Tom Vraalsen

Frå Wikipedia – det frie oppslagsverket
Hopp til navigering Hopp til søk
Tom Vraalsen
Fødd26. januar 1936
Oslo
Død13. september 2021 (85 år)
Statsborgar avNoreg
PartiSenterpartiet
Yrkepolitikar, diplomat
Utdanna vedHandelshøjskolen i Aarhus
Utanriksdepartementets aspirantkurs

Tom Eric Vraalsen (26. januar 193613. september 2021) var ein norsk diplomat og politikar for Senterpartiet.[1] Han var bistandsminister i Syse-regjeringa 1989–1990.[2][3]

Bakgrunn[endre | endre wikiteksten]

Vraalsen voks opp på Frogner som son av Åre Vraalsen, direktør i Sørensen & Lies Kulkompani, og kona Franciska Andresen.[2][4]

Etter Oslo handelsgymnasium utdanna han seg til siviløkonom ved Handelshøjskolen i Århus og gjekk UDs aspirantkurs.

Karriere[endre | endre wikiteksten]

Vraalsen tenestegjorde i Utanriksdepartementet og ved ambassadane i Beijing, Kairo, Manila og Jakarta 1961–1975. Han var ministerråd ved den norske SN-delegasjonen i New York 1975–1979, spesialrådgjevar i Utenriksdepartementets politiske avdeling 1981–1982 og fast representant for Noreg ved SN i New York 1982–1989. Han hadde permisjon frå Utanriksdepartementet som direktør for samfunnskontakt i Saga Petroleum 1991–1992.[5] Deretter var han SN-utsending til Sør-Afrika i 1992 og Noregs ambassadør i London 1994–1996, Washington, D.C. 1996–2001 og Helsingfors 2001–2003.[6][7] Han hadde òg oppdrag som SNs spesialutsending for Sudan 1998–2004.[8]

Vraalsen var formann i Oslo Senterparti 1979–1980 og medlem av Senterpartiets programkomite i 1979. Han var bistandsminister i Jan P. Syses regjering 1989–1990.

Tom Vraalsen vart utnemnd til kommandør av St. Olavs Orden i 1987 og tildelt storkrossen av Royal Victorian Order i 1994.[9] Han var æresdoktor ved amerikanske Augustana College og Luther College.

Familie[endre | endre wikiteksten]

Han var gift med Viebecke Vraalsen, tidlegare rådgjevar i Utanriksdepartementet.[10]

Kjelder[endre | endre wikiteksten]

  1. «Tidligere bistandsminister Tom Vraalsen er død – VG Nå: Nyhetsdøgnet». VG Nå (norsk). 21. september 2021. Henta 21. september 2021. 
  2. 2,0 2,1 «Vraalsen, Tom Eric (1936–)». 
  3. Trygve Slagsvold Vedum og Marit Arnstad: Tom Vraalsen 1936-2021 - Minneord i Aftenposten 23. september 2021
  4. Næringslivets menn i Norden: biografisk håndbok over ledere av skandinaviske firmaer. Oslo: Eckardts bokhandel. 1950. s. 1200. 
  5. «Tom Vraalsen blir olje-direktør i Saga». 7. januar 1991. 
  6. «Tom Vraalsen til Sør-Afrika». 20. november 1992. 
  7. «Arbeidshest med sjakett». Aftenposten: 10. 26. januar 1996. 
  8. «Superdiplomat Tom Vraalsens siste triumf». VG: 20–21. 24. januar 2011. 
  9. Noregs statskalender 2008
  10. «Vi vil ikke savne naboskapet med Diana». VG: 30–31. 22. juni 1996.