Thorodd Presberg

	Thorodd Presberg
Statsborgarskap	Noreg
Fødd	18. januar 1944 (80 år); Drammen kommune
Idrett	fotball

Thorodd Presberg (fødd 18. januar 1944) er ein tidlegare norsk idrettsutøvar og -leiar frå Drammen. Han har vunne seks norske meisterskap i bandy og tre i fotball, samt eitt seriemeisterskap i fotball. I 1965 fekk han sølv med Noreg i verdsmeisterskapen i bandy. Etter han la opp som aktiv utøvar, var han dommar i både bandy og fotball. Han var medlem i Drafn til 1962, sidan av Strømsgodset Idrettsforening.

Fotball[endre | endre wikiteksten]

Fyrst frå 1963 spelte Presberg fast på Strømsgodset sitt fotballag. I spann med Steinar Pettersen var han ein viktig angrepsspelar då Strømsgodset i perioden 1969-73 sikra seg tre triumfar i noregsmeisterskap i fotball og i 1970 gjekk til topps i 1. divisjon.

Presberg deltok i tre av Noregs landskampar i 1968, alle enda med stygge tap. I kampen mot Danmark på bortebane skåra han Noregs einaste mål, danskane fann vegen til nettmauskane fem gongar. Også hans fjerde og siste landskamp, 13. mai 1970, enda med tap.

Bandy[endre | endre wikiteksten]

Presberg vann kongepokalen med Drafn i 1961 og med Strømsgodset i 1963, 1965, 1967, 1968 og 1970. Frå 1973 spelte han Bragerøen sitt bandylag. Han deltok i 29bandy-landskampar og skår 5 mål. I Bandy-VM 1965 var han med vinne sølv for det norske laget.

Trenar og dommar[endre | endre wikiteksten]

Etter å ha vore trenar for SIF sitt andredivisjonslag i fotball 1977-sesongen, byrja Presberg å dømme fotballkampar. Gjennom 1980-åra dømde han kampar i norske toppseriar. Både i 1983 og 1988 dømde han ein NM-finale. Åra 1989-90 var han dommar i tre fotball-landskampar.