Thomasine Lie
| Thomasine Lie | |
.jpg) | |
| Statsborgarskap | Noreg |
| Fødd | 26. desember 1833 Grue kommune |
| Død |
6. oktober 1907 (73 år) |
| Yrke | næringslivsleiar |
| Medlem av | Norsk Kvinnesaksforening |
| Far | Michael Strøm Lie |
| Ektefelle | Jonas Lie |
| Thomasine Lie på Commons | |
Thomasine Henriette Lie (26. desember 1833–6. oktober 1907)[1] var ein medstiftar av Norsk Kvinnesaksforening. Ho var gift med forfattaren Jonas Lie, og påverka forfattarskapen hans gjennom heile livet.
Thomasine Lie var dotter av prokurator Michael Strøm Lie og Ingeborg Birgitte Møinichen, og grandtante til målaren Jonas Lie (1880–1940). Ho vaks opp i Dahlmanngården i Øvrebyen på Kongsvinger. Ho var den fyrste pianolæraren til systera si Erika Nissen. Ho gifta seg med fetteren sin Jonas Lie i 1860.
Thomasine Lie var medstiftar av Norsk Kvinnesaksforening i 1884.[2]
Liv
[endre | endre wikiteksten]Thomasine Lie fødde fem barn på Kongsvinger. Tre av dei, Asta, Michael og Mons, vaks opp. I 1868 flytta heile familien til Kristiania. Thomasine og Jonas Lie fekk to barn til, Erik Lie i 1869 og Elisabeth Lie i 1876. I periodar budde heile familien utanfor Noreg. I 1871 fekk Jonas Lie statsstøtte, og heile familien flytta til Roma. I 1878 flytta familien vidare til Tyskland. Der busette dei seg fyrst i Stuttgart, deretter i Dresden og til slutt i Berchtesgaden i Bayern. I 1882 flytta heile familien vidare til Paris, delvis fordi sonen, Mons ønskte å utdanne seg til fiolinist.[3]
Kjelder
[endre | endre wikiteksten]- ↑ «002 Thomasine Henriette Lie - 0031 Ny Storgade - 000 Kongsvinger Kjøbstad - Tellingskretsoversikt - Folketelling 1865 for 0402B Vinger prestegjeld, Kongsvinger kjøpstad - Digitalarkivet». www.digitalarkivet.no (på norsk). Henta 6. februar 2020.
- ↑ «Indbydelse til at indtræde i Norsk Kvindesags-Forening stiftet den 28de Juni 1884», Bergens Tidende, 18. november 1884
- ↑ Anne Berit Klungsøyr (red.) (1990). «Den combinerede Hjerne? Eller – Det trengs to for å skrive som Jonas Lie!». Solør-Odal (2): 48.
- Denne artikkelen bygger på «Thomasine Lie» frå Wikipedia på bokmål, den 18. mars 2025.
 |