Tor Erik Jenstad

Frå Wikipedia – det frie oppslagsverket
Hopp til navigering Hopp til søk
Tor Erik Jenstad
Tor Erik Jenstad 2012.jpg
Fødd 5. oktober 1956
Sunndal
Yrke språkforskar

Tor Erik Jenstad (fødd 5. oktober 1956 i Sunndal på Nordmøre) er ein norsk språkforskar, ordbokredaktør og folkemusikar, busett i Trondheim. Han har utdanninga si frå Universitetet i Trondheim, der han i 1982 vart cand. philol. med ei hovudoppgåve om Sunndals-dialekten.[1] I 1995 vart han dr. art., med avhandlinga Ein repetis i obligadur : norsk folkemusikkterminologi, med vekt på feletradisjonen.[2] I 2001 gav han ut ei bok med same tittel, som byggjer på dr. art.-avhandlinga.[3]

Sidan 2003 har han vore ein av redaktørane for Norsk Ordbok 2014.[4]

Jenstad legg vekt på formidling, og publikasjonane hans spenner frå akademiske til populærvitskaplege bøker og artiklar. Han held også ofte foredrag[5][6] og deltar i radioprogram. Han bidrar blant anna jamleg i NRK-programmet Språkteigen.[7] Han har også dialektbloggen «Moro med ord og uttrykk!» saman med Unni Ulltveit (foto/redigering).[8] Frå 1992 har han hatt radioprogrammet «Dialektmagasinet» på NRK Trøndelag. Det blir framleis sendt kvar veke – og kan no også høyrast som podkast.[9]

I 1993 mottok han Nordmøre Mållags målpris, og i 1998 mottok han ein pris frå Kungl. Gustav Adolfs Akademien för svensk folkkultur (Torsten Janckes minnefond) for sitt arbeid med norsk dialektologi.[10]

Jenstad er også ein aktiv folkemusikar. Han var styremedlem i Landslaget for Spelemenn i perioden 1997–1999, og leiar for Trøndelag Folkemusikklag 2013–14. Saman med folkemusikkgruppa «Hørkelgaddan», der han spelte trekkspel og toradar, mottok han Spellemannprisen 1981 i klassen folkemusikk/gammeldans. Han speler i fleire spelemannslag og folkemusikkgrupper, med Oppdal Spell- og dansarlag som hovudlag. Duoen «Trebitmerra og feppeldaill'n» (med Unni Ulltveit) er Noregs første «togspellemenn».[11][12]

Jenstad er medlem av Det Kongelige Norske Videnskabers Selskab.

I 2019 fekk han Trønderlaget sin målpris, for sitt mangeårige arbeid for dialekt og nynorsk.[13]


Verkliste (utval)[endre | endre wikiteksten]

Bakgrunnsstoff[endre | endre wikiteksten]


Kjelder[endre | endre wikiteksten]

Referanser og fotnoter[endre | endre wikiteksten]

Bøker og artiklar[endre | endre wikiteksten]