, som kom ut på DVD same året.

Plateomslaget[endre | endre wikiteksten]

Som alle Iron Maiden-omslaga i 1980-åra og tidleg i 1990-åra, vart det måla av Derek Riggs. Omslaget vart opphavleg laga for singelen «Purgatory», men Rod Smallwood meinte det var for bra for singelen og valde å spare det for The Number of the Beast i staden.[38] På den originale utgåva frå 1982 er det blå himmel i bakgrunnen. Dette var ein feil gjort av trykkjarane av omslaget. Dette vart seinare endra og kom ut i svart då albumet vart trykt på ny i 1998.[12]

Albumet var kontroversielt, særleg i USA, på grunn av teksten på tittelsporet og plateomslaget som syner Eddie som kontrollerer Satan som ein marionett, medan Satan kontrollerer ein mindre Eddie. Smallwood forklarer at konseptet var å spørje «kven er det verkeleg som er vond her? Kven manipulerer kven?»[38] I følgje Riggs var dette inspirert av ein Doctor Strange-teikneserie «som hadde ein stor skurk med Doctor Strange som hang i nokre strengar som ein marionett, det var noko eg las som barn attende i 1960-åra trur eg», medan bileta av helvete var «henta frå kunnskapen min om mellomalderkunst frå det kristne Europa, som var full av slike scener.»[39]

Plateomslaget har blitt parodiert fleire gonger, av crossover thrash-bandet Stormtroopers of Death for albumet Bigger than the Devil frå 1999 og på ei T-skjorte frå Streetwear-merket Diamond Supply Co.[39][40]

Versjonar og framføringar av andre artistar[endre | endre wikiteksten]

Den 24. oktober 2002 selte det progressive metal-bandet Dream Theater heile albumet på La Mutualite i Paris. Konserten vart spelt inn og gjeven ut på YtseJam Records.[41]

«Run to the Hills» vart spelt på hyllestalbumet Numbers From The Beast, med vokalisten Robin McAuley, gitaristane Michael Schenker og Pete Fletcher, bassisten Tony Franklin og trommeslagaren Brian Tichy.[42][43] A Tribute to the Beast, Vol. 2 inneheld versjonar av «Children of the Damned» av Sebastian Bach frå Skid Row og «Hallowed Be Thy Name» av Iced Earth,[44] som òg har spelt «Hallowed Be Thy Name» og «The Number of the Beast» på albumet Tribute to the Gods.[45] «Hallowed Be Thy Name» har òg blitt spelt av Machine Head på Maiden Heaven: A Tribute To Iron Maiden, som vart gjeve ut av Kerrang! i 2008,[46] and by Cradle of Filth,[47] medan tittelsporet har blitt spelt av Djali Zwan i filmmusikken til Spun.[48] Akustiske tolkingar av «Children of the Damned» og «22 Acacia Avenue» finst på albumet Across The Seventh Sea (2012) av prosjektet Maiden uniteD.[49]

I andre media[endre | endre wikiteksten]

Fleire av songane på albumet er nytta i videospel: «Run to the Hills» er med i SSX On Tour som opningstema,[50] Grand Theft Auto: Episodes from Liberty City,[51][52] og ein coverversjon finst i Rock Band, den einaste songen i spelet som er oppført som 'umogeleg' for alle instrumenta.[53] I tillegg er «The Number of the Beast» (som den originale masterinnspelinga), «Run to the Hills» og «Hallowed Be Thy Name» (sistnemndee i ein liverversjon frå Flight 666) tilgjengelg som nedlasting for Rock Band den 8. juni 2009.[54] «The Number of the Beast» vart òg nytta i Guitar Hero III: Legends of Rock,[55] og i Tony Hawk's Pro Skater 4.[56]

Innhald[endre | endre wikiteksten]

Originalutgåva[endre | endre wikiteksten]

Alle songar er skrivne av Steve Harris, utanom der andre er nemnde.

