Tolmatsjova-systrene

Tolmatsjova-systrene
Tolmatsjova-systrene i 2006
Opphav	Kursk i Russland
Aktiv	2006–
Sjanger	pop
Medlemmer	Anastasija Tolmatsjova Marija Tolmatsjova
Verka som	skodespelar

Tolmatsjova-systrene er ein duo sett saman av tvillingsystrene Anastasija og Marija Tolmatsjova frå Kursk i Russland. Systrene vart fødd 14. januar 1997.

Eurovision

Under deltakingane i Eurovision har dei brukt det engelske namnet Tolmachevy Sisters.

Junior Eurovision Song Contest 2006

Tolmatsjova-systrene vart vald til å representere Russland i Junior Eurovision Song Contest 2006 i Bucureşti i Romania. Dei deltok med songen «Vesennij dzjaz», som dei framførte på russisk. Bidraget vann med 154 poeng; tolv frå Kviterussland, Belgia, Kroatia, Romania, Serbia, Sverige og Ukraina, ti frå Kypros, Hellas, Portugal, Spania og Nederland og fire frå Makedonia og Malta. I tillegg fekk kvart land tolv bonuspoeng slik at ingen skulle stå att med null poeng.

Eurovision Song Contest 2009

I 2009 var systrene var ein del av opningsnummeret i den fyrste semifinalen då Eurovision Song Contest vart arrangert i Moskva i heimlandet Russland.

Eurovision Song Contest 2014

Tolmatsjova-systrene vart valde internt til å representere Russland i Eurovision Song Contest 2014 i København i Danmark. Dei vil delta med songen «Shine», som vil verte framført på engelsk. Songen er skriven av Philipp Kirkorov, Dimítris Kontópoulos, John Ballard, Ralph Charlie og Gerard James Borg.

Kjelder

• Denne artikkelen bygger på «The Tolmachevy Sisters» frå Wikipedia på engelsk, den 30. mars 2014.