The Rivieras
The Rivieras | |||
Alias | The Playmates (1962-1963) Wildcat (2000-2010)[1] | ||
---|---|---|---|
Opphav | South Bend i Indiana i USA | ||
Aktiv | 1962–1966, 2000-2010 | ||
Sjanger | Rock and roll, surferock, garasjerock | ||
Plateselskap | Riviera, Columbia, Vogue Schallplatten | ||
Tidlegare medlemmer | Marty Fortson (død) Paul Dennert Doug Gean Otto Nuss Joe Pennell (død) Jim Boal Willie Gaut Bill Dobslaw Terry McCoy Stanley «Chip» Baginski Jeff McKew |
The Rivieras var ei USA-amerikansk rock and roll-gruppe,[2] som vart skipa tidleg i 1960-åra i South Bend i Indiana i USA. Dei er mest kjende for hitten «California Sun», skriven av Henry Glover. Trass i bakgrunnen frå landsbygda i Midtvesten vart dei populære med sin eigen variant av surfemusikk, med ein unik organbasert stil. Bandet var òg kjend som eit av dei siste amerikanske rock and roll-banda som gjekk til topps på singellistene før den britiske bølgja. Etter forskjellige endringar i besetninga gav bandet seg i 1966. Sidan den gongen har det vore fleire gjenforeiningar.
Historie[endre | endre wikiteksten]
The Rivieras bestod av tenåringar frå South Bend Central High School. Gruppa må ikkje forvekstlast med eit R&B-band med same namn som hadde hittar på slutten av 50- og tidleg på 60-talet. Dei kalla seg først The Playmates, men vart tvungen til å enre namn då det alt var eit band med dette namnet. Dei valde då å kalle seg Buick Riviera.[3]
The Rivieras var ein av mange grupper i Amerika som vart ein del av «frat rock»-rørsla tidleg i 1960-åra. Gruppa fekk den størtste hitten sin i 1964 med «California Sun», og nådde femteplassen på den amerikanske pop-lista. Faktisk var «California Sun» ein av dei siste reine, amerikanske rock and roll-songane på Billboard Hot 100-lista før «den britiske bølgja», og nådde den høgaste plasseringa si same dag som The Beatles toppa lista med «I Want to Hold Your Hand».[4]
I tillegg til den eine hitten deira, fekk The Rivieras tre songar til inn på Billboard Hot 100 i 1964: «Let's Have a Party» (#99), «Little Donna» (#93) og «Rockin' Robin» (#96).[4] Same året kom debutalbumet Let's Have a Party, som nådde 115. plassen på Billboard 200.[4]
Både personlege årsaker og drastiske endringar i popmusikken førte til at gruppa vart oppløyst i 1966.[4]
Nuss, Gean og Fortson starta opp att The Rivieras i 1980 og i 1987 spelte denne besetninga inn eit album som dei selde på konsertane sine.[5]
I 2000 vart bandet starta opp att nok ein gong med namnet Wildcat med dei originale medlemmane Marty Fortson (vokal, rytmegitar), Joe Pennell (sologitar) og Paul Dennert (trommer) i tillegg til Kevin Szucsits (klaverspelar, bass). Namnendringa kom av at dei originale Rivieras-medlemmane Otto Nuss (orgel) og Doug Gean (bass) trekte seg attende. Det nye bandet spelte ein meir moderne, hardare rock.[1]
Medlemmar[endre | endre wikiteksten]
- Marty «Bo» Fortson (fødd 1945): vokal og rytmegitar (1962-1963)
- Doug Gean (fødd 1951): bassgitar (1962-)
- Joe Pennell: gitar (1962-1963)
- Otto Nuss: orgel (1962-1966)
- Paul Dennert: trommer (1962-1964)
- Stanley «Chip» Baginski: trommer
- Bill Dobslaw: solovokal (1963-)
- Willy Gaut: vokal, rytmegitar (1963-1965)
- Jim Boal: sologitar (1963-1965)
- Bobby Wantuch: trommer
- Clifford Nolte: bassgitar
Diskografi[endre | endre wikiteksten]
- Let's Have A Party (1964)
- Let's Stomp with The Rivieras (1964)
- Campus Party (1965)
Singlar[endre | endre wikiteksten]
- 1964
- «Played On / California Sun» (Riviera #1401) La Porte, Indiana.
- «California Sun / H.B. Goose Step»(Riviera #1401) South Bend, Indiana.[6]
- «Let's Have a Party / Little Donna» (Riviera #1402) La Porte, Indiana.
- «Rockin' Robin / Battle Line» (Riviera #1403) La Porte, Indiana.
- 1965
- «Whole Lotta Shakin' / Rip It Up» (Riviera #1405) South Bend, Indiana.
- «Whole Lotta Shakin' / Whole Lotta Shakin'» (Riviera #1405 DJ) South Bend, Indiana.
- «Let's Go to Hawaii / Lakeview Lane» (Riviera #1406) South Bend, Indiana.
- «Somebody New / Somebody Asked Me» (Riviera #1407) La Porte, Indiana.
- «Never Feel the Pain / Bug Juice» (Riviera #1409) Mishawaka, Indiana.
- «California Sun / Little Donna / Back In The Sun» (Riviera #1410) South Bend, Indiana.
- «California Sun '65»[7]
Kjelder[endre | endre wikiteksten]
- Denne artikkelen bygger på «The Rivieras» frå Wikipedia på engelsk, den 3. mai 2018.
- Wikipedia på engelsk oppgav desse kjeldene:
- ↑ 1,0 1,1 HOWARD DUKES (22. april 2011). «Friends, bands honor Rivieras singer». Articles.southbendtribune.com. Arkivert frå originalen 18. april 2015. Henta 3. mai 2018.
- ↑ «The Rivieras». Discogs. Henta 3. mai 2018.
- ↑ «The Rivieras». Rockabilly.nl. 25. januar 1964. Henta 3. mai 2018.
- ↑ 4,0 4,1 4,2 4,3 Koda, Cub. «The Rivieras». AllMusic. Henta 3. mai 2018.
- ↑ «The Rivieras». Rockabilly.nl. 25. januar 1964. Henta 3. mai 2018.
- ↑ «The Rivieras - California Sun». YouTube. 16. august 2009. Henta 3. mai 2018.
- ↑ «The Rivieras - California Sun '65». YouTube. 7. april 2010. Henta 3. mai 2018.