Side ein
Nr.TittelLåtskrivar(ar)Lengd
1.«Invaders» 3:20
2.«Children of the Damned» 4:34
3.«The Prisoner»Adrian Smith, Harris5:34
4.«22 Acacia Avenue»Harris, Smith6:34
Side to
Nr.TittelLåtskrivar(ar)Lengd
1.«The Number of the Beast» 4:25
2.«Run to the Hills» 3:50
3.«Gangland»Smith, Clive Burr3:46
4.«Hallowed Be Thy Name» 7:08
Total lengd:39:11

Nymastra utgåve frå 1998[endre | endre wikiteksten]

Nr.TittelLåtskrivar(ar)Lengd
1.«Invaders» 3:22
2.«Children of the Damned» 4:33
3.«The Prisoner»Smith, Harris6:00
4.«22 Acacia Avenue»Harris, Smith6:38
5.«The Number of the Beast» 4:51
6.«Run to the Hills» 3:50
7.«Gangland»Smith, Burr3:47
8.«Total Eclipse»Harris, Dave Murray, Burr4:28
9.«Hallowed Be Thy Name» 7:10
Total lengd:44:39

Bonusplate med 1995-utgåva[endre | endre wikiteksten]

Nr.TittelLåtskrivar(ar)Lengd
1.«Total Eclipse»Harris, Murray, Burr4:26
2.«Remember Tomorrow» (live)Harris, Paul Di'Anno5:29

Medverkande[endre | endre wikiteksten]

Henta frå plateomslaget[5][16] og AllMusic.[57]

Iron Maiden
Produksjon

Lister[endre | endre wikiteksten]

The Number of the Beast var ein salssuksess,[29] og The New York Times skreiv i 2010 at det er seld 14 millionar eksemplar verda over.[58] Det var den første plata til bandet som toppa den britiske albumlista. Ho gjekk inn på topp 40 og rett til topps den 10. april, og låg på toppen i alt i to veker, og låg inne på topp 75 i alt 31 veker.[13] Ho gjekk inn på Billboard 200 på ein 150. plass og nådde 33. plassen på det beste. I tillegg gjekk albumet inn på topp 10 i Austrerrike, Sverige og nådde 11. plassen i Canada og 13. plassen i Noreg.

Plata har seld til platinaplate i Storbritannia og USA, og gullplate i Tyskland.

Dei to singlane, «Run to the Hills» og tittelsporet debuterte på den britiske singellista på høvesvis sjuande og 18. plassen. BEgge songane gjekk inn på den irske singellista og nådde 16. og 19. plassen der.

Album

Land Liste (1982) Plassering
Austerrike Ö3 Austerrike Topp 40 3[59]
Canada Canadian Albums Chart 11[60]
Finland Den finske albumlista 15[61]
Tyskland Media Control Charts 11[62]
Nederland MegaCharts 6[63]
New Zealand RIANZ 18[64]
Noreg VG-lista 13[65]
Sverige Sverigetopplistan 7[66]
Storbritannia Offisiell albumliste 1[13]
USA Billboard 200 33[67]
Land Liste (1987) Plassering
Storbritannia Offisiell albumliste 98[13]
Land Liste (2006) Plassering
Spania PROMUSICAE 56[68]
Storbritannia Offisiell albumliste 54[13]
Land Liste (2007) Plassering
Spania PROMUSICAE 97[68]
Land Liste (2010) Plassering
Hellas IFPI Hellas 33[69]
Mexico AMPROFON 95[70]
Land Liste (2012) Plassering
Sverige Sverigetopplistan 32[66]

Salstrofé

Region Salstrofé Salstal
Austerrike (IFPI Austerrike)[71] Gull 25 000x
Canada (Music Canada)[72] 3× Platina 300 000^
Tyskland (BVMI)[73] Gull 250 000^
Sveits(IFPI Switzerland)[74] Gull 25 000x
Storbritannia (BPI)[75] Platina 300 000^
USA (RIAA)[76] Platina 1 000 000^

