Tobias Øgrim

Frå Wikipedia – det frie oppslagsverket
Tobias Øgrim
Statsborgarskap Noreg
Fødd 7. november 1886
Danviks hospital och Sicklaö församling
Død

11. november 1962 (76 år)
Oslo

Far Johan Ögrim
Kommandør Øgrims plass i Oslo

Tobias Immanuel Øgrim (fødd 7. november 1886 i Sicklaö i Sverige, død 11. november  1962 i Oslo) var ein svensk-norsk kommandør i Frelsesarmeen.

Liv og virke[endre | endre wikiteksten]

Bakgrunn[endre | endre wikiteksten]

Han var son av Johan Ögrim, og kom til Noreg fyrste gong i 1895, der far hans var sjefssekretær i Frelsesarmeen. I 1905 drog han til Den internasjonale krigsskolen til Frelsesarmeen i London.

Virke i Frelsesarmeen[endre | endre wikiteksten]

Seinare vart han send som frelsesoffiser til England, Japan og fleire europeiske land, mellom anna Færøyane.

Etter at faren Johan vart landsleiar i Frelsesarmeen i Noreg i 1906, tok Tobias norsk statsborgarskap i 1908. Han hadde ei rekkje nøkkelstillingar som frelsesoffiser i Noreg, mellom anna som krigsskulesjef (rektor for offisersutdanninga) og sjefssekretær (nestkommanderande). Ein periode var han og kona misjonærar i Japan. Han var leiar av Frelsesarmeen i Noreg frå 1945 til 1948, der han gjorde ein monaleg innsats i hjelpearbeidet i det krigsherja Nord-Noreg.

Frå 1948 til 1951 var han internasjonal sekretær for Europa ved hovudkontoret i London. Han leidde Frelsesarmeen i Sverige frå 1951 til 1956. Frå denne stillinga vart han pensjonert. Han døydde i 1962, under eit besøk til ei svensk forsamling.

T.I. Øgrim hadde fem barn. Han er far til fysikaren Otto Øgrim og Kristian Øgrim, som mellom anna var programleiar i NRK Fjernsynet. T.I. Øgrim er stamfar til alle med Øgrim-namnet i Noreg. Forfattaren Tron Øgrim var såleis eit av barnebarna.

Dottera Ruth var gift med den mangeårige ordføraren i Oslo, Brynjulf Bull.

Kommandør T. I. Øgrims plass utanfor Hovudkvarteret til Frelsesarmeen i Bernhard Getz' gate i Oslo er oppkalla etter han.

Kjelder[endre | endre wikiteksten]

Bakgrunnsstoff[endre | endre wikiteksten]

  • Holm, Henry: T.I.Øgrim: Han glemte ingen – Salvata Kristelige forlag – Oslo 1964