Theodor Broch

Frå Wikipedia – det frie oppslagsverket
Hopp til navigering Hopp til søk
Theodor Broch
Situasjonen i Finnmark (Theodor Broch) (cropped).jpg
Fødd27. januar 1904
Død26. april 1998
Statsborgar avNoreg
PartiArbeidarpartiet
Yrkepolitikar, advokat

Peter Theodor Broch (27. januar 190426. april 1998) var ein norsk jurist og politikar frå Oslo.

Broch arbeidde som journalist frå 1922 og var medarbeidar i «Mot Dag» i tida 1923-30. Han tok juridisk embetseksamen i 1927. Frå 1930 arbeidde han som sakførar i Narvik fram til invasjonen i Noreg i 1940. I åra frå 1934 til 1940 var han ordførar i Narvik. Han var arrestert i 1940 av den tyske okkupasjonsmakta, men rømde og kom seg til USA via Sverige of Sovjetunionen. I Nord-Amerika arbeidde han med å fremje Noregs sak, gav i 1942 ut boka The Mountains Wait (Fjellene venter, 1946). Frå 1942 til -44 var han i England. Major Broch var frå november 1944 til krigsslutt i 1945 med i den norsk militærstaben utplassert i Finnmark.

Hausten 1945 vart Broch vald til stortingsrepresentant for kjøpstadene i Nordland, Troms og Finnmark. På Stortinget representerte han Arbeidarpartiet og var medlem av kommunalkomiteen. Han trekte seg tilbake etter ein stortingsperiode.

Frå 1949 til 1973 var Broch rådmann i Tønsberg kommune. Sidan arbeidde han som advokat for framandarbeidarar i Oslo. Broch var med på å stifte Norsk-Pakistansk forening, og var formann i foreininga frå starten i 1978 til 1981.

Broch vart tildelt Deltakarmedaljen i 1945 og Order of the British Empire i 1975.

Kjelder[endre | endre wikiteksten]