^salstala er basert på sertifiseringa aleine

Singlar

Singel Liste (1982) Plassering Album
«Run to the Hills» Irish Singles Chart 16[77] The Number of the Beast
UK Singles Chart 7[13]
«The Number of the Beast» Irish Singles Chart 19[77]
UK Singles Chart 18[13]
Singel Liste (1985) Plassering Album
«Run to the Hills» (Live) Irish Singles Chart 18[77] Live After Death
UK Singles Chart 26[13]
Singel Liste (1990) Plassering Album
«Run to the Hills / The Number of the Beast» UK Albums Chart[merk 1] 3[13] —
«Running Free (Live) / Run to the Hills (Live)» 9[13]
Singel Liste (1993) Plassering Album
«Hallowed Be Thy Name» (live) Irish Singles Chart 16[77] A Real Dead One
UK Singles Chart 9[13]
Singel Liste (2002) Plassering Album
«Run to the Hills (Live)» Canadian Singles Chart 11[78] Rock in Rio
Den nederlandske singellista 60[79]
Den finske singellista 5[80]
Den franske singellista 73[81]
Den tyske singellista 55[82]
Irish Singles Chart 38[83]
Den italienske singellista 6[84]
VG-lista i Noreg 15[85]
Sverigetopplistan 28[86]
Den sveitisiske singellista 75[87]
UK Singles Chart 9[13]
Singel Liste (2005) Plassering Album
«The Number of the Beast»[merk 2] Den finske singellista 2[80] —
Den franske singellista 78[81]
Den tyske singellista 76[82]
Irish Singles Chart 11[83]
Den italienske singellista 5[84]
VG-lista 13[85]
Sverigetopplistan 40[86]
Den sveitisiske singellista 42[88]
UK Singles Chart 3[13]

Fotnotar[endre | endre wikiteksten]

  1. ↑ Nyutgjevingar som ein del av The First Ten Years. Strekte seg over tidsgrensa til UK Singles chart.
  2. ↑ Nyutgjeving av original studioversjon i lag med konsertopptak frå 2002.

Kjelder[endre | endre wikiteksten]

