Tim Hart

Frå Wikipedia – det frie oppslagsverket
Hopp til navigering Hopp til søk
Tim Hart
Fødd9. januar 1948(1948-01-09)
FødestadLincoln i Lincolnshire i England
Død24. desember 2009 (61 år)
DødsstadLa GomeraKanariøyane
OpphavStorbritannia
Aktiv1966–88, 1995, 2008
SjangerBritisk folkrock
InstrumentAkustisk gitar, dulcimer, orgel, 5-strengs banjo, mandolin, perkusjon
Tilknytte artistarSteeleye Span
Verka somMusikar, songar, låtskrivar, fotograf

Tim Hart (9. januar 194824. desember 2009) var ein engelsk visesongar og multi-instrumentalist, mest kjend for å ha vore med å starte opp det britiske folkrockbandet Steeleye Span.

Biografi[endre | endre wikiteksten]

Hart byrja å spele med Maddy Prior i 1966 på forskjellige viseklubbar i England. I 1968 og 1969 spelte duoen inn to album: Folk Songs of Olde England, Volum 1 og 2.

Frå 1970 til 1982 var Hart og Prior ryggrada i Steeleye Span. Her bidrog Hart med musikalsk dugleik på ei rekkje instrument, somme elektriske, som akustisk gitar, dulcimer, orgel, banjo, mandolin, bjøller, tabor og skei, i tillegg til at han song.[1] Hart song nesten berre på dei tradisjonelle songane bandet spelte inn. Steeleye Span nådde størst suksess i 1975. Dei turnerte i USA og Australia og brukte stadig oftare elektriske instrument. Det gjekk nedover med platesalet etter kvart og i 1978 annonserte dei ein farvellturné i Storbritannia. Dei kom derimot saman att i 1980-åra og bandet er framleis aktivt i dag.

Då bandet vart oppløyst nytta Hart høve til å gje ut eit soloalbum, Tim Hart, i 1979. I 1981 spelte Hart inn to album med barnesongar.

Helsa til Hart vart dårleg og i 1988 flytta han til La Gomera, ei lita øy i Kanariøyane. Han gav seg då med musikken og vart forfattar og fotograf. Han skreiv mellom anna e reisehandbok for La Gomera, La Gomera: A Guide to the Unspoiled Canary Island (2004) der han tok alle fotografia sjølv.

I desember 2008 fekk Hart diagnosen lungekreft og vende attende til England for å få medisinsk hjelp.[2] I desember 2009 reiste han heim att til La Gomera, der han døydde i heimen sin på julaftan, 61 år gammal.[3]

Diskografi[endre | endre wikiteksten]

Tim Hart and Maddy Prior

  • Folk Songs of Olde England Vol. 1 (1968)
  • Folk Songs of Olde England Vol. 2 (1968)
  • Summer Solstice (1971)

Tim Hart

  • Tim Hart (1979) Chrysalis CHR 1218

Tim Hart and Friends

Bøker[endre | endre wikiteksten]

  • Throbs (1978)
  • La Gomera: A Guide to the Unspoiled Canary Island (2004)

Kjelder[endre | endre wikiteksten]

  1. Plateomslag for dei første seks platene med Steeleye Span.
  2. Photo by Oliver Weber Mal:Webarchive
  3. Tim Hart, of folk group Steeleye Span, dies aged 61, BBC News
  4. http://www.softshoe-slim.com/lists/h/hart.html#5