  1. ↑ 1,0 1,1 1,2 Wall 2004, s. 227.
  2. ↑ 2,0 2,1 Bushell, Garry; Halfin, Ross (1985). Running Free, The Official Story of Iron Maiden (2nd utg.). Zomba Books. s. 100. ISBN 0-946391-84-X. 
  3. ↑ 3,0 3,1 3,2 3,3 Wall 2004, s. 226.
  4. ↑ 4,0 4,1 Bushell, Garry; Halfin, Ross (1985). Running Free, The Official Story of Iron Maiden (2nd utg.). Zomba Books. s. 101. ISBN 0-946391-84-X. 
  5. ↑ 5,0 5,1 5,2 The Number of the Beast. Iron Maiden. EMI. 22 March 1982. 
  6. ↑ 6,0 6,1 6,2 6,3 Wall 2004, s. 224.
  7. ↑ Wall 2004, s. 223.
  8. ↑ «Living Legends Music Bio on Bruce Dickinson». Livinglegendsmusic.com. Arkivert frå originalen 8. mars 2012. Henta 9 November 2010. 
  9. ↑ Shooman, Joe (2007). Bruce Dickinson: Flashing Metal with Iron Maiden and Flying Solo. Independent Music Press. s. 82. ISBN 0-9552822-4-1. 
  10. ↑ 10,0 10,1 10,2 10,3 10,4 Wall 2004, s. 225.
  11. ↑ Doran, John (2005). «Devil Incarnate». Metal Hammer presents: Iron Maiden 30 Years of Metal Mayhem (Future Publishing): 140–141. 
  12. ↑ 12,0 12,1 12,2 12,3 12,4 12,5 12,6 12,7 Classic Albums: Iron Maiden – The Number of the Beast (DVD). Eagle Vision. 4 December 2001. 
  13. ↑ 13,00 13,01 13,02 13,03 13,04 13,05 13,06 13,07 13,08 13,09 13,10 13,11 13,12 13,13 «Artist Chart History: Iron Maiden». Official Charts Company. Henta 22. august 2016. 
  14. ↑ Parsons, Katie (5. desember 2011). «The 10 Mightiest Intros in Metal». NME. Henta 22. august 2016. 
  15. ↑ «Bruce Dickinson: Iron Maiden to tour in 2005». Blabbermouth.net. 8. juni 2004. Henta 9. januar 2012. 
  16. ↑ 16,0 16,1 The Number of the Beast Remastered. Iron Maiden. EMI. 1998. 
  17. ↑ Gilmour, Michael (15. desember 2011). «Iron Maiden Reads the Book of Revelation». The Huffington Post. Henta 22. august 2016. 
  18. ↑ 18,0 18,1 18,2 Huey, Steve. «Review: The Number of the Beast». AllMusic. Rovi Corporation. Henta 1 January 2011. 
  19. ↑ «Children of the Damned (1963)». Time Out London. Henta 22. august 2016. 
  20. ↑ «Bruce Dickinson Friday Rock Show- 28/05/2010». BBC Online. Henta 22. august 2016. 
  21. ↑ Lawson, Dom. «Show Me The Mummy». Kerrang! Legends (Bauer Media Group) (2): 46–47. 
  22. ↑ Wall 2004, s. 167.
  23. ↑ 23,0 23,1 Smith, Sid (23. april 2007). «Iron Maiden – The Number of the Beast Review». BBC Online. Henta 9 November 2010. 
  24. ↑ Popoff, Martin (1. november 2005). The Collector's Guide to Heavy Metal: Volume 2: The Eighties. Burlington, Ontario, Canada: Collector's Guide Publishing. s. 170–171. ISBN 978-1-894959-31-5. 
  25. ↑ Considine, J.D. (24 June 1982). «Iron Maiden- The Number of the Beast». Rolling Stone. Arkivert frå originalen 30. november 2007. Henta 31 January 2012. 
  26. ↑ 26,0 26,1 Stagno, Mike (17. juli 2006). «Iron Maiden – The Number of the Beast». Sputnikmusic. Henta 9. november 2010. 
  27. ↑ Young, Simon. «Raising Hell». Kerrang! Legends (Bauer Media Group) (2): 32. 
  28. ↑ 28,0 28,1 «100 Greatest British Rock Albums Ever». Classic Rock (Future Publishing) (91): 64. April 2006. 
  29. ↑ 29,0 29,1 Wall 2004, s. 228.
  30. ↑ «Q 's 50 Heaviest Albums of All Time». Q (Bauer Media Group): 86. July 2001. 
  31. ↑ «The 40 Best Albums of the '80s». Q (241). August 2006. 
  32. ↑ Spence D. (19 January 2007). «Top 25 Metal Albums». IGN. Henta 22. august 2016. 
  33. ↑ «The Top 100 Heavy Metal Albums». Metal Rules. September 2003. Arkivert frå originalen 30. november 2017. Henta 22. august 2016. 
  34. ↑ «Guitar World's 100 Greatest Guitar Albums of All Time». Guitar World. October 2006. 
  35. ↑ Alderslade, Merlin (22. august 2016). «It’s Official: Iron Maiden Are Better than Led Zeppelin and the Beatles – Number Of The Beast Voted Best British Album Of The Past 60 Years!». Metal Hammer. Arkivert frå originalen 22. juli 2013. Henta 22. august 2016. 
  36. ↑ Hall, James (22. august 2016). «Trainspotting and Iron Maiden top Jubilee poll». The Daily Telegraph. Henta 22. august 2016. 
  37. ↑ Lydon, Michael (preface) (15 October 2008). Dimery, Robert, red. 1001 albums you must hear before you die (Updated utg.). London: Cassell Illustrated. ISBN 978-1844036240. Henta 22. august 2016. 
  38. ↑ 38,0 38,1 Wall 2004, s. 135.
  39. ↑ 39,0 39,1 Everley, Dave (22. august 2016). «Derek Riggs: Iron Maiden Album Cover Artist Interviewed». Classic Rock. Arkivert frå originalen 24. november 2013. Henta 22. august 2016. «How did you feel about some of the pastiches it inspired – ie, S.O.D.’s Bigger Than The Devil album cover, and Diamond Supply Co's T-shirts?» 
  40. ↑ «Diamond «Iron Maiden» Tees». individualsole.com. 4 November 2006. Henta 22. august 2016. 
  41. ↑ «Dream Theater: New 'Official Bootlegs' Available For Pre-Order». Blabbermouth.net. 5 February 2005. Henta 22. august 2016. 
  42. ↑ «Iron Maiden: Numbers From The Beast All-Star Tribute Album Due In October». Blabbermouth.net. 27 September 2005. Henta 22. august 2016. 
  43. ↑ «Michael Schenker Covers Iron Maiden, Rush, Black Sabbath on New Album». Brave Words & Bloody Knuckles. 16 May 2011. Henta 22. august 2016. 
  44. ↑ «Destruction, Sentenced, Primal Fear to Contribute Tracks to Iron Maiden Tribute CD». Blabbermouth.net. 12 May 2003. Arkivert frå originalen 29. juni 2012. Henta 22. august 2016. 
  45. ↑ «A Tribute to the Gods». Iced Earth. Henta 22. august 2016. 
  46. ↑ Lane, Daniel (122. august 2016). «The making of Maiden Heaven». Kerrang!. Henta 22. august 2016. 
  47. ↑ «Cradle of Filth To Issue «Very Best Of» Double CD». Blabbermouth.net. 7 April 2002. Henta 22. august 2016. 
  48. ↑ «Spun Soundtrack». Internet Movie Database. Henta 22. august 2016. 
  49. ↑ «Apocalyptica's Perttu Kivilaakso To Guest on Maiden United Album». Blabbermouth.net. 13 August 2012. Henta 22. august 2016. 
  50. ↑ «Iron Maiden Featured On SSX on Tour Soundtrack». Blabbermouth.net. 12 September 2005. Henta 27 January 2012. 
  51. ↑ «Exclusive Features: Radio Station Updates & Soundtracks». Rockstar Games. Arkivert frå originalen 29. juni 2017. Henta 22. august 2016. 
  52. ↑ «Grand Theft Auto: Episodes From Liberty City Credits». Allgame. Rovi Corporation. Arkivert frå originalen 16. november 2014. Henta 22. august 2016. 
  53. ↑ «'Run to the Hills' cover». Rock Band. Henta 22. august 2016. 
  54. ↑ «Rockband.com- Iron Maiden». Rock Band. Henta 24 September 2011. 
  55. ↑ «Guitar Hero III: Legends of Rock». Blabbermouth.net. 4 October 2007. Henta 22. august 2016. 
  56. ↑ Calvert, Justin (16 October 2002). «Tony Hawk's Pro Skater 4 soundtrack revealed». GameSpot AU. Arkivert frå originalen 29. juni 2012. Henta 17 April 2012. 
  57. ↑ «Iron Maiden - The Number of the Beast: Credits». AllMusic. Henta 22. august 2016. 
  58. ↑ Pfanner, Eric (5 September 2010). «Die-Hard Fans Follow Iron Maiden into the Digital Age». The New York Times. Henta 22. august 2016. 
  59. ↑ «Discographie Iron Maiden». Ö3 Austerrike Topp 40 (på tysk). austriancharts.at. Henta 22. august 2016. 
  60. ↑ «Top 50 Albums». RPM (Library and Archives Canada) 36 (15). 22 May 1982. Henta 31 August 2008. 
  61. ↑ Pennanen, Timo (2006). Sisältää hitin – levyt ja esittäjät Suomen musiikkilistoilla vuodesta 1972 (på finsk) (1st utg.). Helsinki: Kustannusosakeyhtiö Otava. s. 166. ISBN 978-951-1-21053-5. 
  62. ↑ «Iron Maiden – The Number of the Beast (album)». Media Control Charts (på tysk). charts.de. Henta 18. juli 2013. 
  63. ↑ «Iron Maiden – The Number of the Beast (album)». MegaCharts (på nederlandsk). Dutchcharts.nl. Henta 22. august 2016. 
  64. ↑ «Iron Maiden – The Number of the Beast (album)». Recording Industry Association of New Zealand. Charts.org.nz. Arkivert frå originalen 11. november 2012. Henta 22. august 2016. 
  65. ↑ «Diskografi Iron Maiden». VG-lista. norwegiancharts.com. Henta 22. august 2016. 
  66. ↑ 66,0 66,1 «Iron Maiden – The Number of the Beast (album)». Sverigetopplistan. swedishcharts.com. Henta 22. august 2016. 
  67. ↑ «Iron Maiden > Charts & Awards > Billboard Albums». AllMusic. Rovi Corporation. Henta 27 October 2011. 
  68. ↑ 68,0 68,1 «Iron Maiden – The Number of the Beast (album)». Productores de Música de España. Spanishcharts.com. Henta 22. august 2016. 
  69. ↑ «Iron Maiden – The Number of the Beast (album)». IFPI Hellas. Greekcharts.com. Arkivert frå originalen 23. oktober 2013. Henta 22. august 2016. 
  70. ↑ «Iron Maiden – The Number of the Beast (album)». Asociación Mexicana de Productores de Fonogramas y Videogramas. Mexicancharts.com. Arkivert frå originalen 31. oktober 2013. Henta 22. august 2016. 
  71. ↑ «Austrian album salstrofé – Iron Maiden – The Number of the Beast» (på tysk). IFPI Austerrike. 21 September 1990. Henta 15 November 2011.  Enter Iron Maiden in the field Interpret. Enter 'The Number of the Beast' in the field Titel. Select album in the field Format. Click Suchen
  72. ↑ «Canadian album salstrofé – Iron Maiden – The Number of the Beast». Music Canada. 12 October 2006. Henta 15 November 2011. 
  73. ↑ «Gold-/Platin-Datenbank (Iron Maiden; 'Number of the Beast')» (på tysk). Bundesverband Musikindustrie. Henta 15 November 2011. 
  74. ↑ «The Official Swiss Charts and Music Community: Awards (Iron Maiden; 'The Number of Th Beast')». Hung Medien. Henta 15 November 2011. 
  75. ↑ «British album salstrofé – Iron Maiden – The Number of the Beast». British Phonographic Industry. 1 November 2002. Henta 15 November 2011.  Enter 'The Number of the Beast' in the field Search. Select Title in the field Search by. Select album in the field By Format. Click Go
  76. ↑ «American album salstrofé – Iron Maiden – The Number of the Beast». Recording Industry Association of America. Henta 15 November 2011.  If necessary, click Advanced, then click Format, then select Album, then click SEARCH
  77. ↑ 77,0 77,1 77,2 77,3 «Search the charts». Irish Recorded Music Association. irishcharts.ie. Henta 3 October 2008. 
  78. ↑ «Iron Maiden – Billboard Singles». AllMusic. Rovi Corporation. Henta 22. august 2016. 
  79. ↑ «Discografie Iron Maiden». MegaCharts. dutchcharts.nl. Henta 22. august 2016. 
  80. ↑ 80,0 80,1 «Finnish Singles». Den finske albumlista. finnishcharts.com. Henta 22. august 2016. 
  81. ↑ 81,0 81,1 «Discographie Iron Maiden». Syndicat National de l'Édition Phonographique (på fransk). lescharts.com. Henta 22. august 2016. 
  82. ↑ 82,0 82,1 «Iron Maiden – Longplay-Chartverfolgung». Media Control Charts (på tysk). musicline.de. Arkivert frå originalen 17. oktober 2012. Henta 22. august 2016. 
  83. ↑ 83,0 83,1 «Diskografi Iron Maiden». Irish Recorded Music Association. irish-charts.com. Henta 22. august 2016. 
  84. ↑ 84,0 84,1 «Iron Maiden Singles». Federazione Industria Musicale Italiana. italiancharts.com. Henta 22. august 2016. 
  85. ↑ 85,0 85,1 «Iron Maiden Singles». VG-lista. norwegiancharts.com. Henta 22. august 2016. 
  86. ↑ 86,0 86,1 «Iron Maiden Singles». Sverigetopplistan. swedishcharts.com. Henta 22. august 2016. 
  87. ↑ «Iron Maiden – 'Run to the Hills' (live)». Swiss Hitparade. swisscharts.com. Henta 22. august 2016. 
  88. ↑ «Iron Maiden – 'The Number of the Beast'». Swiss Hitparade. swisscharts.com. Henta 1 October 2011. 
Henta frå «https://nn.wikipedia.org/w/index.php?title=The_Number_of_the_Beast_av_Iron_Maiden&oldid=3514326»